Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 17:1-27

17  “Ua tusia le agasala a Iuta i le peni uʻamea.+ Ua vaneina foʻi le papamaa o o latou loto+ e le mata taimane, ma luga o nifo o o latou fata faitaulaga,+  a o manatua e a latou fanau o latou fata faitaulaga, ma a latou pou paia i tala ane o se laau lauolaola, i luga o aʻega maualuluga,+  ma luga o mauga i le fanua. Ou te tuuina atu au oloa ma au ʻoa uma ina ia faoa,+ atoa ma au mea maualuluga, ona o le agasala i lou laueleele uma.+  O oe lava foʻi, ua e lafoaʻiina ai lou tofi na ou tuuina atu iā te oe.+ Ou te tuuina atu foʻi oe e auauna i ou fili i le nuu e te lē iloa;+ ua tutuina e outou le afi i loʻu ita.+ E faamūina pea i aso uma lava.”  O le mea lenei ua fetalai mai ai Ieova: “Ia malaia le tagata e tuu lona faatuatuaga i le tagata,+ ma faalagolago atu i le malosi o le tagata,+ ma o lē foʻi ua liliuese lona loto mai iā Ieova.+  E avea lava o ia ma laau tutasi i le fanua laugatasi o le toafa, ma e lē iloa foʻi pe a oo mai ni mea lelei;+ ae e nofo o ia i nofoaga naumati i le toafa, i se nuu oona e lē o ʻaināina.+  E manuia le tagata e faatuatua iā Ieova, o lē foʻi ua avea Ieova ma ona faatuatuaga.+  E avea lava o ia e pei o se laau ua totō i tafatafa o vai, e sosolo atu ona aa i tafatafa ane o le vaitafe; ma e lē iloa foʻi e ia pe a oo mai le vevela, ae e lauolaola ona lau.+ E lē popole o ia i le tausaga o le lāmala,+ e lē taitai foʻi taofia lona fua mai.  “E sili ona faaʻoleʻole le loto nai lo o mea uma, ma e matuā leaga lava.+ O ai sē e mafai ona iloa? 10  O aʻu o Ieova, o loo saʻiliʻili i le loto+ ma iloilo i manatu,*+ ina ia tuuina atu i tagata taʻitoʻatasi e tusa ma ona ala,+ e tusa foʻi ma le fua o ana mea na fai.+ 11  E pei o le koli* ua ia faapotopoto faatasi fua ae e lē o ni ona fua, e faapea foʻi le tagata ua maua ʻoa, ae e leʻi maua i le amiotonu.+ E tuua e ia i latou i le ʻafa o ona aso,+ ae e avea o ia ma vale i lona iʻuga.”+ 12  O le mea o loo iai lo tatou malumalu,+ o le nofoālii mamalu lea e maualuga mai i le amataga.+ 13  Ieova e, le faamoemoega o Isaraelu,+ e faamāina i latou o ē ua tuua oe.+ O igoa o i latou ua fulitua mai iā te aʻu+ e tusia i latou i le eleele, auā ua latou tuua Ieova, o le puna o le vai ola.+ 14  Ieova e, ia e faamālōlō mai iā te aʻu, ona ou mālōlō ai lea.+ Ia e faaola mai iā te aʻu, ona faaolaina ai lea o aʻu;+ auā o oe ou te vivii atu i ai.+ 15  Faauta! Ua iai nisi ua faapea mai iā te aʻu: “O fea o iai le afioga a Ieova?+ Inā faaoo mai ia faamolemole.” 16  A o aʻu, e leʻi vave ona ou musu i le avea ma leoleo mamoe e mulimuli atu iā te oe, ma ou te leʻi naunau tele atu foʻi i le aso leaga. Ua e silafia lava faaupuga a oʻu laugutu; ua i ou luma lea. 17  Aua neʻi avea oe o se mea ou te mataʻu ai.+ O loʻu sulufaʻiga oe i le aso o le puapuaga.+ 18  Ia faamāina ē o faasauā mai iā te aʻu,+ ae aua neʻi faamāina aʻu.+ Ia avea i latou ma ē ua matataʻu, ae aua neʻi faamataʻuina aʻu. Ia faaoo atu iā i latou le aso o le puapuaga,+ ma ia faaumatia i latou i le malaia e faaluaina lona leaga.+ 19  O le mea lenei ua fetalai mai ai Ieova iā te aʻu: “Inā alu ia ma e tū i le faitotoʻa o le fanauga a le nuu, e ulu mai ai tupu o Iuta ma latou ō atu ai i fafo, ma faitotoʻa uma o Ierusalema.+ 20  Ia e fai atu iā i latou, ‘Inā faalogo mai ia i le afioga a Ieova, o outou tupu o Iuta, o Iuta uma, ma outou uma o loo nonofo i Ierusalema, o ē o loo ulu mai i nei faitotoʻa.+ 21  O le mea lenei ua fetalai mai ai Ieova: “Ia outou faaeteete,+ ma aua neʻi outou ave se avega i le aso sapati, ma outou aumai ai i faitotoʻa o Ierusalema.+ 22  Aua foʻi neʻi o outou avatu se avega mai i o outou fale i le aso sapati; aua foʻi tou te faia se galuega e tasi.+ Ia outou faapaiaina le aso sapati, e pei ona ou poloaʻi atu ai i o outou augātamā;+ 23  ae latou te leʻi faalogo pe uaʻi mai o latou taliga,+ ua faamaaa pea o latou ua+ ina ia lē faalogo ma talia ai le aʻoaʻiga.” ’+ 24  “ ʻ “Afai e tou te matuā usiusitaʻi mai iā te aʻu,”+ ua fetalai mai ai Ieova, “e tou te lē aumaia se avega i faitotoʻa o lenei aai i le aso sapati,+ ma ia faapaiaina le aso sapati i le lē faia ai lava o se galuega,+ 25  ona ulu mai ai lea i faitotoʻa o lenei aai o tupu faatasi ma perenise+ o loo nonofo i le nofoālii o Tavita,+ o loo tiʻetiʻe i le kariota ma solofanua, o i latou ma o latou perenise, o tagata o Iuta, ma ē o loo nonofo i Ierusalema; ma e ʻaināina lava lenei aai i aso uma. 26  E ō mai lava tagata mai i aai o Iuta, o nofoaga o loo siʻomia ai Ierusalema, o le nuu o Peniamina,+ o le nofoaga maulalo,+ o vaega maugā,+ ma le Nekepi,+ e latou te aumaia i le fale o Ieova+ le taulaga mū,+ o le taulaga,+ o le taulaga i meaʻai,+ o le lipano,+ ma le taulaga o faafetai. 27  “ ʻ “Ae afai e tou te lē usiusitaʻi iā te aʻu i le faapaiaina o le aso sapati ma lē aveina ai se avega,+ a ua ō mai ma avega i faitotoʻa o Ierusalema i le aso sapati, ona ou susunu lea o ona faitotoʻa+ i le afi, ma matuā faaumatia ʻolo e nonofo ai o Ierusalema,+ e lē tineia lava.” ’ ”+

Faamatalaga Pito i Lalo

I le gagana Eperu, “o oʻu fatugaʻo.”
O le manulele e pei o se moa.