Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Hosea 6:1-11

6  “Le nuu e, inā ō mai ia ma tatou toe foʻi atu iā Ieova,+ auā e saeia e ia o i tatou,+ ae o le a ia faamālōlōina i tatou.+ Ua ia faamanuʻaliaina pea i tatou ae o le a ia fusifusia i tatou.+  O le a ia toe faaola i tatou pe a mavae aso e lua.+ O le a faatutū i tatou e ia i le aso lona tolu ma tatou feola ai i ona luma.+  O le a tatou iloa ai, o le a tatou tausisi atu ina ia iloa Ieova.+ Ua faamautūina+ lona afio atu e pei o le vaveao.+ O le a afio mai foʻi o ia iā i tatou e pei o le totō ifo o timuga;+ e pei o le timu i le tau e totogo ai mea lea e matuā faasūsūina ai le eleele.”+  “Efaraima e, o le ā se mea ou te faia iā te oe? Iuta e, o le ā se mea ou te faia iā te oe,+ auā ua pei lo outou alofa faamaoni o ao o le taeao ma le sau e vave ona mavae atu?  O le mea lea ou te taia ai i latou e ala i perofeta;+ ou te fasiotia foʻi i latou e ala i upu a loʻu gutu.+ O le a pei faamasinoga e oo iā te oe o le alu atu o le malamalama.+  Auā ua ou fiafia i le alofa faamaoni,+ ae e lē o taulaga;+ ou te fiafia foʻi i le iloaina o le Atua nai lo o taulaga mū.+  O i latou ia, o ē ua na o ni tagata ua solia le feagaiga.+ O i inā na latou lē faamaoni mai ai iā te aʻu.+  O Kiliata+ o le aai ua iai ē e faia mea leaga; o ē ua tele ai le faamasaatoto.+  O le ʻauositaulaga o le vaega faomea ia,+ e amio e pei o ē e lamalama i se tagata.+ Ua latou fasiotia tagata e lata ane i Sekema,+ auā ua masani ona latou faia amioga leaga i aso fai soo.+ 10  Ua ou iloa se mea inosia i le aiga o Isaraelu.+ Ua faitaaga ai Efaraima.+ Ua faaleagaina e Isaraelu ia lava.+ 11  Iuta e, ua fuafuaina le taimi e pei o le taimi o le seleselega, ou te aoaoina ai loʻu nuu na ave faapagota ma faafoʻisia i lo latou laueleele.”+

Faamatalaga Pito i Lalo