Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 16:1-21

16  Na toe oo mai foʻi le afioga a Ieova iā te aʻu, e faapea:  “Aua neʻi faia sau avā, aua foʻi neʻi iai ni ou atalii ma ni ou afafine i lenei mea.+  Auā o le mea lenei ua fetalai mai ai Ieova e faatatau i atalii ma afafine ua fananau mai i lenei mea, ma o latou tinā o ē na fanaua i latou, atoa foʻi ma o latou tamā o ē na pogai ai ona latou fananau mai i lenei nuu,+  ‘E feoti i latou i faamaʻi e oti ai.+ E leai nisi e tagiauē iā i latou,+ e lē tanuina foʻi i latou.+ E avea i latou ma otaota i luga o le laueleele;+ e faaumatia foʻi i latou i le pelu ma le oge,+ ma e fai lava o latou tino oti ma meaʻai a manufelelei o le lagi ma manu o le fanua.’+  “Auā o le mea lenei ua fetalai mai ai Ieova, ‘Aua e te ulu atu i se fale o fai ai se tausamiga a tagata faanoanoa, ma aua e te alu atu e tagiauē ma faamaise iā i latou.’+ “Ua fetalai mai Ieova, ‘Auā ua ou aveesea loʻu filemu mai i lenei nuu, o le alofa faamaoni foʻi ma le alofa mutimutivale.+  E feoti lava i latou, o ē e sili ma ē e faatauvaa o i lenei nuu. E lē tanuina i latou,+ pe tagituʻi foʻi le nuu ona o i latou, e leai foʻi se isi e na te selei iā te ia lava,+ pe sele mamā lona ulu ona o i latou.+  E latou te lē tufatufa atu meaʻai ona o le faanoanoa, e faamāfanafana ai se tasi ona o lē ua oti;+ e latou te lē avatua foʻi iā i latou le ipu o le faamāfanafanaga e feinu ai, ona o le tamā ma le tinā o se tasi.+  E lē tatau lava ona e ulu atu i se fale o fai ai se faigaʻai, e nonofo faatasi ma i latou e aai ma feinu ai.’+  “Auā o le mea lenei ua fetalai mai ai Ieova o ʻau, o le Atua o Isaraelu, ‘Ou te faaiʻuina le leo o le fiafia ma le leo o le olioli, o le leo o le alii faaipoipo ma le leo o le tamaʻitaʻi faaipoipo mai i lenei mea i o outou luma ma i o outou aso.’+ 10  “Pe a e taʻu atu i lenei nuu o nei upu uma, ma e latou te faapea mai iā te oe, ‘O le ā le mea ua fetalai mai ai Ieova iā i matou i lenei malaia tele, ma o le ā la matou mea sesē, o le ā foʻi la matou agasala ua matou agasala ai iā Ieova lo matou Atua?’+ 11  Ona e fai atu lea iā i latou: ‘Ua fetalai mai Ieova, “Talu ai ua tuua aʻu e o outou tamā,+ ma ua latou mulimuli atu pea i isi atua, ua latou auauna ma ifo i ai.+ A ua latou tuua aʻu, ma ua latou lē tausia foʻi laʻu tulafono.+ 12  A ua sili atu ona leaga mea ua outou faia nai lo o o outou tamā,+ ma ua taʻitasi outou ma savavali i le maaa o lona lotoleaga,+ i le lē usiusitaʻi mai iā te aʻu.+ 13  Ou te lafoaʻi foʻi outou mai i lenei laueleele+ i le nuu e tou te leʻi iloa, e leʻi iloa+ foʻi e o outou tamā, ma e tou te auauna ai i inā i isi atua+ i le ao ma le pō, auā ou te lē alofa mutimutivale iā te outou.” ’ 14  “ ‘O le mea lea, faauta! e oo mai aso,’+ ua fetalai mai ai Ieova, ‘e lē toe faapea ane ai: “O loo soifua Ieova o lē na aveina aʻe le fanauga a Isaraelu mai i le nuu o Aikupito!”+ 15  ae e faapea: “O loo soifua Ieova o lē na aveina aʻe le fanauga a Isaraelu mai i le nuu o le itu i mātū, ma nuu uma na ia faataapeape i ai i latou!” ma ou te toe aumaia lava i latou i lo latou laueleele, na ou foaʻiina atu i o latou augātamā.’+ 16  “ ‘O lenei, ou te aauina atu tagata faifaiva e toʻatele,’ ua fetalai mai ai Ieova, ‘e latou te fagogota lava mo i latou; e mulimuli ane, ona ou aauina atu foʻi lea o tagata tulimanu e toʻatele,+ e latou te tutuli lava e saʻili i latou mai i mauga uma, o aʻega uma, ma vaipapa uma.+ 17  Auā ua vaai atu oʻu mata i o latou ala uma. E leʻi natia na mea i oʻu luma, e leʻi lilo foʻi o latou sesē i laʻu vaai.+ 18  E muamua lava, ou te toe taui atu le aofaʻiga atoa o a latou mea sesē+ ma la latou agasala, ona o lo latou faaleagaina o loʻu nuu.+ Ua latou faatumu loʻu tofi i o latou tupua inosia e leai ni ola ma a latou mea leaga.’ ”+ 19  Ieova e, o loʻu malosi ma loʻu lafitaga, o le mea ou te sola i ai i le aso o le puapuaga,+ e ō mai lava iā te oe o atunuu mai i tuluʻiga o le lalolagi,+ ma e latou te faapea atu: “E moni lava ua fai ma tofi o o matou augātamā le pepelo,+ o mea faatauvaa, ma mea e leai ni aogā.”+ 20  Pe e mafai ea e se tagata ona ia faia mo ia lava ni atua, ae e lē o ni atua i latou?+ 21  “O le mea lea, ou te faailoa atu iā i latou; o le taimi lea, ou te faailoa atu ai iā i latou loʻu lima ma loʻu malosi,+ ma e latou te iloa ai o loʻu igoa o Ieova.”+

Faamatalaga Pito i Lalo