Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 36:1-32

36  Ua oo i le tausaga lona fā o le nofoaiga a Ioakima+ le atalii o Iosia, o le tupu o Iuta, na oo mai ai le afioga a Ieova iā Ieremia, e faapea:  “Ia e ave mo oe se tusi tāʻai,+ ma e tusia ai upu+ uma na ou fai atu ai iā te oe faasaga iā Isaraelu, o Iuta,+ ma atunuu uma,+ talu mai le aso na ou tautala atu ai iā te oe, o aso o Iosia e oo mai i le aso nei.+  Atonu e faalogo i ai i latou o le aiga o Iuta i mala uma na ou manatu e faaoo iā i latou,+ ina ia latou toe foʻi mai ai, e taʻitoʻatasi mai i lona ala leaga,+ ma ou faamagaloina a latou mea sesē ma la latou agasala.”+  Ona valaau lea e Ieremia o Paruka le atalii o Neria, ina ia tusia ai e Paruka+ i le tusi tāʻai mai i le gutu o Ieremia o afioga uma a Ieova, na Ia fetalai mai ai iā te ia.+  Ona poloaʻi atu lea o Ieremia iā Paruka, e faapea: “Ua taofia aʻu. E lē mafai ona ou ulu atu i le fale o Ieova.+  A ia e ulu atu i ai, ia faitau leotele mai i le tusi tāʻai na e tusia mai i loʻu gutu o afioga a Ieova,+ a o faalogo le nuu i le fale o Ieova i le aso e anapopogi ai;+ ia e faitau leotele atu foʻi a o faalogo i ai Iuta uma o ē o loo ō mai mai i o latou aai.+  Atonu e faafofoga mai Ieova+ i la latou talosaga atu mo lona finagalo malie, ona toe foʻi mai ai lea o i latou e taʻitasi mai i lona ala leaga,+ auā ua matuā tele le toʻasā ma le maʻemaʻeā o Ieova, ua fetalai mai ai i lenei nuu.”+  Ona faia lea e Paruka+ le atalii o Neria, o mea uma na poloaʻi atu ai le perofeta o Ieremia iā te ia, ina ia faitau leotele mai i le tusi tāʻai+ afioga a Ieova i le fale o Ieova.+  Ua oo i le tausaga lona lima o le nofoaiga a Ioakima+ le atalii o Iosia, o le tupu o Iuta, i le masina lona iva,+ na talaʻi atu ai e le nuu uma i Ierusalema ma tagata uma na ō mai mai aai o Iuta e ō atu i Ierusalema, se anapogi i luma o Ieova.+ 10  Ona faitau leotele lea e Paruka mai i le tusi o upu a Ieremia i le fale o Ieova, i le potu ʻai+ o Kimaria+ le atalii o Safana+ le tusiupu,+ i le lotoā i luga, i le mea e ulu atu ai i le faitotoʻa fou o le fale o Ieova,+ a o faalogo le nuu uma. 11  Ua faalogo i ai Mekaio le atalii o Kimaria le atalii o Safana,+ i afioga uma a Ieova mai i le tusi. 12  Ona alu ifo lea o ia i le fale o le tupu, i le potu ʻai o le failautusi, faauta foʻi! o loo nonofo mai ai perenise uma, o Elisama+ le failautusi, o Talaia+ le atalii o Semaia, o Elenatana+ le atalii o Akapora,+ o Kimaria+ le atalii o Safana,+ o Setekaia le atalii o Hanania, ma isi perenise uma. 13  Ona taʻu atu lea e Mekaio+ iā i latou o upu uma na ia faalogo i ai, ina ua faitau leotele e Paruka le tusi a o faalogo i ai le nuu.+ 14  Ona auina atu lea e perenise uma iā Paruka+ o Ieuti+ le atalii o Netanaia le atalii o Selemia le atalii o Kusi, ua faapea atu: “Ia e aumai i lou lima le tusi tāʻai lea na e faitau leotele atu a o faalogo i ai le nuu uma, ma e sau.” Ona ave lea e Paruka le atalii o Neria o le tusi tāʻai i lona lima, ma alu atu iā i latou.+ 15  Ua latou fai mai iā te ia: “Seʻi e nofo i lalo faamolemole ma faitau leotele mai a o matou faalogo atu.” Ona faitau leotele lea e Paruka+ a o faalogo i ai i latou. 