Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Hosea 12:1-14

12  “O loo ʻai Efaraima i le matagi+ ma tuliloa le matagi mai i sasaʻe i le aso atoa.+ Ua ia faateleina le pepelo ma le faatafunaina.+ Ua latou osia se feagaiga ma Asuria+ ma ua avatu foʻi le suāuu i Aikupito.  “Ua fai le faamasinoga a Ieova ma Iuta,+ e na te faasalaina foʻi Iakopo e tusa ma ona ala;+ e na te toe taui atu o ia e tusa ma ana mea na fai.+  Na ia tago atu i le mulivae o lona uso a o iai i le manava,+ ma na tauivi o ia ma le Atua i lona malosi uma lava.+  Na ia tauivi pea ma le agelu ma faasolosolo ona mālō.+ Na ia tagi ma ʻaiʻoi atu mo se faamanuiaga mo ia.”+ Na maua e Ia o ia i Peteli,+ ma o i inā na Ia talanoa mai ai iā i tatou.+  O ia o Ieova le Atua o ʻau,+ o Ieova o le suafa lea e manatua ai o ia.+  “A o oe, ia e toe foʻi atu i lou Atua,+ ia tausisi i le alofa faamaoni+ ma le faamasinotonu;+ ma ia faamoemoe pea i lou Atua.+  A ua i le lima o le tagata faipisinisi le fua faatautau pepelo;+ ua fiafia o ia i faiga faapiʻopiʻo.+  Ua faapea mai pea Efaraima, ‘E moni ua tele aʻu ʻoa;+ ua ou maua oloa mo aʻu.+ O le a latou iloa ai e leai se mea leaga ua ou agasala ai i aʻu galuega uma.’+  “Ae peitaʻi, o aʻu o Ieova lou Atua talu mai le taimi na e iai i Aikupito.+ Ou te toe faanofo oe i faleʻie e pei ona faia i aso faapitoa. 10  Ua ou tautala atu i perofeta,+ ua ou faateleina faaaliga, ma ua ou avatu pea talafaatusa e ala i perofeta.+ 11  “Ua faia e tagata o Kiliata faiga faataulāitu,+ ma mea pepelo.+ Ua latou faia taulaga i povi poʻa i Kilikala.+ Ua pei foʻi o latou fata faitaulaga o faaputuga maa i le fanua taalaelae ua suatia.+ 12  Ona sola lea o Iakopo i le fanua o Suria,+ ma na auauna ai pea Isaraelu+ mo se avā,+ ma na ia leoleo mamoe ina ia maua ai sana avā.+ 13  Na aumaia e Ieova Isaraelu mai i Aikupito+ e ala i se perofeta, ma na ia leoleoina foʻi o ia e ala i se perofeta.+ 14  Na matuā faaonoono Efaraima i le Atua,+ ma o le a iai pea i ona luga ana faiga faamasaatoto,+ o le a toe taui atu iā te ia lona faalumaina e lona Matai Sili.”+

Faamatalaga Pito i Lalo