Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 43:1-13

43  Ina ua uma ona tautala atu Ieremia i le nuu uma i afioga uma a Ieova lo latou Atua, na auina mai ai o ia e Ieova lo latou Atua iā i latou, o ia upu uma lava,+  ona fai mai lea o Asaraia le atalii o Hosaia,+ o Ioanano+ le atalii o Karea, ma tagata faamaualuluga+ uma iā Ieremia: “O le mea pepelo ua e tautala mai ai.+ E leʻi auina mai oe e Ieova lo tatou Atua, e faapea, ‘Aua tou te ō atu i Aikupito e nonofo ai o ni tagata ese.’+  A ua faaoso oe e Paruka+ le atalii o Neria ina ia tautala mai faapenei iā i matou, ina ia tuuina atu ai i matou i lima o le ʻau Kaletaia, e fasiotia ai i matou pe ave faapagota i Papelonia.”+  Ae e leʻi faalogo Ioanano le atalii o Karea, o taʻitaʻi uma o ʻautau, ma le nuu uma i le siʻufofoga o Ieova,+ ina ia nonofo pea i le nuu o Iuta.+  Ona ave ai lea e Ioanano le atalii o Karea ma taʻitaʻi uma o ʻautau, o ē uma na totoe o Iuta na toe foʻi mai i atunuu uma na faataapeape i ai i latou, ina ia nonofo mo sina taimi i le nuu o Iuta,+  e oo foʻi i tane malolosi, o avā, o tamaiti, o afafine o le tupu,+ o tagata uma na tuua e Nepusatana+ le taʻitaʻi o leoleo e nonofo faatasi ma Ketalia+ le atalii o Aikamo+ le atalii o Safana,+ o le perofeta o Ieremia, ma Paruka+ le atalii o Neria.  Ua latou ō atu i le nuu o Aikupito,+ auā latou te leʻi faalogo i le siʻufofoga o Ieova; ma na latou ō atu lava e oo i Tapenesa.+  Ona oo mai lea o le afioga a Ieova iā Ieremia i Tapenesa, ua faapea mai:  “Ia e ave i lou lima ni maa tetele, ma e natia ai i le paluga o simā i le mea o loo iai piliki, o loo i le mea e ui atu ai i le fale o Farao i Tapenesa, a o vaavaai atu tagata Iutaia.+ 10  Ia e fai atu iā i latou, ‘O le mea lenei ua fetalai mai ai Ieova o ʻau, o le Atua o Isaraelu: “Ou te auina atu ma ou aumaia Nepukanesa le tupu o Papelonia,+ o laʻu auauna,+ ma ou tuu lona nofoālii i luga tonu o maa na ou natia, e na te fofola atu ai lona faleʻie matagofie i luga o na maa. 11  E sau o ia ma taia le nuu o Aikupito.+ O ai lava e tatau ona oti i le mala, ia oti i le mala, o ai foʻi e tatau ona ave faapagota, ia ave faapagota, ma o ai foʻi e tatau ona oti i le pelu, e oti lava i le pelu.+ 12  Ou te faamūina i le afi fale o atua o Aikupito;+ e na te susunuina lava i latou ma taʻitaʻi i latou e ave faapagota, ma e na te taaia o ia i le nuu o Aikupito, e pei lava ona taaia e le leoleo mamoe o ia lava i ona ofu,+ e alu ese atu mai i lea mea ma le filemu. 13  E na te tuʻininiia lava poutū o Petesemesa o loo i le nuu o Aikupito; e na te susunuina foʻi i le afi fale o atua o Aikupito.” ’ ”

Faamatalaga Pito i Lalo