Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Hosea 13:1-16

13  “Ina ua tautala atu Efaraima, ona gatete ai lea o tagata; auā sa mamalu o ia i Isaraelu.+ Ae na oo ina nofosala o ia ona o Paala+ ma oti ai.+  A o lenei ua latou faia foʻi nisi agasala, ma faia mo i latou lava se tupua e fai mai i le siliva+ ua faaliusuavai, o tupua e tusa ma o latou lava manatu,+ o le galuega a le tufuga ia mea uma.+ Ua latou faapea atu, ‘Ia sogi atu i tamaʻi povi o tagata o ē e faia taulaga.’+  O le mea lea, o le a avea ai i latou e pei o ao i le taeao,+ e pei o le sau e vave mavae atu; e pei o ʻau ua lelea i le matagi mai i le mea e soli ai saito,+ ma e pei foʻi o le asu mai i le alaasu.  “O aʻu o Ieova lou Atua talu mai le taimi na e iai i Aikupito,+ e te leʻi iloa se isi Atua vaganā ai aʻu; e leai foʻi se faaola, e na o aʻu lava.+  Na ou iloa oe i le toafa,+ i le laueleele na iai le faamaʻi.+  Na faamalieina i latou ona o le tele o fua o le fanua.+ Na oo ina maoona i latou ma ua faamaualuluga o latou loto.+ O le mea lea na galo ai aʻu iā i latou.+  O le a avea aʻu e pei o se leona taanoa iā i latou.+ Ou te lamalama pea e pei o se nameri* i le auala.+  Ou te oso atu iā i latou e pei o se pea ua toesea lana fanau,+ ou te saeia mea e ufitia ai o latou fatu. Ou te faatamaʻia foʻi i latou i inā e pei o se leona;+ e saeia foʻi i latou e se manufeʻai o le fanua.+  Isaraelu e, talu ai na e faasagatau mai iā te aʻu, o lou fesoasoani,+ o le a faatamaʻia ai lava oe e lenei mea.*+ 10  “O fea la o iai lou tupu ina ia faaolaina oe i ou aai uma,+ ma ou faamasino foʻi o ē na e faapea mai ai, ‘Ia aumai iā i matou se tupu ma ni perenise’?+ 11  Na ou avatu iā te oe se tupu i loʻu ita,+ ma ou te aveese mai foʻi o ia i loʻu ita tele.+ 12  “Ua fusifusia mea sesē a Efaraima, ma ua teuina ana agasala.+ 13  E oo iā te ia le faatigā o le fafine o le a fanau.+ O ia o le atalii valea,+ auā pe a oo i le taimi e fanau mai ai, e lē sau o ia i le tulaga e masani ona fanau mai ai atalii mai i le faaautama.+ 14  “Ou te laveaʻi i latou mai i le Tuugamau;*+ ou te toe faatauina i latou mai i le oti.+ Le oti e, o fea o iai lou tui?+ Le Tuugamau e, o fea o iai lau faafanoga?+ Ou te lē alofa mutimutivale iā i latou.+ 15  “E ui ina fua+ tele mai o ia e pei o se ū, o le a agi mai le matagi mai i sasaʻe, o le matagi a Ieova.+ E agi mai i le toafa, ma e mātūtū ai lona vaieli ma uma ai vai i lona vaipuna.+ O le a faoa e lea tagata le oloa o mea tāua uma.+ 16  “O le a nofosala Samaria,+ ona o lona tetee atu faasaga i lona Atua.+ O le a fasiotia i latou i le pelu.+ E fasiotia ma le sauā a latou fanau,+ ma e faatiauina o latou fafine totō.”+

Faamatalaga Pito i Lalo

O se manu pulepule taufeʻai e pei o se pusi lapoʻa. E taʻua i le faa-Peretania o le leopard.
Atonu e faasino atu i se tasi o manu o loo taʻua i le fuaiupu e 7-8.
Po o “Seoli,” e mai le upu Eperu sheʼohl′. Tagaʻi i le Faaopoopoga e 6.