Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ieremia 11:1-23

11  Na oo mai le afioga a Ieova iā Ieremia, ua faapea mai:  “Inā faalogo mai ia outou i upu o lenei feagaiga! “Ia e taʻu atu i tagata o Iuta+ ma ē o loo nonofo i Ierusalema,  ma ia e fai atu iā i latou, ‘O le mea lenei ua fetalai mai ai Ieova le Atua o Isaraelu: “E malaia le tagata e lē faalogo i upu o lenei feagaiga,+  na ou poloaʻi atu ai i o outou augātamā i le aso na ou aumaia ai i latou mai i le nuu o Aikupito,+ mai i le ogaumu uʻamea,+ ia faapea atu, ‘Ia faalogo mai i loʻu leo, ma ia outou faia e tusa ma mea uma ua ou poloaʻi atu ai iā te outou;+ ona avea ai lava lea o outou ma oʻu nuu, e avea foʻi aʻu ma o outou Atua,+  ina ia taunuu ai le tautoga na ou tautō ai i o outou augātamā,+ e avatu iā i latou le laueleele e tafe ai le suāsusu ma le meli,+ e pei ona iai i le aso nei.’”’” Ona ou tali atu lea e faapea: “Amene, Ieova e.”  Ona fetalai mai lea o Ieova iā te aʻu: “Ia e folafola atu nei upu uma i aai o Iuta ma auala o Ierusalema,+ ia faapea atu, ‘Inā faalogo mai ia outou i upu o lenei feagaiga, ma ia outou faia lava.+  Auā na ou matuā apoapoaʻi atu i o outou augātamā i le aso na ou ave aʻe ai i latou mai i le nuu o Aikupito+ ma e oo mai lava i lenei aso, ou te alapō ma apoapoaʻi atu, e faapea: “Ia outou faalogo mai i loʻu leo.”+  A ua latou lē faalogo pe uaʻi mai o latou taliga,+ a ua taʻitasi i latou ma savavali i le maaa o o latou lotoleaga;+ ona ou faaoo atu lea i luga iā i latou o upu uma o lenei feagaiga na ou poloaʻi atu ai iā i latou e faia, ae e latou te leʻi faia lava.’”  Ua toe fetalai mai foʻi Ieova iā te aʻu: “Ua iloa le fouvalega ua faia e tagata o Iuta ma ē o loo nonofo i Ierusalema.+ 10  Ua latou liliu atu i mea sesē na faia e o latou augātamā+ mai i le amataga, o ē na mumusu e usiusitaʻi i aʻu upu, ae na latou mulimuli atu i isi atua ina ia auauna ai iā i latou.+ Ua solia e le aiga o Isaraelu ma le aiga o Iuta laʻu feagaiga na ou osia ma o latou augātamā.+ 11  O le mea lenei ua fetalai mai ai Ieova, ‘Ou te faaoo atu iā i latou le malaia,+ ma e lē mafai ona latou sao mai ai;+ e latou te valaau mai lava iā te aʻu mo se fesoasoani, ae ou te lē faalogo atu iā i latou.+ 12  Ona ō ai lea o aai o Iuta ma ē o loo nonofo i Ierusalema, ma valaau atu mo se fesoasoani i atua na latou faamū i ai taulaga,+ ae peitaʻi, e lē aumaia ai lava se faaolataga iā i latou i le taimi o lo latou malaia.+ 13  Auā o le aofaʻi o o outou atua ua tutusa ma le aofaʻi o ou aai, Iuta e;+ ua outou tuu foʻi le tele o fata faitaulaga e pei o auala o Ierusalema e fai ai mea e māsiasi ai,+ o fata faitaulaga e faamū ai taulaga iā Paala.’+ 14  “A o oe, aua neʻi e tatalo mai mo lenei nuu, aua foʻi e te ʻaiʻoi mai pe tatalo mo i latou,+ auā ou te lē faalogo atu lava i le taimi e latou te valaau mai ai iā te aʻu, e tusa ai o lo latou malaia.+ 15  “O le ā le mea ua faia e loʻu nuu pele i loʻu fale,+ ua faia ai e le toʻatele o i latou lenei mea,+ o lenei faufauga leaga?+ Ma pe e avea ea aano paia o a latou taulaga ma mea e tou te sao ai+ pe a oo mai lou mala? Pe e te fiafia ea i lenā taimi?+ 16  Ua faaigoa oe e Ieova,+ ‘O le laau olive lauolaola, e matagofie ona fua ma e manaia.’ Ua lagona le gapāpā tele ina ua ia susunuina o ia i le afi, ma ua gauia ai ona lālā.+ 17  “Ua fetalai mai Ieova o ʻau, o Lē na totōina oe,+ i le mala o le a oo iā te oe, ona o le amioleaga a le aiga o Isaraelu+ ma le aiga o Iuta, na latou faia e faatigā mai ai iā te aʻu i le faamūina o taulaga iā Paala.”+ 18  Ua faailoa mai e Ieova iā te aʻu ina ia ou iloaina ai. I lenā taimi, ua e faavaai aʻu i a latou mea na fai.+ 19  Ua pei aʻu o se tamaʻi mamoe poʻa, o se fagafao ua aumaia ina ia fasia,+ ma ou te leʻi iloa ua latou fafauina ni mea leaga e faasaga iā te aʻu:+ “Seʻi o tatou faaumatia le laau ma ona fua, ma seʻi o tatou vavaeeseina o ia mai i le nuu o tagata ola,+ ina ia lē toe manatua ai lona igoa.” 20  A o Ieova o ʻau, o loo faamasino o ia ma le amiotonu;+ o loo suʻesuʻe e ia manatu* ma le loto.+ Ta fia vaai e, i lau tauimasui iā i latou, auā ua ou faailoa atu iā te oe laʻu faamasinoga.+ 21  O le mea lenei ua fetalai mai ai Ieova i tagata o Anatota,+ o ē o loo saʻili e fasioti iā te oe, e faapea: “Aua e te vavalo i le suafa o Ieova,+ ina neʻi e oti i o matou lima”; 22  o le mea lea ua fetalai mai ai Ieova o ʻau: “O lenei, ou te uaʻi atu iā i latou. E feoti tauleleʻa i le pelu.+ E feoti foʻi o latou atalii ma o latou afafine i le oge.+ 23  E leai lava nisi o i latou e totoe, auā ou te faaoo atu le malaia i tagata o Anatota,+ i le tausaga ou te uaʻi atu ai iā i latou.”+

Faamatalaga Pito i Lalo

I le gagana Eperu, “o oʻu fatugaʻo.”