Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ieremia 12:1-17

12  Ieova e, e amiotonu oe,+ pe a tuuina atu laʻu tagi iā te oe, pe a ou tautala atu foʻi e uiga i au faamasinoga. Aiseā ua manuia ai le ala o ē e amioleaga,+ ma e lē o popole foʻi i latou o loo faia faiga faaʻoleʻole?  Ua e totōina i latou; ua latou mauaa foʻi. Ua latou ō atu pea i luma; ua latou fua mai foʻi. E masani ona latou taʻua oe i o latou gutu, a ua mamao mai i o latou manatu.*+  A o oe, Ieova e, ua e silafia lelei aʻu;+ ua e silasila mai iā te aʻu ma ua e suʻesuʻeina foʻi loʻu loto po o autasi ma oe.+ Ia e tuueseeseina i latou e pei o mamoe o le a fasia,+ ma vavaeeseina i latou mo le aso e fafasi ai.  O le ā le umi e mamae ai pea le laueleele,+ ma mamago ai foʻi vao o le fanua atoa?+ Ua tafiesea manu o le fanua ma manufelelei, ona o le leaga o i latou o loo nonofo ai.+ Auā ua latou faapea ane: “E lē silafia e ia lo tatou lumanaʻi.”  Auā ua e tamoʻe faatasi ma tagata taufetuli, ma e latou te faavaivai iā te oe, e faapefea la ona e taututuu ma ni solofanua?+ Ma pe e te saogalemu ea i le nuu filemu?+ O le ā la se mea e te faia pe a fetaiaʻi ma vao lauolaola i le Ioritana?+  Auā e oo lava i ou uso ma le aiga o lou lava tamā, ua latou faaʻoleʻole iā te oe.+ E oo lava iā i latou, ua latou valaau leotetele atu iā te oe. Aua lava neʻi faatuatua atu iā i latou, e ui ina latou tautatala mai iā te oe i mea lelei.+  “Ua ou tuua loʻu fale;+ ua ou lafoaʻiina loʻu tofi;+ ua ou tuuina atu lē ua pele iā te aʻu i lima o ona fili.+  Ua avea loʻu tofi e pei o se leona i le vaomatua iā te aʻu. Ua ia leotele mai foʻi iā te aʻu. O le mea lea ua ou ʻinoʻino ai iā te ia.+  Ua avea loʻu tofi iā te aʻu+ e pei o se manulele taufeʻai felanulanuaʻi; ua siʻosiʻomia e manulele taufeʻai.+ O outou o manufeʻai uma o le fanua, inā ō mai ia, ia faapotopoto faatasi mai; ma aumai i latou e aai ai.+ 10  Ua faaumatia e le toʻatele o leoleo mamoe+ loʻu togāvine;+ ua latou solia i lalo loʻu tofi.+ Ua latou liua loʻu tofi+ matagofie i se toafa ua faatafunaina. 11  Ua faia e se tasi ma mea ua faatafunaina;+ ua valevalenoa; ua faatafunaina i oʻu luma.+ Ua faatafunaina le laueleele atoa, auā ua leai se tagata e toe mafaufau i ai.+ 12  Ua ō mai tagata e faoa mea i auala uma o le toafa. Auā ua faaumatia e le pelu a Ieova tagata mai i le tasi pito nuu e oo atu i le isi pito nuu.+ E leai se filemu mo se tagata e toʻatasi. 13  Ua latou lūlū saito, a ua latou selesele mai ai laau tuitui.+ Ua latou galulue ma le tautigā ma oo ai ina mamaʻi; ae e lē aogā.+ E māsiasi foʻi i latou ona o fua o a outou faaeleeleaga, ona o le toʻasā aasa o Ieova.” 14  O le mea lenei ua fetalai mai ai Ieova i oʻu tuaoi leaga uma,+ o ē ua fetagofi i le tofi na ou tuuina atu e fai mo loʻu nuu o Isaraelu:+ “O lenei, ou te liaʻiina i latou mai i lo latou laueleele;+ ou te liaʻiina foʻi le aiga o Iuta mai i totonu o i latou.+ 15  Pe a uma ona ou liaʻiina i latou, ona ou toe alofa mutimutivale lava lea iā i latou+ ma ou toe aumaia i latou, e taʻitoʻatasi i lona tofi, e taʻitoʻatasi foʻi i lona laueleele.”+ 16  “Afai e latou te matuā aʻoaʻoina lava ala o loʻu nuu i le tautō i loʻu igoa,+ ‘O loo soifua Ieova!’ e pei ona latou aʻoaʻoina ai loʻu nuu e tautō iā Paala,+ ona atiaʻe ai foʻi lea o i latou i totonu o loʻu nuu.+ 17  Ae afai e latou te lē usiusitaʻi, ou te liaʻiina foʻi lenā nuu, ou te liaʻiina ma faaumatia,”+ ua fetalai mai ai Ieova.

Faamatalaga Pito i Lalo

I le gagana Eperu, “ua mamao mai i o latou fatugaʻo.”