Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 49:1-39

49  O le mea lenei ua fetalai mai ai Ieova i le fanauga a Amoni:+ “Pe e leai ea ni atalii o Isaraelu, pe e leai foʻi se suli o iā te ia? Aiseā ua avea ai e Malekama+ Kato,+ ma ua nonofo ona tagata i aai o Isaraelu?”+  “ ‘O le mea lea, faauta! e oo mai aso,’ ua fetalai mai ai Ieova, ‘ou te tuuina atu le alaga o le taua+ ina ia lagonaina i Rapa,+ o le aai o le fanauga a Amoni; e avea lava o ia ma mea maupuʻepuʻe ua faatafunaina,+ ma e susunuina foʻi i le afi ona tamaʻi aai.’+ “ ‘Ona fai ai lea e Isaraelu o i latou mo ia, o ē sa fai o ia mo i latou,’+ ua fetalai mai ai Ieova.  “ ‘Hesepona e,+ inā uiō ia,+ auā ua faatafunaina Ai! Tamaʻi aai o Rapa e, inā alalaga ia. Ia lavalava outou i ʻie talatala.+ Inā tagituʻi ia ma feoaʻi solo i pā maa, auā e aveina faapagota Malekama,+ faatasi ma ona ositaulaga ma ona perenise uma.+  Le tama fafine lē faamaoni e, aiseā ua e mimita ai e uiga i fanua laugatasi, o lou fanua laugatasi o loo tafe ai le vai,+ o oe o lē e faatuatua i ana oloa,+ e faapea: “O ai ea e sau iā te aʻu?” ’ ”+  “ ‘O lenei, ou te faaoo atu iā te oe le mea e mataʻu ai, mai iā i latou uma o loo siʻomiaina oe,’+ ua fetalai mai ai Ieova o ʻau, o le Alii Pule Silisili Ese.+ E faataapeapeina lava outou, e taʻitoʻatasi i le mea e alu i ai,+ e leai foʻi se tasi na te toe faapotopotoina faatasi i latou ua sosola ese.’ ”  “ ‘Ae e mulimuli ane, ou te faapotopotoina ē ua ave faapagota o le fanauga a Amoni,’+ ua fetalai mai ai Ieova.”  O le mea lenei ua fetalai mai ai Ieova o ʻau iā Etoma: “Pe e lē o toe iai ea se atamai+ i Timanu?+ Po ua leai ea se fautuaga mai iā i latou ua malamalama? Po ua mavae atu ea lo latou atamai?+  Inā sosola ia!+ Inā liliuese ia outou! Inā ō ifo ia i le mea loloto e nonofo ai,+ o outou o loo nonofo i Titana!+ Auā ou te faaoo le malaia o Esau i ona luga, i le taimi ou te liliu atu ai iā te ia.+  Pe afai e ō atu iā te oe o ē e tauina vine, pe e lē faatotoeina ea e i latou ni mea? Afai e ō atu tagata gāoi i le pō, ona latou faaumatia ai lea o mea e tusa ma lo latou manaʻo.+ 10  A o aʻu, ou te aveesea mea uma a Esau.+ Ou te faaalia mea e lafi ai o ia,+ e lē toe mafai ona lafi ai se tasi.+ E faaumatia lava lana fanau,+ o ona uso, ma ona tuaoi, e lē toe iai o ia.+ 11  Inā tuua ia ou tamaiti ua leai ni tamā.+ O aʻu lava ou te faasaoina i latou, e faatuatua mai foʻi iā te aʻu ou fafine ua feoti a latou tane.”+ 12  Auā o le mea lenei ua fetalai mai ai Ieova: “Faauta! E ui lava e lē o la latou tū le inu i le ipu, ae e latou te feinu lava.+ A o oe, pe e tuua ea oe e aunoa ma le faasalaina? E lē tuua oe e aunoa ma le faasalaina, auā e te inu lava.”+ 13  “Auā ua ou tautō aʻu iā te aʻu lava,”+ ua fetalai mai ai Ieova, “e fai Posara+ ma mea e ofo ai,+ o se mea e faalumaina ai, o le mea ua faatafunaina, ma o le malaia; e avea foʻi ona aai uma ma mea ua faatafunaina e oo i le faavavau.”+ 14  Ua ou faalogo i se tala mai iā Ieova, ma ua auina atu foʻi se avefeʻau i atunuu, e faapea: “Inā faapotopoto faatasi ia outou, ma ia ō mai iā te ia, ia sii atu i ai le taua.”+ 15  “Faauta! Ua ou faia oe ia faatauvaa i atunuu, ua inosia lava e tagata.+ 16  O le mataʻu na e faatupuina ua ʻolegia ai oe, o le faamaualuga o lou loto,+ o oe o lē e nofo i mea malupuipuia o le papa, o loo nofo i le mea maualuga o le aʻega. E ui ina e fausia lou faamoega i le mea maualuga e pei o se aeto,+ ae ou te ave ifo oe mai i inā,”+ ua fetalai mai ai Ieova. 17  “E avea Etoma ma mea e ofo ai.+ O i latou uma foʻi e ui ane ai, e taufai pulatoʻa atu ma le ofo tele ma tuufaaili ona o ona mala uma.+ 18  E pei o le faaumatiaina o Sotoma ma Komoro ma ona aai tuaoi,”+ ua fetalai mai ai Ieova, “e leai se tagata e nofo ai i inā, e leai foʻi se atalii o le tagata e nofo ai o se tagata ese.+ 19  “Faauta! E alu aʻe se tasi e pei o se leona+ mai i vao lauolaola i tafatafa o Ioritana, i le mea e nofo tumau ai,+ ae ua toeitiiti ona ou faasola ese lea o ia mai iā te ia.