Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ieremia 46:1-28

46  O le afioga lenei a Ieova na oo mai i le perofeta o Ieremia e faatatau i nuu ese:+  Mo Aikupito,+ e faatatau i le ʻautau a Farao Neko le tupu o Aikupito,+ o lē sa i tafatafa o le vaitafe o Eufirate i Karekimisa,+ na faatoʻilaloina e Nepukanesa le tupu o Papelonia, i le tausaga lona fā o le nofoaiga a Ioakima+ le atalii o Iosia, le tupu o Iuta:  “Inā sauni ia e outou le talita ma le talipupuni tele, ma faalatalata atu i le taua.+  O outou o tagata tiʻetiʻe solofanua, inā nonoa ia solofanua ma tiʻetiʻe ai, ia fai o outou puloutau ma sauni. Ia faaiila tao. Ia oofu foʻi outou i ofutau uʻamea.+  “‘Aiseā ea ua ou iloa atu ai i latou ua matataʻu? Ua solomuli i latou ma ua tuʻimomomoina o latou tagata malolosi; ua sosola lava i latou, e leʻi toe liliu mai i latou.+ Ua iai foʻi le mataʻu i itu uma,’+ ua fetalai mai ai Ieova.  ‘Aua neʻi taumafai le tagata televave e sola ese, aua foʻi neʻi taumafai le tagata malosi e sao mai ai.+ Ua tautevateva ma paʻuʻū i latou i luga i le itu i mātū+ i tafatafa o le auvai o le vaitafe o Eufirate.’+  “O ai lenei ua alu aʻe e pei o le Vaitafe o le Naila, e pei o vaitafe ua fesouaʻiina ona vai?+  Ua alu aʻe Aikupito e pei o le Vaitafe o le Naila,+ ma ua fesouaʻiina foʻi vai e pei o vaitafe.+ Ua faapea foʻi o ia, ‘Ou te alu aʻe. Ou te ufitia le lalolagi. Ou te matuā faaumatia le aai ma i latou o loo nonofo ai.’+  O outou solofanua e, inā ō aʻe ia; ma ia ō atu saoasaoa outou kariota! Ia ō atu foʻi i luma tagata malolosi, o tagata Kuso+ ma Futu,+ o ē o loo aveina le talipupuni, ma tagata Luti,+ o ē o loo aveina ma loloʻu le ʻaufana. 10  “Auā o le aso lea o Ieova o ʻau, o le Alii Pule Silisili Ese, o le aso o le tauimasui e taui atu ai e ia i ona fili.+ E ʻai le pelu ma maʻona ai, e inu ai foʻi seʻia malie i lo latou toto, auā ua faia e Ieova o ʻau, o le Alii Pule Silisili Ese+ le taulaga,+ i le nuu o le itu i mātū i tafatafa o le vaitafe o Eufirate.+ 11  “Le tama teine taupou e, a Aikupito,+ inā alu aʻe ia i Kiliata ma aumai ni pasama.*+ Ua e faateleina mea e faamālōlō ai, ae e lē aogā. E leai lava se togafiti mo oe.+ 12  Ua lagona mai e atunuu lou māsiasi+ ma ua faatumulia foʻi le nuu i lau alaga.+ Auā ua tausuai i laʻua, o le tagata malosi i le isi tagata malosi.+ Ua paʻuʻū faatasi i laʻua uma i lalo.” 13  O le afioga a Ieova na fetalai mai ai i le perofeta o Ieremia, e faatatau i le sau o Nepukanesa le tupu o Papelonia e taia le nuu o Aikupito:+ 14  “Ia outou taʻu atu i Aikupito ma faalauiloa atu i Mekatala,+ i Nafi+ ma Tapenesa.+ Ia faapea atu, ‘Inā tutū ia ma sauniuni outou,+ auā o le a faaumatia e le pelu ou itu uma.+ 15  Aiseā ea ua tafiesea ai ou tagata malolosi?