Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 30:1-24

30  O le afioga a Ieova na oo mai iā Ieremia, ua faapea mai:  “O le mea lenei ua fetalai mai ai Ieova le Atua o Isaraelu, ‘Ia e tusi i se tusi upu uma ou te fai atu ai iā te oe.+  Auā ua fetalai mai Ieova, “faauta! e oo mai aso, ou te faapotopoto mai ai o ē na ave faapagota o loʻu nuu o Isaraelu ma Iuta,”+ ua fetalai mai ai Ieova, “ma ou toe faafoʻisia i latou i le laueleele na ou foaʻiina atu i o latou augātamā, ma e toe fai lava mo i latou.” ’ ”+  O upu nei na fetalai mai ai Ieova iā Isaraelu ma Iuta.  Auā o le mea lenei ua fetalai mai ai Ieova: “Ua matou lagona le leo o le gatete ma le mataʻu,+ e leai foʻi se filemu.  Faamolemole, ia outou fesili atu ma vaai pe e fanau ea se tane. Aiseā ea ua ou vaaia ai tane uma, ua tuu ona lima i lona puimanava e pei o se fafine o le a fanau,+ ma ua sesega foʻi foliga uma?+  Auē! Auā o le aso tele lea aso,+ e leai foʻi se aso e tusa ma lea,+ o le taimi o puapuaga o Iakopo.+ Ae e faaolaina mai ai lava o ia.”  Ua fetalai mai Ieova o ʻau, “I lenā aso, ou te gauia ai le amo mai i lou ua, ou te motusia foʻi ou noanoaga,+ ma e lē toe iai ni tagata ese e faaaogāina o ia e fai ma auauna.  E latou te auauna lava iā Ieova lo latou Atua ma Tavita lo latou tupu,+ o lē ou te faatūina mo i latou.”+ 10  “A o oe, aua e te fefe, laʻu auauna o Iakopo e,” ua fetalai mai ai Ieova, “aua foʻi e te mataʻu, Isaraelu e.+ Auā o lenei ou te faaolaina oe mai i le mea mamao, ma lau fanau mai i le nuu na ave faapagota+ i ai i latou. E toe foʻi mai lava Iakopo, e lē toe atuatuvale ae o le a toʻafilemu, e lē toe iai foʻi se tasi e faamataʻu iā te ia.”+ 11  Auā ua fetalai mai Ieova, “ou te faatasi ma oe e faaola iā te oe;+ ae ou te faaumatia atunuu uma na ou faataapeape i ai oe.+ Ae peitaʻi, ou te lē faaumatia oe.+ Ou te aʻoaʻi faatatau iā te oe, ae ou te lē tuua oe e lē faasalaina.”+ 12  Auā o le mea lenei ua fetalai mai ai Ieova: “E leai se togafiti o le faatafunaina+ o oe. E matuā leaga foʻi lou manuʻa.+ 13  E leai se tasi e finau atu ina ia togafitia lou papala.+ E lē mafai lava ona faamālōlō, e lē mafai foʻi ona togafitia.+ 14  Ua faagaloina oe e i latou uma o ē e alolofa tele iā te oe.+ E lē o oe ua latou saʻili pea i ai. Auā ua ou taia oe i le tā a le fili,+ ma le faasalaga a lē e sauā,+ ona o le tele o au mea sesē;+ ma ua tele foʻi au agasala.+ 15  Aiseā ua e alaga mai ai ona o lou manuʻa?+ Ua lē mafai ona togafitia lou tigā ona o le tele o au mea sesē; ma ua tele foʻi au agasala.+ Ua ou faia ai nei mea iā te oe. 16  O le mea lea, e faaumatia ai i latou uma e faaumatiaina oe;+ a o ou fili uma, e ave faapagota i latou uma.+ O i latou foʻi e faoa au mea, e faoa a latou mea, a o i latou uma e ave faagaoia au mea, ou te tuuina atu i latou ia gaoia a latou mea.”+ 17  “Auā ou te aumaia le faamālōlōga mo oe, ou te togafitia foʻi ou manuʻa,”+ ua fetalai mai ai Ieova. “Auā ua latou taʻua oe o se fafine ua tuliesea:+ ‘O Siona lea, e leai se tasi ua saʻili atu i ai.’ ”+ 18  O le mea lenei ua fetalai mai ai Ieova: “O lenei, ou te faapotopotoina o ē na ave faapagota o faleʻie o Iakopo,+ ou te tigā alofa foʻi i ona faleʻie paia. E toe fausia lava le aai i luga o lona mea maupuʻepuʻe;+ e tū foʻi le ʻolo e nofo ai i lona tulaga tonu.+ 19  E tupu mai ai foʻi le faafetai, ma le leo o i latou o ē e toē.+ Ou te faatoʻateleina i latou ae e lē faatoʻaitiitia;+ ou te matuā faatoʻateleina le aofaʻi o i latou, ae e lē faatauvaa i latou.+ 20  E avea lana fanau e pei ona iai i taimi muamua, e matuā faatumauina foʻi lana faapotopotoga i oʻu luma.+ Ona ou liliu atu lea i ē uma ua faasauā iā te ia.+ 21  E mai iā te ia lona alii mamalu, o lona pule e tupu mai i totonu iā te ia;+ ou te faalatalata mai foʻi o ia,+ ma e latalata mai lava o ia iā te aʻu.”+ “Auā o ai ea lenei ua tautō i lona loto e faalatalata mai iā te aʻu?”+ ua fetalai mai ai Ieova. 22  “E avea lava outou ma oʻu nuu,+ ma e avea foʻi aʻu ma o outou Atua.”+ 23  Faauta! Ua alu atu le afā mai iā Ieova, o lona toʻatamaʻi, o le afā fulifaō.+ E taavili atu i ulu o ē e amioleaga.+ 24  E lē toe liliu le toʻasā aasa o Ieova seʻia faaumatia e ia, seʻia faataunuu foʻi e ia manatu o lona finagalo.+ E tou te manatunatu ai foʻi i lenei mea i le faaiʻuga o aso.+

Faamatalaga Pito i Lalo