+ Ou te tofia foʻi lē ua filifilia e pule iā te ia. Auā o ai se isi e pei o aʻu,+ o ai foʻi se tasi e na te tofotofo mai iā te aʻu,+ o ai foʻi le leoleo mamoe e mafai ona tū mai i oʻu luma?+ 20  O le mea lea, inā outou faalogologo mai ia i le filifiliga a Ieova ua ia faia iā Etoma,+ ma lona finagalo ua ia finagalo ai i ē o loo nonofo i Timanu:+ E moni, e fetosoaʻiina solo o ē e iti o le lafu. E moni foʻi, e na te faia le mea latou te nonofo ai ma mea ua faatafunaina ona o i latou.+ 21  Ua gatete le laueleele i le taalili o lo latou paʻuʻū.+ Ua iai le alaga!+ Ua lagona foʻi le leo o le alaga i le Sami Ulaula.+ 22  Faauta! E alu aʻe se tasi ma toe faatifa ifo e pei o se aeto,+ e faaloloa atu ona apaʻau i Posara;+ o loto foʻi o tagata malolosi o Etoma, e avea lava i lenā aso e pei o le loto o se fafine ua faatigā o le a fanau.”+ 23  O le upu iā Tamaseko:+ “Ua faamāina Amato+ ma Arepa,+ ona o le tala leaga na latou faalogo i ai. Ua vaivai o latou loto.+ Ua fesouaʻiina i latou e pei o le sami; ua lē mafai ona faatoʻafilemuina.+ 24  Ua lotovaivai Tamaseko. Ua liliu o ia e sola, ma ua popolevale o ia.+ Ua maua o ia i mafatiaga ma tigā e pei o se fafine ua faatigā o le a fanau.+ 25  E faapefea ona lē lafoaʻia le aai sa viiviia, o le aai o le fiafia?+ 26  “O le mea lea e paʻuʻū ai ona tauleleʻa i ona nofoaga faitele, e fasiotia foʻi tagata uma o le taua i lenā aso,”+ ua fetalai mai ai Ieova o ʻau. 27  “Ou te faamū foʻi le afi i le pā o Tamaseko, ma e faaumatia ai lava ʻolo e nonofo ai o Peniata.”+ 28  O le mea lenei ua fetalai mai ai Ieova iā Kitara+ ma malo o Hasora+ na faatoʻilaloina+ e Nepukanesa le tupu o Papelonia: “Inā outou tutulaʻi ia ma ō aʻe i Kitara, ma faaumatia le fanauga o le itu i Sasaʻe.+ 29  E faoa o latou faleʻie+ ma a latou lafu mamoe,+ o ʻie puipui o o latou faleʻie+ ma a latou mea uma. E avea foʻi a latou kamela+ mai iā i latou. E latou te alalaga atu lava iā i latou, ‘Ua iai le mataʻu i itu uma!’ ”+ 30  “Inā sosola ia, ia sosola mamao lava; inā ō ifo ia i le mea loloto e nonofo ai, o outou o loo nonofo i Hasora,”+ ua fetalai mai ai Ieova. “Auā ua faufau e Nepukanesa+ se mea leaga e fai iā te outou, ma ua ia mafaufau foʻi i se mea leaga e fai iā te outou.” 31  “Inā tutulaʻi ia outou, ma ō aʻe e faasagatau i le atunuu o loo toʻafilemu,+ ma o loo nonofo saogalemu!”+ ua fetalai mai ai Ieova. “E leai ni ona faitotoʻa ma se faamau faalava. Ua nonofo na o i latou.+ 32  E faoa a latou kamela,+ ma e fai ma vete a latou lafu e tele. Ou te faasalalau solo i latou i matagi uma,+ o i latou o ē e sele o latou manifinifi;+ ou te aumaia foʻi lo latou malaia mai i nuu uma e latalata ane i ai,” ua fetalai mai ai Ieova. 33  “E avea Hasora+ ma mea e nonofo ai taʻifau ʻaivao,+ ma mea ua faatafunaina e oo i le faavavau. E leai se tagata e nofo ai i inā, e leai foʻi se atalii o le tagata e nofo ai o se tagata ese.”+ 34  O le afioga lenei a Ieova na oo mai i le perofeta o Ieremia, e faatatau iā Elama+ i le amataga o le nofoaiga a Setekaia+ le tupu o Iuta, e faapea: 35  “O le mea lenei ua fetalai mai ai Ieova o ʻau, ‘O aʻu lava ou te gagauina le ʻaufana a Elama,+ o le amataga o lo latou malosi. 36  Ou te aumaia i luga o Elama o matagi e fā mai i tuluʻiga e fā o le lagi.+ Ou te faasalalauina i latou i nei matagi uma,+ e leai foʻi se atunuu e lē oo atu i ai tagata ua faataapeapeina+ o Elama.’ ” 37  “Ou te faafefeina tagata Elama i luma o o latou fili, ma luma o i latou o loo saʻili e fasioti iā i latou; ou te faaooina atu foʻi se mala iā i latou, o loʻu ita tele,”+ ua fetalai mai ai Ieova. “Ou te auina atu foʻi le pelu e mulimuli atu iā i latou, seʻia ou faaumatia i latou.”+ 38  “Ou te tuu loʻu nofoālii i Elama,+ ma ou faaumatia i lea mea le tupu ma perenise,” ua fetalai mai ai Ieova. 39  “Ae a oo i le faaiʻuga o aso,+ ou te faapotopoto faatasi mai ai o ē na ave faapagota o Elama,”+ ua fetalai mai ai Ieova.

Faamatalaga Pito i Lalo