Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ieremia 1:1-19

1  O upu a Ieremia+ le atalii o Hilikia, o se tasi o ositaulaga sa i Anatota+ i le nuu o Peniamina;+  o lē na oo mai i ai le afioga a Ieova i aso o Iosia+ le atalii o Amone,+ le tupu o Iuta, i le tausaga lona sefulu tolu o lana nofoaiga.+  Na tupu pea lenei mea i aso o Ioakima+ le atalii o Iosia, le tupu o Iuta, seʻia oo ina faaiʻuina le tausaga lona sefulu tasi o le nofoaiga a Setekaia+ le atalii o Iosia, le tupu o Iuta, e oo i le taimi na ave faapagota ai Ierusalema i le masina lona lima.+  Na oo mai iā te aʻu le afioga a Ieova, ua faapea mai:  “Na ou iloa oe+ ae ou te leʻi faia oe i le manava,+ ma na ou faapaiaina foʻi oe ae e te leʻi fanau mai i le manava.+ Na ou faia oe ma perofeta i atunuu.”  Ae na ou faapea atu: “Auē, Ieova e, le Alii Pule Silisili Ese! O aʻu nei e lē iloa tautala,+ auā ua na o aʻu o se tamaitiiti.”+  Ona fetalai mai lea o Ieova iā te aʻu: “Aua e te fai mai, ‘Ua na o aʻu o se tamaitiiti.’ A ia e alu iā i latou uma ou te auina atu i ai oe; ma ia e tautala atu i mea uma ou te poloaʻi atu ai iā te oe.+  Aua e te fefe ona o i latou,+ auā ‘Ou te faatasi ma oe e laveaʻi iā te oe,’+ ua fetalai mai ai Ieova.”  Ona aapa mai lea o le aao o Ieova ma paʻi mai i loʻu gutu.+ Ona fetalai mai lea o Ieova iā te aʻu: “O lea ua ou tuu atu aʻu upu i lou gutu.+ 10  Faauta, ua ou tofia oe i le aso nei e te pule i atunuu ma malo,+ ina ia liaʻiina ma talepe i lalo,+ ia faaumatia ma soloia i lalo, ia fausia foʻi ma totōina.”+ 11  Ua toe oo mai foʻi le afioga a Ieova iā te aʻu, ua faapea mai: “Ieremia e, o le ā se mea o e vaai atu i ai?” Ona ou fai atu lea: “Ua ou vaaia se tātupu o le laau o le sekati.” 12  Ona fetalai mai lea o Ieova iā te aʻu: “Ua lelei lau vaai, auā ou te mataala pea e tusa ai ma laʻu upu ina ia faataunuuina.”+ 13  Ona toe oo faalua mai lea o le afioga a Ieova iā te aʻu, ua faapea mai: “O le ā se mea o e vaai atu i ai?” Ona ou fai atu lea: “Ua ou vaaia se ulo e va tele lona gutu, o loo tapili i ai le afi, ma o lona gutu e faasaga mai i mātū.” 14  Ona fetalai mai lea o Ieova iā te aʻu: “E oo mai le mala mai i mātū iā i latou uma o loo nonofo i le nuu.+ 15  O le mea lea, ‘ou te valaau atu ai i aiga uma o malo o le itu i mātū,’ ua fetalai mai ai Ieova;+ ‘e latou te ō mai lava e taʻitoʻatasi ma tuu lona nofoālii i le mea e ui atu ai i faitotoʻa o Ierusalema,+ i ona pā uma o loo siʻomia ai ma aai uma o Iuta.+ 16  Ou te faailoa atu iā i latou aʻu faamasinoga ona o lo latou leaga uma,+ i lo latou tuua o aʻu+ ma lo latou faamūina pea o taulaga i isi atua,+ ma ua ifo i galuega a o latou lava lima.’+ 17  “A o oe, inā fusi ia lou sulugātiti,+ ma ia e tulaʻi ma tautala atu iā i latou i mea uma ua ou poloaʻi atu ai iā te oe. Aua neʻi faamataʻuina oe ona o i latou,+ ina neʻi oʻu faamataʻuina oe i o latou luma. 18  A o aʻu, ou te faia oe i le aso nei ma aai malupuipuia, o se poutū uʻamea, ma pā+ ʻapamemea e faasagatau atu ai i le nuu atoa,+ o tupu o Iuta, o ona perenise, o ona ositaulaga, ma tagata o le nuu.+ 19  E latou te siitaua mai lava iā te oe, ae e latou te lē manumalo iā te oe,+ auā ‘ou te faatasi ma oe e laveaʻi iā te oe,’+ ua fetalai mai ai Ieova.’ ”+

Faamatalaga Pito i Lalo