Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ieremia 19:1-15

19  O le mea lenei ua fetalai mai ai Ieova: “Ia e alu ma aumai se fagu omea a le fai ipu omea,+ o nisi o toeaina o le nuu, ma nisi o toeaina o le ʻauositaulaga.  Ia e alu i le vanu o le atalii o Hinoma,+ o loo i le mea e ui atu ai i le Faitotoʻa o Taʻega Ipu Omea. O i inā e te folafola atu ai upu ou te fai atu ai iā te oe.+  Ia e faapea atu, ‘O outou tupu o Iuta ma outou o ē o loo nonofo i Ierusalema,+ inā faalogo mai ia i le afioga a Ieova. O le mea lenei ua fetalai mai ai Ieova o ʻau,+ o le Atua o Isaraelu: “ʻ“O lenei, ou te aumaia le malaia i lenei mea, ma afai e faalogo i ai se tasi, e faateʻia ai o ia;*+  auā ua latou tuua aʻu+ ma faia lenei nofoaga ina ia lē toe iloa,+ ua latou faamū ai foʻi le taulaga i isi atua latou te lē iloa,+ o i latou, o o latou augātamā, ma tupu o Iuta; ua latou faatumu foʻi lenei mea i le toto o ē e lē sala.+  Ua latou faia nofoaga maualuluga iā Paala ina ia susunu ai o latou atalii i le afi e fai ma taulaga mū iā Paala,+ o le mea ou te leʻi poloaʻia pe fai atu ai,+ ma e leʻi alu aʻe foʻi i loʻu loto.”’+  “ʻ“O le mea lea, faauta! e oo mai aso,” ua fetalai mai ai Ieova, “e lē toe taʻua ai lenei nofoaga o Tofeta+ ma le vanu o le atalii o Hinoma,+ a o le vanu e fasiotia ai.  Ou te faalēaogāina ai foʻi le fautuaga a Iuta ma Ierusalema i lenei mea,+ ou te tuuina atu i latou ina ia paʻuʻū i le pelu i luma o o latou fili, ma lima o i latou o loo saʻili ia oti i latou.+ Ou te tuuina atu o latou tino oti e fai ma mea e ʻai a manufelelei o le lagi ma manu o le fanua.+  Ou te faia lenei aai ma mea e ofo ai ma mea e tuufaaili ai.+ O i latou uma e ui ane ai, e taufai pulatoʻa atu ma le maofa, ma tuufaaili ai i ona mala uma.+  Ou te tuuina atu i latou e aai i tino o o latou atalii ma tino o o latou afafine; e taʻitasi foʻi i latou ma ʻai i le tino o lona uso a tagata, ona o omiga ma mafatiaga ua faatigāina ai i latou e o latou fili, ma ē o loo saʻili ina ia oti i latou.”’+ 10  “Ia e nutililii foʻi le fagu i luma o tagata o ē o loo ō faatasi ma oe. 11  Ia e fai atu iā i latou, ‘O le mea lenei ua fetalai mai ai Ieova o ʻau: “E faapea foʻi ona ou nutililiia o lenei nuu ma lenei aai, e pei ona nuti e se tasi o le ipu a le fai ipu omea ina ia lē mafai ona toe faia;+ e tatanu foʻi i latou i Tofeta+ seʻia lē toe iai se mea e tanu ai.”’+ 12  “Ua fetalai mai Ieova: ‘E faapea foʻi ona ou faia i lenei mea ma tagata o loo nonofo ai, e oo lava i lenei aai ia faia e pei o Tofeta.+ 13  E avea foʻi fale o Ierusalema ma fale o tupu o Iuta e pei o Tofeta,+ e lē mamā, o fale uma i luga o taualuga na latou faamū ai taulaga i ʻau uma o le lagi,+ ma liligi atu ai taulaga i meainu i isi atua.’”+ 14  Ona sau lea o Ieremia mai i Tofeta+ lea na auina atu i ai o ia e Ieova e vavalo ai, ma tū i le lotoā o le fale o Ieova, ua faapea atu i le nuu uma:+ 15  “O le mea lenei ua fetalai mai ai Ieova o ʻau, o le Atua o Isaraelu, ‘Faauta, ou te aumaia i lenei aai ma ona aai uma, o mala uma na ou fai atu ai faasaga iā te ia, auā ua faamaaa o latou ua ina ia latou lē usiusitaʻi i aʻu upu.’”+

Faamatalaga Pito i Lalo

O lona uiga, ua “taalili ona taliga.”