Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Hosea 5:1-15

5  “Ositaulaga e,+ inā faalogo mai ia, Le aiga o Isaraelu e, inā uaʻi mai ia, Le aiga o le tupu e,+ inā faalogo mai ia o outou taliga auā e faatatau atu le faamasinoga iā te outou; auā ua avea outou ma mailei+ iā Mesepa ma upega ua folasia i luga o Tapora.+  O i latou ua ō ese mai i le mea tonu ua matuā aafia i latou i le fasiga,+ ma sa ou apoapoaʻi atu iā i latou uma.+  O aʻu lava ua ou iloa Efaraima,+ ma e lē lilo foʻi Isaraelu iā te aʻu.+ Efaraima e, ua e feusuaʻi ma fafine e pei ona feusuaʻi o tamāloloa ma fafine talitane;+ ua faaleagaina e Isaraelu o ia lava.+  O a latou gaoioiga ua lē mafai ai ona latou toe foʻi atu i lo latou Atua,+ talu ai ua iai le agaga o le faitaaga+ iā i latou; ua latou lē amanaʻia foʻi Ieova.+  Ua molimau le faamaualuga o Isaraelu i ona luma+ ma e tautevateva Isaraelu ma Efaraima i a latou mea sesē.+ E tautevateva foʻi Iuta ma i latou.+  Ua latou ō atu faatasi ma a latou lafu ma a latou lafumanu e saʻili iā Ieova, ae e latou te leʻi mauaina o ia.+ Ua afio ese o ia mai iā i latou.  Ua lē faamaoni i latou iā Ieova,+ auā ua avea i latou ma tamā o ni atalii ese.+ O le a faaumatia i latou faatasi ma o latou tofi i se masina.+  “Ia outou ili le pū*+ i Kipea,+ ia ili foʻi le pū* i Rama! Ia outou alalaga i le alaga o le taua i Petavene. Peniamina e,+ e matou te mulimuli atu iā te oe!+  Efaraima e, o le a avea oe ma mea e ofo ai i le aso o le aʻoaʻiga.+ Ua ou faailoa atu i le ituaiga o Isaraelu le mea moni e oo iā i latou.+ 10  Ua pei perenise o Iuta o ē ua toe faafoʻi i tua pine o le tuaoi.+ O le mea lea, ou te sasaa ifo ai iā i latou loʻu ita tele e pei o le vai. 11  Ua faasauāina Efaraima, ua nutililiia foʻi ona o le faamasinotonu,+ auā ua ia filifili e mulimuli atu i ona fili.+ 12  Ua pei aʻu o se lelefua+ iā Efaraima ma o se mea e pala i le aiga o Iuta. 13  “Ua iloa e Efaraima lona maʻi, ua iloa foʻi e Iuta lona papala.+ Ona alu lea o Efaraima i Asuria,+ ua auina atu avefeʻau i se tupu malosi.+ Ae e lē mafai e lenā tupu* ona faamālōlōina outou,+ ma e lē mafai foʻi ona ia aveesea mai iā te outou le papala e ala i so o se togafitiga.+ 14  Auā o le a avea aʻu e pei o se tamaʻi leona iā Efaraima+ ma e pei o se leona taanoa i le aiga o Iuta. O aʻu, o aʻu lava ou te saeia i latou, ou te alu atu foʻi ma ave i latou ae e leai se isi e laveaʻiina i latou.+ 15  Ou te alu ma ou toe foʻi mai i le mea ou te nofo ai, seʻia māeʻa o latou puapuaga ona o lo latou faasalaga;+ ma e latou te saʻili mai iā te aʻu.+ Pe a matuā puapuagatia i latou,+ ona latou saʻili mai lea iā te aʻu.”+

Faamatalaga Pito i Lalo

Po o le “sofao” o se pū e faia i seu o le mamoe poʻa.
O se pū e faasasaʻo. O le upu Peretania o le trumpet.
Po o “Iarepa le tupu.”