Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 22:1-30

22  O le mea lenei ua fetalai mai ai Ieova: “Inā alu ifo ia i le fale o le tupu o Iuta, ma ia e tautala atu i inā i lenei upu.  Ia e faapea atu, ‘Inā faalogologo mai ia i le afioga a Ieova, le tupu e, o Iuta o lē o loo tiʻetiʻe i le nofoālii o Tavita;+ o oe ma au auauna ma lou nuu, o ē o loo ulu mai i nei faitotoʻa.+  O le mea lenei ua fetalai mai ai Ieova: “Ia outou faia le faamasinogatonu ma le amiotonu, ma ia laveaʻiina lē ua faoa ana mea mai i le lima o lē gaoia mea; aua neʻi agaleaga i le tagata ese, o le tama ua leai se tamā, ma le fafine ua oti lana tane.+ Aua le faasauā iā i latou.+ Aua foʻi neʻi faamaligiina le toto o ē ua lē sala i lenei mea.+  Auā afai e tou te faia lenei upu, ona ulu mai ai lava lea i faitotoʻa o lenei fale o tupu o loo nonofo i le nofoālii+ o Tavita, o loo tiʻetiʻe i kariota ma solofanua, o ia ma ana auauna ma lona nuu.” ’+  “ ‘Ae afai tou te lē usiusitaʻi i nei upu, ou te tautō aʻu iā te aʻu,’+ ua fetalai mai ai Ieova, ‘e avea lava lenei fale ma mea e faatafunaina.’+  “Auā o le mea lenei ua fetalai mai ai Ieova e faatatau i le fale o le tupu o Iuta, ‘Ua pei oe iā te aʻu o Kiliata, o le tumutumu o Lepanona.+ E moni, ou te faia oe ma toafa;+ a o aai, e lē aināina e se tasi.+  Ou te tofia tagata e faatamaʻia mea ina ia tigā ai oe,+ e taʻitasi le tagata ma ana auupega;+ latou te tātuu i lalo arasi+ e pito sili ona lelei, ma lafo i le afi.+  E tele lava nuu e ui ane i lenei aai, ma e faapea ane foʻi le tasi i le isi: “Aiseā ua faia ai faapea e Ieova i lenei aai tele?”+  Ona latou fai atu lea: “Ona ua latou tuua le feagaiga a Ieova lo latou Atua,+ ae ifo atu i isi atua ma auauna i ai.” ’+ 10  “Aua tou te fetagisi mo le tagata ua oti,+ aua foʻi tou te faanoanoa iā te ia. Ia tagi masūsū ona o lē ua alu ese, auā e lē toe foʻi mai o ia, ma e lē toe vaai lava o ia i le nuu o ona aiga. 11  Auā o le mea lenei ua fetalai mai ai Ieova e faatatau iā Saluma+ le atalii o Iosia, o le tupu o Iuta o lē o loo pule nai lo o lona tamā o Iosia,+ o lē ua alu ese atu mai i lenei mea, ‘E lē toe foʻi mai lava o ia i lenei mea. 12  Auā e oti o ia i le mea na latou ave faapagota i ai o ia, e lē toe vaai o ia i lenei nuu.’+ 13  “Oi talofa i lē ua faia lona fale,+ ae e lē faia i le amiotonu, o ona potu i luga, ae e lē faia i le faamasinogatonu, ua faaaogā e ia lona uso a tagata e auauna fua iā te ia, ma e na te lē avatua i ai lona totogi;+ 14  o lē ua faapea ane, ‘Ou te faia mo aʻu se fale telē ma ni potu tetelē i luga;+ ma faalautetele atu i ai oʻu faamalama, e ufitia i le arasi+ ma e vali foʻi i le vali mūmū.’+ 15  Pe e faaauau ea ona e pule ona ua sili atu oe nai lo o isi i le faaaogāina o arasi? A o lou tamā, pe e leʻi ʻai ea o ia ma inu ma faia le faamasinogatonu ma le amiotonu?