Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ieremia 20:1-18

20  Ua faalogologo atu pea Pasura le atalii o Imere,+ o le ositaulaga, o ia foʻi o le taʻimua sili i le fale o Ieova,+ a o faia valoaga a Ieremia i upu nei.  Ona taia lea e Pasura o le perofeta o Ieremia,+ ma ua tuuina o ia i laau faamau+ sa i le Faitotoʻa Aupitoaluga o Peniamina, sa i le fale o Ieova.  Ae i le aso na sosoo ai, na tatala ai e Pasura Ieremia mai i laau faamau,+ ona fai atu lea o Ieremia iā te ia: “Ua faaigoa oe e Ieova,+ e lē o Pasura, a o le Mataʻu i itu uma.*+  Auā o le mea lenei ua fetalai mai ai Ieova, ‘O lenei, ua ou faia oe ma mataʻu iā te oe, ma ē uma ua e alofa i ai, e latou te paʻuʻū lava i le pelu a o latou fili+ a o e vaavaai atu i ai;+ ou te tuuina atu foʻi Iuta uma i lima o le tupu o Papelonia, e na te ave faapagota i latou i Papelonia ma fasia i latou i le pelu.+  Ou te tuuina atu foʻi mea uma o loo teuina a lenei aai, o ana oloa uma, o ana mea tāua uma; ma ʻoa uma a tupu o Iuta, ou te tuuina atu i lima o o latou fili.+ E latou te faoa lava na mea, ma ave ma avatu i Papelonia.+  A o oe, Pasura e, ma ē uma o loo nonofo i lou fale, e aveina faapagota outou;+ e te alu atu i Papelonia ma o i inā e te oti ai, e tanu ai foʻi oe faatasi ma ē uma ua e alofa i ai,+ ona ua e vavalo atu iā i latou i mea pepelo.’”+  Ieova e, ua e faasesēina aʻu, o le mea lea ua sesē ai. Ua e faaaogā lou malosi iā te aʻu, ma ua e manumalo.+ Ua avea aʻu ma mea e toē i ai i le aso atoa; ua tauemu mai foʻi tagata uma iā te aʻu.+  Auā o le tele lava ou te tautala atu ai, ou te alaga atu ai foʻi. Ou te valaau atu e uiga i le sauā ma le faatafunaina.+ Auā ua avea le afioga a Ieova ma mea ua faalumaina ai aʻu, ma ula mai ai i le aso atoa.+  Ona ou fai atu lea: “Ou te lē toe taʻutaʻuina lava o ia, ou te lē toe tautala foʻi i lona suafa.”+ Ae i loʻu loto, ua pei o se afi e mumū o loo punitia i totonu o oʻu ivi; ma ua ou lē lavā taofi, ua lē mafai foʻi ona ou onosaia.+ 10  Auā ua ou faalogo i le tala leaga mai i le toʻatele.+ Ua iai le mataʻu i mea uma. “Inā outou taʻu atu ia, ona matou taʻutaʻu atu foʻi lea e uiga iā te ia.”+ O tagata uma e faapea mai “Filemu!” ua latou lamalama po ou te setusetu, ua latou faapea:+ “Atonu e faasesēina o ia,+ ona tatou manumalo ai lea iā te ia ma tauimasui atu iā te ia.” 11  Ae sa faatasi Ieova ma aʻu+ e pei o se toa malosi e mataʻutia.+ O le mea lea e tausuai ai, ae e lē manumalo i latou o loo faasauā mai iā te aʻu.+ E matuā faamāina i latou, auā ua lē taulau. E lē galo foʻi lo latou māsiasi e faavavau.+ 12  A o oe, Ieova o ʻau e, o loo e suʻesuʻe i le tagata amiotonu;+ o loo e silasila foʻi i manatu* ma le loto.+ Ia ou iloa atu lau tauimasui iā te i latou,+ auā ua ou faailoa atu iā te oe laʻu faamasinoga.+ 13  O outou le nuu e, ia outou pepese atu iā Ieova! Ia vivii atu iā Ieova! Auā ua laveaʻi e ia le tagata mativa mai i lima o ē e faia mea leaga.+ 14  Ia malaia le aso na ou fanau mai ai! Aua foʻi neʻi faamanuiaina le aso na fanaua ai aʻu e loʻu tinā!+ 15  Ia malaia le tagata na avatua le tala lelei i loʻu tamā, e faapea: “Ua fanau mai iā te oe se atalii, o se tama tama!” Na ia matuā faafiafiaina ai o ia.+ 16  Ia avea lava lenā tagata ma aai ua lafoaʻiina e Ieova, ma ua lē faanoanoa ai o Ia.+ Ia lagona foʻi e ia le alaga i le taeao ma le alaga o le taua i le tutonu o le lā.+ 17  Aiseā na ia lē fasiotia ai aʻu ina o ou i le manava, ina ia avea ai loʻu tinā ma tuugamau iā te aʻu, ma ia tō ai pea lona manava i aso uma lava?+ 18  Aiseā na ou sau ai mai i le manava+ ina ia ou vaai i galuega mamafa ma le tigā,+ ma iʻu ai oʻu aso i le māsiasi?+

Faamatalaga Pito i Lalo

Po o “Makoru-misapipa.” E mai i le faa-Eperu o le Ma·ghohrʹ mis·sa·vivʹ.
I le gagana Eperu, “o oʻu fatugaʻo.”