Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Hakai 1:1-15

1  O le tausaga lona lua o le nofoaiga a le tupu o Tariu,+ i le masina lona ono, i le aso muamua o lea masina, na oo mai ai le afioga a Ieova e ala mai iā Hakai+ le perofeta, iā Serupapelu+ le atalii o Salatielu+ le kovana o Iuta,+ ma Iosua+ le atalii o Iosatako,+ le ositaulaga sili, e faapea:  “O le fetalaiga lenei a Ieova o ʻau,+ ‘A o lenei nuu, ua latou faapea ane: “E leʻi oo mai le aso, o le aso e fausia ai le fale o Ieova.”’”+  Ua oo mai pea le afioga a Ieova e ala mai i le perofeta o Hakai, e faapea:  “Po o le taimi ea lenei mo outou e nonofo ai i o outou fale ua faia i laupapa mananaia,+ a o lenei fale ua faatafunaina?+  O lenei, ua faapea ona fetalai mai o Ieova o ʻau, ‘Ia outou manatunatu i o outou ala.+  Ua outou lūlūina fatu e tele, ae e itiiti mea ua maua mai ai.+ Ua outou aai, ae e lē maoona ai.+ Ua outou feinu, ae e lē onanā ai. Ua outou fai ofu, ae e lē māfanafana ai se tasi; o lē e faigaluega ua tuu e ia lona totogi i le taga ua pūpū solo.’”+  “O le fetalaiga lenei a Ieova o ʻau, ‘Ia outou manatunatu i o outou ala.’+  “‘Ia ō aʻe i le mauga, ma ia outou aumai ni laau.+ Ia fausia le fale,+ ona ou fiafia lea i ai+ ma faamamaluina ai aʻu,’+ ua fetalai mai ai Ieova.”  “‘Ua outou saʻili i mea e tele ae ua itiiti mea ua maua;+ ua outou aumaia i fale, ma ou te feula i lea mea,+ aiseā?’+ o le fetalaiga lea a Ieova o ʻau. ‘Ona o loo faatafunaina loʻu fale, a ua taʻitasi outou ma tamomoʻe e faia le mea e lelei mo lona lava fale.+ 10  O le mea lea ua taofia ai e le lagi lona sau mai iā te outou, ua taofia foʻi e le laueleele ona fua.+ 11  Ua ou valaau pea mo le lāmala ia oo mai i luga o le laueleele ma luga o mauga, i luga o fatu ma luga o uaina fou,+ ma luga o le suāuu, ma luga o mea e tutupu i le eleele, ma luga o tagata, ma luga o manu lalata, ma luga o galuega uma a lima.’”+ 12  Ona faalogo ai lea o Serupapelu+ le atalii o Salatielu, o Iosua le atalii o Iosatako,+ le ositaulaga sili, ma ē uma ua totoe o le nuu i le siʻufofoga o Ieova lo latou Atua,+ ma upu a le perofeta o Hakai+ e pei ona auina mai o ia e Ieova lo latou Atua; ona matataʻu ai lea o le nuu ona o Ieova.+ 13  Ua toe faapea mai Hakai le avefeʻau+ a Ieova i le nuu e tusa ai ma le tofiga o le avefeʻau mai iā Ieova,+ e faapea: “‘Le nuu e, o loo oʻu faatasi ma outou,’+ ua fetalai mai ai Ieova.” 14  Ona faagaee lea e Ieova o le loto+ o Serupapelu le atalii o Salatielu, o le kovana o Iuta, ma le loto o Iosua+ le atalii o Iosatako, o le ositaulaga sili, ma le loto o ē ua totoe o le nuu; ona latou ō atu ai lea ma faia le galuega i le fale o Ieova o ʻau lo latou Atua.+ 15  O le aso lona lua sefulu fā lea o le masina lona ono, i le tausaga lona lua o le nofoaiga a le tupu o Tariu.+

Faamatalaga Pito i Lalo