+ O le mea lenā na manuia ai o ia.+ 16  Na finau o ia mo le faamasinoga o lē ua puapuagatia ma lē ua mativa.+ O le mea lenā na manuia ai o ia. ‘Pe e lē ona sa ia iloa aʻu,’ ua fetalai mai ai Ieova. 17  ‘E moni lava ua uaʻi atu lau vaai ma lou loto i au polofiti e maua mai i faiga faagaoi,+ ma ua sasaa le toto o lē ua lē sala,+ ma mea e ave faagaoi, ma mea e faoa, ina ia faia ai pea na mea.’ 18  “O le mea lea ua fetalai mai ai Ieova e faatatau iā Ioakima+ le atalii o Iosia, o le tupu o Iuta, ‘E latou te lē tagiauē mo ia: “Auē loʻu uso e! Auē loʻu tuafafine e!” E latou te lē tagiauē mo ia: “Auē loʻu matai e! Auē ua mavae atu lona mamalu!”+ 19  E tanumia o ia e pei ona tanu o se asini poʻa,+ e fetosoaʻiina ma lafoaʻiina i tua o faitotoʻa o Ierusalema.’+ 20  “Inā alu aʻe ia i Lepanona+ ma alaga atu, ia e leotele i Vasana.+ Ia alaga foʻi mai i Aperima,+ auā ua faaumatia i latou uma sa alolofa tele iā te oe.+ 21  Na ou tautala atu iā te oe i le taimi e te leʻi popole ai i se mea e tasi.+ Na e faapea mai, ‘Ou te lē usiusitaʻi i ai.’+ O lau masani lava lenā talu ina e talavou, auā e te leʻi faalogo i loʻu leo.+ 22  E leoleoina e le matagi au leoleo mamoe uma;+ ma e ave faapagota i latou o ē e alolofa tele iā te oe.+ Auā e te māsiasi i lea taimi, ma e faalumaina lava oe ona o ou puapuaga uma.+ 23  O oe lenā, o lē e nofo i Lepanona,+ ua fai lou ofaga i luga o arasi,+ oi talofa lava iā te oe i lou ōi pe a oo iā te oe le tigā a fanau,+ o tigā e pei o se fafine o le a fanau!”+ 24  “ ‘O loo ola aʻu,’ ua fetalai mai ai Ieova, ‘e tusa lava pe avea Konia+ le atalii o Ioakima,+ o le tupu o Iuta ma mama e faamaufaailoga+ ai i loʻu lima taumatau, ae ou te seʻiesea lava oe mai i lea mea!+ 25  Ou te tuuina atu foʻi oe i lima o i latou o loo saʻili e fasiotia oe,+ o lima o i latou ua e fefe i ai, o le lima o Nepukanesa le tupu o Papelonia, ma lima o tagata Kaletaia.+ 26  Ou te tutulia oe ma lou tinā+ o lē na fanaua oe i se isi nuu e lua te leʻi fananau mai ai, o inā e lua te feoti ai.+ 27  A o le nuu na naunau o latou loto e latou te toe foʻi mai i ai, e latou te lē toe foʻi mai lava i ai.+ 28  Po o lenei ea tagata o Konia+ ua na o se ipu inosia, ua nutililiia,+ po o se ipu ua lē fiafia i ai?+ Aiseā ua tutulia ai o ia ma lana fanau, ma lafoaʻiina i le nuu e latou te lē iloa?’+ 29  “E! le lalolagi e, le lalolagi e, le lalolagi e, inā faalogologo mai ia i le afioga a Ieova.+ 30  O le mea lenei ua fetalai mai ai Ieova, ‘Ia outou tusia lenei tagata o sē e leai sana fanau,+ ma o se tagata e lē manuia i lona olaga; auā e lē manuia se isi o lana fanau,+ e lē nofo foʻi i le nofoālii o Tavita+ pe toe pule foʻi i Iuta.’ ”

Faamatalaga Pito i Lalo