Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 3:1-25

3  Ua faapea mai le upu: “Afai e faateʻa e se tamāloa lana avā, ma alu ese o ia mai iā te ia ae fai ma avā a se isi tagata, pe e toe foʻi atu ea o ia iā te ia?”+ Po ua lē faaleagaina ea lenā laueleele?+ “A o oe ua e talitane ma le toʻatele o aumea;+ pe e te toe foʻi mai ea iā te aʻu?”+ ua fetalai mai ai Ieova.  “Inā tepa aʻe ia ou mata i auala ma vaavaai.+ O fea se mea e leʻi tosoina faamalosi ai oe?+ Na e nofo faatalitali i tafatafa o auala mo i latou, e pei o se tagata Arapi i le toafa;+ na e faaleaga pea foʻi le nuu i au amioga faatalitane ma lou leaga.+  O le mea lea, ua taofia ai timuga tetele,+ e leʻi iai foʻi ni timuga i le tau e totogo ai mea.+ Ua iā te oe le muāulu o le fafine talitane. Ua e lē manaʻo foʻi ina ia e māsiasi.+  Po ua amata atu nei ea ona e valaau mai iā te aʻu, ‘Loʻu tamā e,+ o oe o laʻu uō mamae ina o ou talavou!+  Pe e faaauau ea ona e toʻasā i aso uma, ma mātauina pea a matou agasala e faavavau?’+ Faauta! Ua e tautala, ma ua e faia foʻi mea leaga ma faaauau pea ona fai.”+  Na fetalai mai Ieova iā te aʻu i aso o Iosia le tupu:+ “ ‘Po ua e iloa ea mea ua faia e Isaraelu lē faamaoni?+ Ua alu aʻe o ia i luga o mauga maualuluga uma+ ma lalo o laau lauolaola uma,+ ina ia talitane ai o ia i inā.+  Ina ua uma ona ia faia o nei mea uma, na ou fai atu pea iā te ia ina ia toe foʻi mai iā te aʻu, ae e leʻi toe foʻi mai o ia;+ ma na vaavaai atu pea Iuta i lona uso faaʻoleʻole.+  Ina ua ou iloa lenā mea ua mulilua ai Isaraelu lē faamaoni, ona ou faateʻa lea o ia+ ma avatu iā te ia le tusi e faamaonia ai le tatalaina o le faaipoipoga,+ ae peitaʻi, e leʻi fefe lona uso faaʻoleʻole o Iuta, ae ua alu foʻi o ia ma talitane.+  Ona o lona manatu māmā na talitane ai o ia, ma ua faaleagaina ai pea e ia le laueleele+ ma mulilua ai i maa ma laau;+ 10  e ui i nei mea uma, ae e leʻi toe foʻi mai lona uso faaʻoleʻole o Iuta iā te aʻu ma lona lotoatoa,+ ae e na o le pepelo lava,’+ ua fetalai mai ai Ieova.” 11  Ona fetalai mai lea o Ieova iā te aʻu: “Ua sili atu ona amiotonu Isaraelu lē faamaoni nai lo o Iuta faaʻoleʻole.+ 12  Inā alu ia ma folafola atu upu nei i le itu i mātū,+ ia faapea atu: “ ʻ “Isaraelu e, o lē ua fouvale, inā foʻi mai ia,” ua fetalai mai ai Ieova.’+ ʻ “Ou te lē vaavaai ifo ma le ita iā te outou,+ auā ou te faamaoni lava,”+ ua fetalai mai ai Ieova.’ ʻ “E lē tumau pea loʻu ita seʻia oo i le faavavau.+ 13  Tau ina ia e iloa lou sesē, auā ua e agasala iā Ieova lou Atua.+ Ua faaauau foʻi ona fealuaʻi i tane ese+ i lalo o laau lauolaola uma,+ a ua outou lē faalogo i loʻu leo,” ua fetalai mai ai Ieova.’ ” 14  “O outou le fanau fouvale, inā foʻi mai ia,”+ ua fetalai mai ai Ieova. “Auā ua avea aʻu ma tane o lē e ona outou;+ ma ou te avea outou, e taʻitasi mai i le aai ma le taʻitoʻalua mai i le aiga, ma ou aumaia outou i Siona.+ 15  Ou te avatu iā te outou o leoleo mamoe e malie i ai loʻu loto,+ e latou te fafaga foʻi iā te outou i le poto ma le tofā mamao.+ 16  Pe a oo ina faatoʻateleina outou ma fanafanau mai i le nuu i na aso,” ua fetalai mai ai Ieova.+ “E latou te lē toe faapea mai, ‘O le atolaau o le feagaiga a Ieova!’+ e lē toe alu aʻe i le loto, e latou te lē toe manatuaina,+ pe misia, e lē toe faia foʻi. 17  I le taimi lenā, e latou te taʻua ai Ierusalema o le nofoālii o Ieova;+ e faapotopoto faatasi mai iā te ia o atunuu uma+ i le suafa o Ieova i Ierusalema,+ e latou te lē toe savavali foʻi e tusa ma le maaa o o latou lotoleaga.”+ 18  “I na aso, e latou te savavali faatasi ai, o le aiga o Iuta ma le aiga o Isaraelu,+ e latou te ō mai faatasi+ foʻi mai i le nuu o le itu i mātū i le nuu na ou foaʻiina atu i o outou augātamā e fai ma tofi.+ 19  Ona ou faapea atu lea, ‘E! na ou tuuina outou faatasi ma le fanau ma avatu iā te oe le laueleele lelei,+ o le tofi e matagofie o ʻautau a atunuu!’ Ona ou toe faapea atu lea, ‘E tou te valaau mai iā te aʻu, “Loʻu Tamā e!”+ e tou te lē toe liliuese i le mulimuli mai iā te aʻu.’ 20  ‘E moni, e pei ona alu ese o se avā faaʻoleʻole mai i lana paaga,+ e faapea foʻi outou ona faaʻoleʻole mai iā te aʻu, le aiga o Isaraelu e,’+ ua fetalai mai ai Ieova.” 21  Ua lagona le leo i auala, o le tagi, o ʻaiʻoiga a le fanauga a Isaraelu. Auā ua latou faapiʻoina lo latou ala;+ ua galo iā i latou Ieova lo latou Atua.+ 22  “O outou le fanau fouvale,+ inā foʻi mai ia. Ou te faamālōlō i lo outou tulaga fouvale.”+ “O i matou nei! Ua matou ō atu iā te oe, auā o oe Ieova e, o lo matou Atua.+ 23  E moni o aʻega faapea foʻi ma vevesi i luga o mauga,+ o mea pepelo ia.+ E moni lava o loo iā Ieova lo tatou Atua le faaolataga o Isaraelu.+ 24  Ae peitaʻi, ua ʻaina e le mea e māsiasi+ ai le tautigā o o matou augātamā talu ina o matou talavou, o o latou lafu mamoe ma lafu povi, o o latou atalii foʻi ma o latou afafine. 25  Ua matou taooto i lalo ona o lo matou māsiasi,+ ua ufitia pea foʻi i matou e lo matou mā;+ auā ua matou agasala+ iā Ieova lo matou Atua, o i matou ma o matou tamā talu mai lava ina o matou talavou, e oo mai i lenei aso,+ e matou te leʻi faalogo foʻi i le siʻufofoga o Ieova lo matou Atua.”+

Faamatalaga Pito i Lalo