Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 15:1-21

15  Ua fetalai mai Ieova iā te aʻu: “E tusa pe tutū mai Mose+ ma Samuelu+ i oʻu luma, ou te lē fiafia lava i lenei nuu.+ Ou te tutulia lava i latou mai i oʻu luma, ina ia latou ō ese ai.+  Afai e latou te fai mai iā te oe, ‘O fea e matou te ō i ai?’ ona e fai atu lea iā i latou, ‘O le mea lenei ua fetalai mai ai Ieova: “O ai lava e tatau i ai le faamaʻi e oti ai, ia oti ai i le faamaʻi! O ai lava e tatau ona oti i le pelu, ia oti ai i le pelu! O ai lava e tatau ona oti i le oge, ia oti ai i le oge!+ O ai foʻi e tatau ona ave faapagota, ia aveina faapagota!” ’+  “ ‘Ou te tofia foʻi mala eseese e fā e oo iā i latou,’+ ua fetalai mai ai Ieova, ‘o le pelu e fasioti ai, o taʻifau e fetosoaʻi solo ai, o manufelelei o le lagi,+ ma manu o le fanua e ʻaina ma faaumatia i latou.  Ou te tuuina atu i latou ia gatete ai malo uma o le lalolagi+ ona o Manase le atalii o Esekia, o le tupu o Iuta, ona o mea na ia faia i Ierusalema.+  Auā o ai e alofa mutimutivale atu iā te oe, Ierusalema e, o ai e tigā alofa iā te oe,+ o ai foʻi e afe ane e fesili atu po o ā mai oe?’  “ ‘Ua e lafoaʻiina aʻu,’+ ua fetalai mai ai Ieova. ‘Ua e fulitua mai pea iā te aʻu ma e savali ese.+ Ou te faaloaloa atu loʻu lima iā te oe ma faaumatia oe.+ Ua ou fiu e faanoanoa.+  Ou te faamamāina i latou+ i se tui i faitotoʻa o le nuu. Ou te aveesea lava a latou fanau.+ Ou te faaumatia foʻi loʻu nuu, talu ai latou te leʻi toe foʻi mai i o latou ala.+  Ua toʻatele atu i oʻu luma o latou fafine ua oti a latou tane nai lo o le oneone o le sami. Ou te aumaia iā i latou, o le tinā ma le tauleʻaleʻa, o le tagata faomea i le tutonu o le lā.+ E faafuaseʻi lava ona ou faapopoleina ma faaatuatuvale iā i latou.+  Ua vaivai le fafine na fanaua tama e toʻafitu; ua tau mānava o ia.+ Ua goto lona lā a o ao lava;+ ua māsiasi ma ua mā foʻi.’ ‘Ou te tuuina atu o ē o totoe o i latou i le pelu i luma o o latou fili,’+ ua fetalai mai ai Ieova.” 10  Oi talofa iā te aʻu,+ loʻu tinā e, auā ua e fanaua aʻu, o se tagata finau, ma o se tagata e tupu ai misa i le lalolagi atoa.+ Ou te leʻi nonō atu, ma e latou te leʻi nonō mai foʻi iā te aʻu. A ua latou fetuu uma mai iā te aʻu.+ 11  Ua fetalai mai Ieova: “E moni lava ou te auauna atu iā te oe mo le lelei.+ Ou te fesoasoani lava foʻi iā te oe i taimi o puapuaga+ ma taimi o mafatiaga, e faasagatau i le fili.+ 12  Pe e mafai ea e se isi ona ia nutililiia le uʻamea, o le uʻamea mai i le itu i mātū, ma le ʻapamemea? 13  Ou te tuuina atu au oloa ma au ʻoa ina ia faoa,+ e lē faatauina, ae ona o au agasala uma i lou laueleele uma.+ 14  Ou te tuuina atu ia mea e ave faatasi ma ou fili i se nuu e te lē iloaina.+ Auā ua tutuina le afi ona o loʻu ita.+ Ua sasao atu iā te outou.” 15  Ua e silafia lava+ oʻu puapuaga. Ieova e, ia e manatua mai aʻu+ ma liuliualo mai iā te aʻu, ma e taui atu i ē o faasauā mai iā te aʻu.+ Ona o le telegese o lou toʻasā, aua e te aveesea aʻu.+ Ia e silafia mai loʻu onosaʻi i taufaifaiga ona o oe.+ 16  Na maua au afioga, ona ou ʻai ai lea;+ ma na avea foʻi lau afioga ma mea e fiafia+ ma olioli ai loʻu loto;+ auā ua taʻua aʻu i lou suafa,+ Ieova e, le Atua o ʻau.+ 17  Ou te leʻi faifaimea faatasi ma ē e faia tala mālie,+ ma fiafia i ai.+ Ona o lou aao ua ou nofo ai na o aʻu,+ auā ua e faatumuina aʻu i le ita.+ 18  Aiseā ua umi ai loʻu tigā+ ma lē mafai ai ona togafitia loʻu manuʻa?+ Ua lē mafai ona faamālōlō. Ua avea lava oe ma se mea taufaaʻoleʻole iā te aʻu,+ e pei o vai ua lē maufaatuatuaina.+ 19  O le mea lenei ua fetalai mai ai Ieova: “Afai e te toe foʻi mai, ona ou toe faafoʻisia mai lea o oe.+ E te tū foʻi i oʻu luma.+ Afai e te aumaia mea tāua mai i mea e lē aogā, ona avea lea o oe e pei o loʻu gutu. E latou te toe foʻi mai iā te oe, ae e te lē foʻi atu iā i latou.” 20  “Ua ou faia oe ma pā ʻapamemea malupuipuia i lenei nuu;+ e latou te tau lava faasaga iā te oe, ae e latou te lē manumalo iā te oe.+ Auā ou te faatasi ma oe, e faaola ma laveaʻi iā te oe,”+ ua fetalai mai ai Ieova. 21  “Ou te laveaʻi foʻi iā te oe mai i lima o ē e amioleaga,+ ma ou te togiolaina oe mai i lima o ē e pule sauā.”

Faamatalaga Pito i Lalo