Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iakopo 5:1-20

5  O lenei, o outou tagata mauʻoa,+ inā fetagisi ia ma ia faanoanoa ona o puapuaga ua oo mai iā te outou.+  Ua pala a outou oloa, ma ua ʻatiʻatia o outou ofu tele e mogamoga.*+  Ua elea a outou auro ma siliva, ma o le ʻele ua fai ma molimau lē lelei iā te outou, ma ʻaina ai o outou tino.* Ua outou faaputu+ ai le mea e pei o se afi+ i aso e gata ai.+  Faauta! O loo alalaga+ mai pea totogi o ē e galulue na seleseleina fua o outou fanua, auā ua taofia e outou,+ ma ua faafofogaina+ e Ieova o ʻau le alaga a ē e selesele mo se fesoasoani.+  Ua outou ola i ni olaga tamaoaiga i le lalolagi, ma ua outou faia tuʻinanauga o le tino.+ Ua outou fafagaina outou ia puputa* seʻia oo i le aso e fafasi ai.+  Ua outou taʻusalaina ma fasiotia le tagata amiotonu. Pe e lē o tetee mai o ia iā te outou?+  O lenei le ʻauuso e, ia outou onosaʻi seʻia oo i le faatasi mai+ o le Alii. Faauta! O loo faatalitali pea ma le onosaʻi le faifaatoʻaga i fua lelei o le fanua, seʻia totō mai timuga muamua ma timuga mulimuli.+  Ia outou onosaʻi+ foʻi, ma ia faatumauina o outou loto, auā ua toe o se aga le faatasi mai o le Alii.+  Le ʻauuso e, aua tou te femuimuiaʻi ina neʻi faamasinoina outou.+ Faauta! O loo tū mai le Faamasino i luma o faitotoʻa.+ 10  Le ʻauuso e, ia outou faaaʻoaʻo+ i le ʻauperofeta+ i o latou puapuagatia i mea leaga+ ma lo latou onosaʻi,+ o ē na tautala atu i le suafa o Ieova.+ 11  Faauta! Ua tatou faapea atu, e fiafia i latou e tumau.+ Ua outou faalogo i le tumau o Iopu+ i lona faamaoni, ma ua outou iloa foʻi le iʻuga mai iā Ieova,+ auā e alofa faapelepele ma alofa mutimutivale Ieova.+ 12  Oʻu uso e, e muamua i nei mea uma lava, aua tou te toe tautō i le lagi po o le lalolagi po o se isi lava tautoga.+ A ia avea la outou upu o le Ioe, ia Ioe, ma le Leai, ia Leai, ina neʻi faamasinoina ai outou.+ 13  Pe e iai se tasi o outou ua mafatia i mea leaga? Inā tatalo ia o ia.+ Po ua fiafia se tasi o outou? Inā pese ia o ia i pese o viiga.*+ 14  Pe e iai ea se tasi o outou ua maʻi?+ Inā aami atu ia o toeaina+ o le faapotopotoga ina ia latou tatalo mo ia, ma uu iā te ia i le suāuu+ i le suafa o Ieova. 15  O le tatalo e faia i le faatuatua e malosi+ ai le tagata maʻi, ma o le a faatūina o ia e Ieova.+ E faamagaloina foʻi o ia pe afai ua agasala.+ 16  O lenei, ia faailoa+ atu a outou agasala ma tatalo le tasi mo le isi, ina ia faamālōlōina ai outou.+ E malosi tele le tatalo faatauanau a le tagata amiotonu.+ 17  O Elia o le tagata e pei o i tatou,+ ae na tatalo o ia ina ia aua neʻi timu,+ ma e leʻi timu mo le tolu tausaga ma le ono masina. 18  Ona toe tatalo lea o ia, ma ua maligi mai ai o timuga mai i le lagi, ona fua mai ai lea o le laueleele.+ 19  Oʻu uso e, afai ua taʻitaʻisesēina se tasi o outou mai i le upu moni ae ua toe faafoʻi mai o ia e se tasi,+ 20  ia iloa o lē na toe faafoʻi mai le tagata agasala mai i lona ala sesē,+ ua faaolaina o ia mai i le oti+ ma ua ufiufi ai agasala e tele.+

Faamatalaga Pito i Lalo

O le upu Eleni e faasino atu i se ituaiga o lelefua e ʻaina lavalava.
I le gagana Eleni, e “ ʻaina ai o outou itutino.”
I le gagana Eleni, “ua faapuputa o outou loto.”
I le gagana Eleni, “inā pese ia i salamo.”