Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 6:1-30

6  O outou le fanauga a Peniamina e, inā sosola ese ia mai i totonu o Ierusalema; ma ia ili le pū+ i Tikoa.+ Ia tafu foʻi se afi e fai ma faailoilo i Peteakarema;+ auā ua faaloloʻi mai iā te outou le mala mai i mātū, o le faaumatiaga tele.+  Ua pei le tama fafine a Siona o se fafine lalelei ma faapelepeleina.+  Ua ō mai iā te ia leoleo mamoe ma a latou lafu. Ua faatutū faataamilo o latou faleʻie iā te ia.+ Ua taʻitasi ma fafaga i lana lafu i lona lava fanua.+  Ua latou faapaia le taua faasaga iā te ia:+ “Inā tulaʻi ia, seʻi o tatou ō aʻe i le tutonu o le lā!”+ “Oi talofa iā i tatou, auā ua leva le aso, ua faasolo ina mou atu ata lafoia o le afiafi!”  “Inā tulaʻi ia, ma tatou ō aʻe i le pō ma faaumatia ona ʻolo o loo nonofo ai.”+  Auā o le mea lenei ua fetalai mai ai Ieova o ʻau: “Ia tātuu i lalo ni laau,+ ma tanu ai se mea mautiʻetiʻe e siʻo ai Ierusalema.+ O le aai lea ua tatau i ai le faasalaga.+ Ua i totonu foʻi iā te ia sauāga.+  E pei ona faamālūina e se vaieli o ona vai, e faapea foʻi ona ia faamālūina o ana mea leaga. Ua lagona iā te ia le sauāga ma le faatafunaga;+ ua i oʻu luma e lē aunoa maʻi ma mala.  Ierusalema e, inā talia ia le faasaʻoga,+ ina ia ou lē liliuese mai ai ona ua ou ʻinoʻino iā te oe;+ ina neʻi oʻu faia foʻi oe ma mea ua faatafunaina, o se nuu ua lē ʻainā.”+  O le mea lenei ua fetalai mai ai Ieova o ʻau: “E latou te aoaoina mai lava le vaega totoe o Isaraelu e pei o le vine.+ Inā toe tuu atu ia lou lima, e pei o sē o loo aoaoina fua o vine mai i lālā vine.” 10  “O ai ea ou te tautala ma avatu i ai le lapataʻiga, ina ia o latou faalogo mai? Faauta! Ua lē peritomeina o latou taliga, ua lē mafai ai ona latou uaʻi mai.+ Faauta! Ua avea le afioga a Ieova ma mea e latou te taufaifai i ai,+ e latou te lē fiafia ai foʻi.+ 11  Ua tumu aʻu i le toʻasā o Ieova. Ua ou lē lavā taofiofi.”+ “Inā sasaa atu ia i le tamaitiiti o loo i le auala,+ atoa ma le faapotopotoga o tauleleʻa; auā e maua lava i latou, o le tamāloa ma lana avā, o le toeaina foʻi ma lē ua faafualoa ona aso.+ 12  E avatua lava o latou fale i isi ina ia fai mo i latou, faapea foʻi ma o latou fanua ma a latou avā.+ Auā ou te faaloaloa atu loʻu lima faasaga i tagata o loo nonofo i le nuu,” ua fetalai mai ai Ieova.+ 13  “Auā e mai i ē e faatauvaa o i latou e oo lava i ē e sili, ua maua e tagata uma a latou polofiti i faiga lē saʻo;+ ua faia foʻi e le perofeta atoa ma le ositaulaga mea pepelo.+ 14  Ua latou taumafai e faatalapelo ona faamālōlō le manuʻa o loʻu nuu,+ i le faapea ane, ‘Ua filemu! Ua filemu!’ ae e leai se filemu.+ 15  Pe na latou māsiasi ea ona ua latou faia se mea inosia?+ E tasi le mea, e latou te leʻi lagona lava se māsiasi; a o le isi mea, e leʻi oo ina latou iloa le faalogona o le faalumaina.