16  Ina ua latou faalogo i nei upu uma, ona tepa atu lea o le tasi i le isi i le matataʻu; ua latou faapea mai iā Paruka: “E matou te taʻu atu lava i le tupu nei upu uma.”+ 17  Ua latou fesili mai iā Paruka, e faapea: “Seʻi taʻu mai faamolemole iā i matou, Na faapefea ona e tusia nei upu uma mai i lona gutu?”+ 18  Ona fai atu lea o Paruka iā i latou: “Na ia faalau mai pea i lona gutu o nei upu uma iā te aʻu, ona ou tusia lea i le tusi i le vaitusi.”+ 19  Ona fai mai lea o perenise iā Paruka: “Inā alu ia, ma ia oulua lalafi ma Ieremia, ina ia aua neʻi iloa e se tasi le mea o loo oulua iai.”+ 20  Ua latou ō atu i le tupu i le lotoā,+ ma ua latou tuu le tusi tāʻai i le potu ʻai+ o Elisama+ le failautusi; ona latou taʻu atu lea o upu uma a o faalogo le tupu. 21  Ona auina atu lea e le tupu o Ieuti+ ina ia aumai le tusi tāʻai. Ua ia aumai le tusi mai i le potu ʻai o Elisama+ le failautusi.+ Ua faitau leotele foʻi e Ieuti le tusi a o faalogo i ai le tupu, ma perenise uma o loo tutū i tafatafa o le tupu. 22  Sa nofo le tupu i le fale o le tau mālūlū,+ i le masina lona iva,+ ma sa mumū foʻi le taʻinafi+ i ona luma. 23  Ae ina ua faitau e Ieuti itulau e tolu pe fā o le tusi, ona ia saeia ai lea i le naifi a le failautusi, ma lafo i le afi seʻia uma ona mū le tusi tāʻai i le afi.+ 24  E leʻi fefefe i latou;+ e leʻi saeia foʻi e le tupu ma ana auauna uma o latou ofu, o ē na faalogo i nei upu uma.+ 25  Ae na talosaga atu Elenatana,+ o Talaia,+ ma Kimaria+ i le tupu e aua le susunuina le tusi tāʻai, ae e leʻi faalogo o ia iā i latou.+ 26  Na poloaʻia foʻi e le tupu Ieramaelu le atalii o le tupu, o Seraia le atalii o Aserielu, ma Selemia le atalii o Apitelu, ina ia pupuʻe mai Paruka le failautusi ma le perofeta o Ieremia.+ Ae peitaʻi, na natia pea i laʻua e Ieova.+ 27  Ona toe oo mai lea o le afioga a Ieova iā Ieremia, ina ua uma ona susunu e le tupu le tusi tāʻai faatasi ma upu na tusia e Paruka+ mai i le gutu o Ieremia,+ e faapea: 28  “Ia e toe ave se isi tusi tāʻai, ma tusia ai upu muamua uma sa i le tusi tāʻai muamua, lea na susunu e Ioakima le tupu o Iuta.+ 29  Ia e fai atu iā Ioakima le tupu o Iuta, ‘O le mea lenei ua fetalai mai ai Ieova: “Ua e susunu lenei tusi tāʻai,+ i le faapea mai, ‘Aiseā na e tusia ai i le tusi,+ e faapea: “E sau lava le tupu o Papelonia ma faaumatia lenei nuu, ma aveesea ai tagata ma manu o loo iai”?’+ 30  O lea, o le mea lenei ua fetalai mai ai Ieova faasaga iā Ioakima le tupu o Iuta, ‘E leai se tasi mai iā te ia e nofo i le nofoālii o Tavita,+ e lafoina foʻi lona tino oti+ i le vevela o le ao ma le mālūlū o le pō. 31  Ou te taui atu foʻi iā te ia,+ o ana fanau, ma ana auauna ona o a latou mea sesē,+ ou te faaoo atu foʻi iā i latou, o ē o loo nonofo i Ierusalema, ma tagata o Iuta, o mala uma na ou fai atu ai e oo iā i latou,+ a ua latou lē faalogo mai lava.’ ” ’ ”+ 32  Ona ave lea e Ieremia o le isi tusi tāʻai ma tuuina atu iā Paruka le atalii o Neria, o le failautusi+ o lē na tusia ai mai i le gutu+ o Ieremia o upu uma o le tusi lea na susunu i le afi e Ioakima le tupu o Iuta;+ ma faaopoopo atu i ai le tele o isi upu faapena.

Faamatalaga Pito i Lalo