+ E leʻi tutū i latou, auā ua tuleiesea i latou e Ieova.+ 16  E matuā toʻatele i latou ua tautevateva. Ua paʻuʻū foʻi i latou. Ua latou fai atu pea o le tasi i le isi: “Inā tulaʻi ia, seʻi o tatou toe foʻi atu i o tatou tagata ma le nuu o o tatou aiga, ona o le sauā o le pelu.”’ 17  O i inā ua latou faapea ai, ‘O Farao le tupu o Aikupito, ua na o se tagata gugutu.+ Ua ia faamutaina le taimi o tausamiga.’+ 18  “‘O loo ola aʻu,’ ua fetalai mai ai le Tupu, o lona suafa o Ieova o ʻau,+ ‘e sau o ia e pei o Tapora+ i mauga, ma e pei foʻi o Karamelu+ i tafatafa o le sami. 19  O oe lenā le tama fafine+ o loo nofo i Aikupito, ia e fai se ato mo oe mo lou aveina faapagota.+ Auā e avea Nafi+ ma mea e ofo ai, ma e susunuina lava i le afi ina ia leai se tasi e nofo ai.+ 20  O Aikupito o se tamaʻi povi fafine e matuā tino lelei. E sau lava le namu mai i le itu i mātū e faasagatau iā te ia.+ 21  O ona fitafita totogi foʻi o loo iā te ia, ua pei o ni tamaʻi povi pepeti.+ Ua faapea ona solomuli i latou;+ ua sosola faatasi i latou. E leʻi tutū i latou.+ Auā ua oo mai i o latou luga le aso o lo latou malaia, o le taimi lea e liliu atu ai iā i latou.’+ 22  “‘O lona leo e pei o le leo o se gata ua alu atu;+ auā e ō mai tagata ma lo latou malosi, latou te ō mai foʻi iā te ia ma toʻi, e pei o i latou o ē e fai fafie. 23  E latou te tātuu foʻi i lalo lona vaomatua,’+ ua fetalai mai ai Ieova, ‘auā e lē mafai ona uia e se tasi. Auā e sili atu ona toʻatele i latou nai lo o sē akerise,+ ma e lē mafaitaulia lava i latou. 24  E māsiasi le tama fafine+ a Aikupito. E tuuina atu lava o ia i lima o le nuu o le itu i mātū.’+ 25  “Ua fetalai mai Ieova o ʻau, o le Atua o Isaraelu, ‘Ou te taui atu iā Amone+ o le aai o No,+ o Farao ma Aikupito ma ona atua+ ma ona tupu,+ e oo lava iā Farao ma i latou uma e faatuatua iā te ia.’+ 26  “‘Ou te tuuina atu i latou i lima o ē o loo saʻili e fasiotia i latou, o le lima o Nepukanesa le tupu o Papelonia,+ ma lima o ana auauna; mulimuli ane, e toe nofoia e pei ona iai i aso anamua,’+ ua fetalai mai ai Ieova. 27  “‘A o oe, Iakopo e, laʻu auauna, aua e te fefe, Isaraelu e, aua e te mataʻu.+ Auā ou te faaola iā te oe mai i le mea mamao, ma lau fanau mai i le nuu na ave faapagota i ai i latou.+ E toe foʻi mai lava Iakopo, e lē toe atuatuvale ae o le a toʻafilemu, e lē toe iai foʻi se tasi e faamataʻu mai.+ 28  A o oe, Iakopo e, laʻu auauna, aua e te fefe,’ ua fetalai mai ai Ieova, ‘auā ou te faatasi ma oe.+ Auā ou te faaumatia atunuu uma na ou faataapeape i ai oe,+ ae ou te lē faaumatiaina oe.+ Ae peitaʻi, ou te aʻoaʻi faatatau iā te oe,+ ma ou te lē tuua atoatoa foʻi oe e aunoa ma le faasalaina.’”+

Faamatalaga Pito i Lalo

Tagaʻi i le Faaopoopoga e 13.