+ O le mea lea, e paʻuʻū ai i latou faatasi ma ē ua paʻuʻū;+ o le aso foʻi ou te faasalaina ai i latou, e latou te tautevateva ai,” ua fetalai mai ai Ieova. 16  O le mea lenei ua fetalai mai ai Ieova: “Inā outou tutū ia i ala, ia vaavaai ma fesili i auala o aso anamua, po o fea le ala lelei;+ ia savavali ai,+ ona outou mālōlō ai lea.”+ A ua latou faapea mai pea: “E matou te lē savavali ai.”+ 17  “Ua ou faatūina iā te outou ni leoleo,+ ‘Ia outou faalogo i le leo o le pū!’ ”+ A ua latou faapea mai pea: “E matou te lē faalogo i ai.”+ 18  “O le mea lea, inā faalogo mai ia atunuu! Ia iloa foʻi e outou le faapotopotoga le mea e tupu iā i latou. 19  Le lalolagi e, inā faalogologo mai ia! Ou te faaooina atu i lenei nuu le mala,+ o le fua o o latou manatunatuga,+ auā e latou te leʻi uaʻi mai i aʻu upu; ma ua latou teena pea laʻu tulafono.”+ 20  “Aiseā ua e aumaia ai iā te aʻu le lipano mai i Seepa,+ ma le tolo suamalie mai i le nuu mamao? Ou te lē fiafia i a outou taulaga mū,+ ma e lē faamalieina foʻi aʻu i a outou taulaga.”+ 21  O le mea lea ua fetalai mai ai Ieova: “Ou te tuu i luma o lenei nuu o mea e tautevateva ai,+ ma e latou te tautevateva ai i na mea, o tamā faatasi ma atalii; o le tuaoi ma lana aumea, e fano i latou.”+ 22  O le mea lenei ua fetalai mai ai Ieova: “Faauta! E ō mai tagata mai i le nuu o le itu i mātū, e feala mai foʻi se nuu tele mai i vaega pito sili ona mamao o le lalolagi.+ 23  E fetagofi atu i latou i le ʻaufana ma le tao.+ E sauā i latou ma e lē alolofa. E taalili lo latou leo e pei o le sami,+ ma e tiʻetiʻe i latou i solofanua.+ Ua sauniuni i latou e pei o se tagata o le taua e latou te tau ma oe, le tama fafine a Siona e.”+ 24  Ua matou faalogo ai i le tala. Ua vaivai o matou lima.+ Ua maua i matou i mafatiaga, o tigā e pei o se fafine o le a fanau.+ 25  Aua tou te ō atu i le fanua, ma aua tou te savavali i le ala; auā o loo iai le pelu a le fili, ma ua iai foʻi le mataʻu i itu uma.+ 26  Le tama fafine a loʻu nuu e, inā fusi ia le ʻie talatala+ ma taafili i le lefulefu.+ Ia e faavauvau e pei ona faavauvau o se tasi mo lona atalii e toʻatasi, o le tagiauē ona o le oona;+ auā e faafuaseʻi ona oo mai iā i tatou o lē na te faoa mea.+ 27  “Ua ou faia oe ma lē e tofotofo i uʻamea i loʻu nuu, o lē e matuā saʻiliʻili; ona e iloa ai lea ma e suʻesuʻeina lo latou ala.+ 28  O i latou uma o tagata e sili ona faauamaaa,+ o loo feoaʻi solo o ni ē e taufaaleaga,+ ua pei i latou o le ʻapamemea ma le uʻamea. Ua leaga i latou uma lava.+ 29  Ua mū le mea e tapili ai.+ Ua maua mai le pulu mai i la latou afi.+ Ua matuā faamamāina fua pea e le tasi, ma e leʻi faateʻaeseina foʻi o ē e amioleaga.+ 30  Ua taʻua e le nuu i latou o siliva ua lafoaʻiina,+ auā ua lafoaʻiina i latou e Ieova.”+

Faamatalaga Pito i Lalo