Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 18:1-23

18  Ua oo mai le afioga a Ieova iā Ieremia, ua faapea mai:  “Inā tulaʻi ia, ma ia e alu ifo i le fale o le fai ipu omea,+ ona ou faailoa atu ai lea iā te oe o aʻu upu i inā.”  Ona ou alu ifo lea i le fale o le fai ipu omea, faauta foʻi, o loo faia lana galuega i luga o mea taavilivili a le fai ipu omea.  O le ipu foʻi na ia faia i le omea, ua faaleagaina i le lima o le fai ipu omea, ona ia toe liliu atu lea ma faia se isi ipu, e tusa ma le mea ua tonu i le manatu o le fai ipu omea e fai ai.+  Ua toe oo mai foʻi iā te aʻu le afioga a Ieova, ua faapea mai:  “ ‘Le aiga o Isaraelu e, po ou te lē mafaia ea ona ou faia outou e pei lava o lenei ipu omea?’ ua fetalai mai ai Ieova. ‘Faauta! le aiga o Isaraelu e, e pei o le omea i le lima o le fai ipu omea, e faapea foʻi outou i loʻu lima.+  O so o se taimi ou te tautala atu ai faasaga i se atunuu ma se malo ina ia liaʻiina, ma lepetia, ma faaumatia,+  ma afai e liliuese lenā atunuu mai i ana amioga leaga na ou fai atu ai,+ ona toe sui ai lea o loʻu manatu i le malaia na ou manatu e faaoo i ai.+  O so o se taimi foʻi ou te tautala atu ai e faatatau i se atunuu ma se malo ina ia atiaʻe ma totōina,+ 10  ae e faia lava e i latou mea leaga i oʻu luma i le lē faalogo mai i loʻu leo,+ ona toe sui ai lea o loʻu manatu i mea lelei na ou faapea ifo ai iā te aʻu, e faia mo lo latou lelei.’ 11  “O lenei, inā fai atu ia faamolemole i tagata o Iuta ma ē o loo nonofo i Ierusalema, ‘O le mea lenei ua fetalai mai ai Ieova: “O lea ua ou saunia se mala mo outou, ma ou mafaufau foʻi i se mea leaga e faia iā te outou.+ Inā taʻitasi ia outou ma liliu mai i lona ala leaga, ma ia fai ia lelei o outou ala ma a outou amioga.” ’ ”+ 12  A ua latou faapea mai: “E lē aogā!+ Ae e matou te mulimuli lava i o matou manatu, ma e taʻitasi foʻi i matou ma faia e tusa ma le maaa o lona lotoleaga.”+ 13  O le mea lenei ua fetalai mai ai Ieova: “Ia outou fesilisili atu i atunuu. Po o ai ua faalogo i mea faapenei? Ua matuā leaga lava le mea ua faia e le taupou o Isaraelu.+ 14  Pe e liusuavai ea le kiona o Lepanona mai i le papa o le fanua? Pe e mamate ea vai ese ua mālūlū o loo tafe lemū? 15  Auā ua faagaloina aʻu e loʻu nuu,+ a ua latou faamū le taulaga i le mea e lē aogā,+ ma ua latou faatausuai ai tagata i o latou ala,+ o ala o aso anamua,+ ma savavali i auala, o le ala e leʻi tanua, 16  ina ia fai lo latou laueleele ma mea e ofo ai,+ ma mea e tuufaaili ai i aso uma.+ O i latou uma e ui ane ai, e taufai pulatoʻa atu ma le ofo ma lūlū o latou ulu.+ 17  Ou te faataapeapeina i latou i le matagi mai i sasaʻe i luma o le fili.+ Ou te ū atu foʻi iā i latou loʻu tua,+ ae e lē o oʻu mata, i le aso o lo latou malaia.” 18  Ona latou faapea ane lea: “Inā outou ō mai ia, seʻi o tatou mafaufau i ni mea leaga e fai iā Ieremia,+ auā e lē mavae+ atu le tulafono mai i le ositaulaga,+ po o le fautuaga mai i le tagata atamai,+ ma le upu foʻi mai i le perofeta. Inā ō mai ia, seʻi o tatou taia o ia i o tatou laulaufaiva, aua foʻi neʻi o tatou uaʻi atu i sana upu e tasi.” 19  Ieova e, ia e liuliualo mai iā te aʻu, ma faafofoga mai i leo o ē e tetee mai iā te aʻu.+ 20  Pe e toe taui atu ea le leaga i le lelei?+ Auā ua latou eli se lua mo aʻu.+ Ia e manatua na ou tū i ou luma e tautala atu i mea lelei e faatatau iā i latou, ina ia liliuese ai lou toʻasā mai iā i latou.+ 21  O le mea lea, ia e tuuina atu a latou fanau i le oge,+ ma tuuina atu i latou i le malosi o le pelu;+ ia avea a latou avā ma fafine ua toesea a latou fanau, ma fafine ua oti a latou tane.+ Ia fasiotia foʻi o latou tamāloloa i le faamaʻi e oti ai, ma ia fasia o latou tauleleʻa i le pelu i le taua.+ 22  Ia lagona le alaga mai i o latou fale, pe a e faaoo faafuaseʻi ifo iā i latou le ʻau e faoa a latou mea.+ Auā ua latou eli se lua e puʻea ai aʻu, ma ua latou natia foʻi ni mailei mo oʻu vae.+ 23  A o oe, Ieova e, ua e silafia lelei lava a latou taupulepulega uma faasaga iā te aʻu, ina ia ou oti ai.+ Aua e te ufitia la latou mea sesē, ma aua e te soloiesea la latou agasala mai i ou luma; ae ia avea i latou ma ē ua tautevateva i ou luma.+ Ia e gaoioi faasaga iā i latou i le taimi o lou toʻasā.+

Faamatalaga Pito i Lalo