Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 26:1-24

26  I le amataga o le pulega a le malo o Ioakima+ le atalii o Iosia, o le tupu o Iuta, na oo mai ai le afioga lenei a Ieova, ua faapea mai:  “O le mea lenei ua fetalai mai ai Ieova, ‘Ia e tū i le lotoā o le fale o Ieova,+ ma ia e tautala atu e faatatau i aai uma o Iuta, o ē ua ō mai e ifo i le fale o Ieova, o upu uma ou te poloaʻi atu ai iā te oe e tautala atu ai iā i latou.+ Aua lava neʻi tuua se upu e tasi.+  Atonu e latou te faalogo i ai, ona taʻitasi lea ma liliuese mai i lona ala leaga,+ ona sui ai lea o loʻu manatu i le malaia na ou mafaufau e faaoo atu iā i latou, ona o le leaga o a latou mea na fai.+  E te fai atu foʻi iā i latou: “O le mea lenei ua fetalai mai ai Ieova, ‘Afai e tou te lē faalogo mai iā te aʻu i le savavali i laʻu tulafono+ ua ou tuuina atu i o outou luma,+  ma outou faalogo i upu a aʻu auauna le ʻauperofeta, o ē na ou aauina atu iā te outou, na ou alapō ma aauina atu i latou, ae e tou te leʻi faalogo i ai,+  ona ou faia lea o lenei fale e pei ona ou faia i Sailo,+ ou te faia foʻi lenei aai ma mala i atunuu uma o le lalolagi.’ ” ’ ”+  Ona faalogo lea o ositaulaga, o le ʻauperofeta, ma le nuu uma iā Ieremia, o loo fai atu nei upu i le fale o Ieova.+  Ina ua uma ona fai atu e Ieremia o mea uma na poloaʻi mai ai Ieova iā te ia e fai atu ai i le nuu uma, ona puʻea lea o ia e ositaulaga, o le ʻauperofeta, ma le nuu uma, ua faapea atu: “E te oti lava.+  Aiseā ua e vavalo mai ai i le suafa o Ieova, e faapea, ‘E pei ona faia i Sailo+ e faapena foʻi ona faia i lenei fale, ma e faatafunaina lenei aai ina ia leai se tasi e toe nofo ai’?” Ua faapotopoto mai pea le nuu uma iā Ieremia i le fale o Ieova. 10  Ua faalogo perenise o Iuta i ia upu, ona latou ō aʻe lea mai i le fale o le tupu i le fale o Ieova,+ ma nonofo ai i le mea e ulu atu ai i le faitotoʻa fou o Ieova.+ 11  Ona faapea atu lea o ositaulaga ma le ʻauperofeta i perenise ma le nuu uma: “E tatau ona faasala i le oti lenei tagata,+ auā ua faia e ia valoaga e faatatau i lenei aai e pei ona outou faalogo atu i ai.”+ 12  Ona fai atu lea o Ieremia i perenise uma ma le nuu uma: “O Ieova na auina mai aʻu e vavalo atu e faatatau i lenei fale, ma e faatatau foʻi i lenei aai i upu uma ua outou faalogo i ai.+ 13  O lenei, ia fai ia lelei o outou ala ma a outou amio,+ ma ia faalogo i le siʻufofoga o Ieova lo outou Atua, ona toe sui ai lea o le manatu o Ieova i le mala na ia fetalai ai e oo mai iā te outou.+ 14  A o aʻu, o lea ua ou i o outou lima.+ Ia faia iā te aʻu e tusa ma le mea e lelei ma le mea ua tonu iā te outou.+ 15  Ae tau lava ina outou iloa, afai tou te fasiotia aʻu, ua outou faaee i o outou luga, o luga o lenei aai ma luga o ē o loo nonofo ai, le toto o lē ua lē sala,+ auā e moni na auina mai aʻu e Ieova iā te outou, e fai atu upu uma ua outou faalogo mai i ai.”+ 16  Ona fai atu lea o perenise+ ma le nuu uma i ositaulaga ma le ʻauperofeta: “E lē tatau ona faasala i le oti lenei tagata,+ auā na tautala mai o ia iā i tatou i le suafa o Ieova lo tatou Atua.”+ 17  Ona tutulaʻi lea o nisi o toeaina o le nuu, ma faapea atu i le faapotopotoga uma o le nuu:+ 18  “Na faia valoaga e Mika+ le Morese+ i aso o Esekia le tupu o Iuta, ma ua faapea mai foʻi i le nuu uma o Iuta,+ ‘O le mea lenei ua fetalai mai ai Ieova o ʻau: “O le a suatia Siona e pei o se fanua,+ e avea Ierusalema ma faaputuga o mea ua faatafunaina,+ ma e avea foʻi le mauga o le Fale ma mea maualuluga o le vaomatua.” ’+ 19  Pe na fasiotia ea o ia e Esekia le tupu o Iuta ma i latou uma o Iuta? Pe e leʻi mataʻu ea o ia iā Ieova ma saʻili le finagalo malie o Ieova,+ ma suia ai le manatu o Ieova i le mala na ia fetalai ai e oo iā i latou?+ O le mea lea, ua faapogaia ai e i tatou se mala tele e oo mai iā i tatou lava.+ 20  “Sa iai foʻi se tagata na vavalo mai i le suafa o Ieova, o Uria le atalii o Semaia mai i Kiriata-iarima.+ Na ia vavalo mai pea i mea leaga e oo i lenei aai, ma lenei nuu e pei o upu uma a Ieremia. 21  Ina ua faalogo i ai le Tupu o Ioakima,+ o ona tagata malolosi uma, ma perenise uma i nei upu, ona saʻili lea o le tupu e fasioti iā te ia.+ Ina ua faalogo i ai Uria, ona fefe+ ai lea o ia ma sola ese, ua alu atu i Aikupito. 22  Ae na aauina atu e le Tupu o Ioakima ni tagata i Aikupito, o Elenatana le atalii o Akapora,+ ma isi tagata faatasi ma ia i Aikupito. 23  Ua latou aumaia Uria mai i Aikupito ma aumai o ia i le Tupu o Ioakima, ona ia fasia lea o ia i le pelu+ ma lafo lona tino oti i le tuugamau o fanau o tagatānuu.” 24  Ae peitaʻi, na puipuia Ieremia e le lima o Aikamo+ le atalii o Safana,+ ina ia lē tuuina atu o ia i lima o le nuu e fasioti iā te ia.+

Faamatalaga Pito i Lalo