Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Hosea 14:1-9

14  “Isaraelu e, ia toe foʻi mai iā Ieova lou Atua,+ auā ua e tautevateva i au mea sesē.+  Ia toe foʻi mai iā Ieova ma upu o le salamō.+ Ia outou fai atu iā te ia, ‘Tau ina ia e faamagalo mea sesē;+ ma talia le mea lelei, ona matou fai taulaga atu ai lea i tamaʻi povi taanoa o o matou laugutu.*+  E lē faaolaina i matou e Asuria.+ E matou te lē tiʻetiʻe i ni solofanua.+ E matou te lē toe fai atu i galuega a o matou lima, “Lo matou Atua e!” auā o oe, ua e alofa mutimutivale i le tama e leai sona tamā.’+  “Ou te faamālōlōina lo latou lē faamaoni.+ O loʻu lotomalie ou te alofa ai iā i latou,+ auā ua liliuese loʻu ita mai iā te ia.+  E avea aʻu e pei o le sau iā Isaraelu.+ E fua mai o ia e pei o le lili ma e tutupu foʻi ona aa e pei o laau o Lepanona.  O le a oso aʻe ona tātupu, ma e pei lona mamalu o le laau o le olive,+ ma o lona manogi foʻi e pei o laau o Lepanona.  O le a toe nonofo i latou i lona paolo.+ E latou te totō fatu, ma e fuga mai e pei o le vine.+ E manatua o Ia e pei o le uaina o Lepanona.  “O le a faapea mai Efaraima, ‘O le ā se mea ou te toe faia i tupua?’+ “Ou te avatua lava le tali ma ou te vaavaai atu pea iā te ia.+ Ua pei aʻu o le laau mafalā o le perosi.+ E maua mai iā te aʻu fua mo oe.”  O ai lē ua atamai? Ia malamalama o ia i nei mea.+ O ai lē ua faautauta? Ia iloa e ia nei mea.+ Auā e tonu ala o Ieova,+ ma e savavali ai o ē e amiotonu;+ ae o le a tautevateva ai o ē e solitulafono.+

Faamatalaga Pito i Lalo

Po o “fua o o matou laugutu.”