Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Hakai 2:1-23

2  O le masina lona fitu,+ i le aso lona lua sefulu tasi o le masina, na oo mai ai le afioga a Ieova e ala mai i le perofeta o Hakai,+ e faapea:  “Faamolemole, ia fai atu iā Serupapelu+ le atalii o Salatielu,+ o le kovana o Iuta,+ ma Iosua+ le atalii o Iosatako,+ o le ositaulaga sili, ma ē ua totoe o le nuu e faapea,  ‘O ai o outou o ē ua totoe na vaai i le matagofie na muaʻi i ai lenei fale?+ O le ā la outou vaai i ai i le taimi nei? Pe e lē o se mea noa ea i la outou vaai, pe a faatusatusa atu i lona matagofie na iai muamua?’+  “‘A o lenei, Serupapelu e, inā faamalosi ia oe,’ ua fetalai mai ai Ieova, ‘ma ia faamalosi+ oe Iosua le atalii o Iosatako, o le ositaulaga sili.’ “‘Ia faamalolosi outou o tagata uma o le atunuu,’ ua fetalai mai ai Ieova, ‘ma ia galulue.’+ “‘Auā ou te faatasi ma outou,’+ ua fetalai mai ai Ieova o ʻau.  ‘Ia outou manatua le feagaiga na ou osia ma outou, ina ua outou ō mai mai i Aikupito,+ ma ina o iai loʻu agaga+ faatasi ma outou. Aua le fefefe.’”+  “Auā o le fetalaiga lenei a Ieova o ʻau, ‘E toe tasi, e toe itiiti lava,+ ona ou lūlūina lea o le lagi ma le lalolagi, o le sami ma le laueleele mātūtū.’+  “‘Ou te lūlūina atunuu uma, ona ō mai ai lea o mea ua manaʻomia mai i atunuu uma;+ ou te faatumuina lenei fale i le mamalu,’+ ua fetalai mai ai Ieova o ʻau.  “‘O aʻu e ona le siliva, o aʻu foʻi e ona le auro,’+ ua fetalai mai ai Ieova o ʻau.  “‘O le a sili atu le mamalu o lenei fale mulimuli nai lo o le fale muamua,’+ ua fetalai mai ai Ieova o ʻau. “‘Ou te avatu i lenei mea le filemu,’+ ua fetalai mai ai Ieova o ʻau.” 10  O le aso lona lua sefulu fā o le masina lona iva, i le tausaga lona lua o le nofoaiga a Tariu, na oo mai ai le afioga a Ieova i le perofeta o Hakai,+ e faapea: 11  “O le fetalaiga lenei a Ieova o ʻau, ‘Faamolemole, ia fesili atu i ositaulaga e uiga i le tulafono,+ e faapea: 12  “Afai e ave e se tamāloa se tufaaga paia i lona pito ofu, ma paʻi atu lona pito ofu i se falaoa po o se sitiū, po o se uaina, po o se suāuu, po o se isi ituaiga o meaʻai, pe e paia ai ea ia mea?”’”+ Ona tali mai lea o ositaulaga e faapea: “E leai!” 13  Ua faapea atili atu Hakai: “Afai e lē mamā se isi ona o se tino oti ae pe a paʻi atu i se tasi o nei mea, pe e lē mamā ai ea lea mea?” Ona tali mai lea o ositaulaga e faapea: “E lē mamā ai.”+ 14  Ua tali atu Hakai e faapea: “‘E faapena lenei nuu, ma e faapena foʻi lenei atunuu i oʻu luma,’+ ua fetalai mai ai Ieova, ‘e faapena foʻi galuega uma a o latou lima, ma mea uma ua latou avatu i inā. Ua lē mamā.’+ 15  “‘A o lenei, faamolemole, ia manatunatu o outou loto+ i lenei mea mai i le asō e oo atu i aso o i luma, ma mea na tutupu a o leʻi tuuina le tasi maa i luga o le isi maa i le malumalu o Ieova,+ 16  e amata mai i le taimi na tutupu ai ia mea, na alu atu ai se tasi i le faaputuga o fua e lua sefulu, ae na maua ai na o le sefulu; na alu ane le tasi i le mea e tali ai suāvine e utu mai o uaina e tusa ma tumu e lima sefulu fua, ae na iai na o le lua sefulu;+ 17  na ou taia outou i le mala e ala i le matagi vevela+ ma le polopologā,+ o le uatoʻa,+ atoa ma galuega uma a o outou lima,+ ae e leai se tasi o outou na liliu mai iā te aʻu,’+ ua fetalai mai ai Ieova. 18  “‘Faamolemole ia manatunatu o outou loto+ i lenei mea mai i le asō e oo atu i aso o i luma, e mai i le aso lona lua sefulu fā o le masina lona iva, e mai i le aso na fai ai le faavae o le malumalu o Ieova;+ ia manatunatu o outou loto i lenei mea: 19  Po ua iai ea ni fatu i le mea e teu ai fatu?+ E leʻi fua mai lava le vine ma le laau o le mati, o le laau o le rimoni ma le laau o le olive, a ea? E amata mai i lenei aso ona ou avatu le faamanuiaga.’”+ 20  Ua toe oo faalua mai le afioga a Ieova iā Hakai,+ i le aso lona lua sefulu fā o le masina,+ e faapea: 21  “Ia fai atu iā Serupapelu le kovana o Iuta,+ ‘Ou te lūlūina le lagi ma le lalolagi.+ 22  Ou te matuā fulisia nofoālii o malo ma faaumatia le malosi o malo o atunuu;+ ou te fulisia foʻi le kariota ma ē e tiʻetiʻe ai, ma e paʻuʻū foʻi i lalo solofanua ma ē e tiʻetiʻe ai,+ e taʻitoʻatasi i le pelu a lona lava uso.’”+ 23  “‘I lenā aso,’ ua fetalai mai ai Ieova o ʻau, ‘Ou te ave ai oe, laʻu auauna o Serupapelu+ le atalii o Salatielu,’+ ua fetalai mai ai Ieova; ‘ou te faia oe ma mama faamaufaailoga,+ auā o oe o lē ua ou filifilia,’+ ua fetalai mai ai Ieova o ʻau.”+

Faamatalaga Pito i Lalo