Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Galuega 7:1-60

7  Ona fai mai lea o le ositaulaga sili: “Pe e moni ea nei mea?”  Ua ia faapea atu: “Alii e, uso, ma tamā, inā faalogo mai ia. Na faaali le Atua mamalu+ i lo tatou augātamā o Aperaamo, a o iai o ia i Mesopotamia, a o leʻi alu atu e nofo i Karana,+  na ia fetalai atu iā te ia, ‘Ia e tuua lou nuu ma lou aiga, ae alu atu i le nuu ou te faasino atu iā te oe.’+  Ona tuua lea e ia o le laueleele o Kaletaia a ua alu atu ma nofo i Karana. Ina ua mavae le oti o lona tamā,+ ona faatonuina lea o ia e le Atua e alu ese mai i inā, ae sau i lenei nuu, lea o loo outou nonofo ai nei.+  Ae peitaʻi, na te leʻi avatua iā te ia se tofi i inei, e oo lava i se mea* e tusa ma se tulaga vae,+ a ua ia folafola e avatu iā te ia le fanua+ atoa e nonofo ai ma lana fanau+ pe a mavae atu o ia, e ui lava e leʻi iai sana fanau.+  E lē gata i lea, na faapea foʻi ona fetalai le Atua, o le a aumau+ lana fanau i se nuu ese,+ ma o le a faapologaina i latou e na tagata ma faapuapuagatia i latou mo le fā selau tausaga.+  Ua fetalai mai le Atua, ‘Ou te faamasino+ i lenā nuu o le a nofo pologa ai i latou, ma pe a mavae nei mea, ona latou ō ese mai ai lea, ma tuuina mai iā te aʻu le auaunaga paia i lenei nuu.’+  “Na ia tuuina foʻi iā te ia se feagaiga o le peritomeina,*+ ona fanaua lea e ia o Isaako+ ma ua peritomeina i le aso lona valu,+ ua fanaua e Isaako o Iakopo, ma na avea foʻi Iakopo ma tamā o ulu o aiga+ e toʻasefulu lua.  Sa lotoleaga+ foʻi ulu o aiga iā Iosefa ma faatau atu ai o ia i Aikupito.+ Ae sa faatasi le Atua ma ia,+ 10  ma sa ia laveaʻiina o ia i ona puapuaga uma, ma tuuina atu iā te ia le mamalu ma le atamai i luma o Farao le tupu o Aikupito. Sa ia tofia o ia e pule i Aikupito, faapea ma lona aiga atoa.+ 11  Ae na oo le oge i Aikupito uma ma Kanana, faapea foʻi ma le puapuaga tele, e leʻi maua foʻi e o tatou augātamā ni meaʻai.+ 12  Peitaʻi na faalogo Iakopo o loo iai meaʻai i Aikupito,+ ona ia aauina atu lea o o tatou augātamā mo le taimi muamua.+ 13  Ae i le taimi lona lua, na faailoa atu ai Iosefa i ona uso;+ ma na oo ina iloa ai e Farao+ le aiga o Iosefa. 14  Ona aami lea e Iosefa o lona tamā o Iakopo ma lona ʻauaiga uma mai i Kanana,+ e tusa ma le toʻafitu sefulu lima tagata.*+ 15  Ona alu ifo lea o Iakopo i Aikupito.+ Na maliu ai o ia;+ faapea foʻi ma o tatou augātamā,+ 16  ma na aauina atu o latou tino i Sekema+ ma tuu ai i le tuugamau+ lea na faatau e Aperaamo i tupe siliva mai i atalii o Hamoro i Sekema.+ 17  “A o latalata mai le taimi e faataunuu ai le folafolaga na faalauiloa atu e le Atua iā Aperaamo, a ua tupu tele le nuu ma faatoʻateleina i Aikupito.+ 18  Ona tulaʻi mai lea o se isi tupu i Aikupito, o lē na te leʻi iloa Iosefa.+ 19  Na faia e ia ni togafiti leaga i o tatou tagata,+ ma na ia faia mea sesē i le faamalosia o tamā e lafoaʻi a latou tamameamea, ina neʻi ola i latou.+ 20  I lenā lava taimi, na fanau+ mai ai Mose, sa matuā aulelei+ o ia i le silafaga a le Atua. Sa tausia o ia mo le tolu masina i le aiga o lona tamā. 21  Ae ina ua lafoaʻia o ia, na maua o ia e le afafine o Farao, ma ave ma tausi iā te ia e pei o sana lava tama.+ 22  O lea, na aʻoaʻoina ai Mose i le atamai+ uma o Aikupito. O le mea moni, na malosi o ia i ana upu+ ma gaoioiga. 23  “Ina ua atoa le fā sefulu o ona tausaga, na manatu ai o ia e alu atu e vaai po o ā mai ona uso, le fanauga a Isaraelu.+ 24  Ina ua ia vaai atu i se tasi ua agaleagaina, ona ia puipui lea iā te ia ma taui atu i lē na agaleagaina i le fasiotia lea o le tagata Aikupito.+ 25  Sa manatu o ia, ua iloa e ona uso, e faaolaina i latou e le Atua e ala iā te ia,+ ae latou te leʻi iloa. 26  I le aso na sosoo ai, na ia maua atu ai tagata e toʻalua o tauaʻimisa, ma na ia taumafai e faalelei+ lo la va i le faapea atu: ‘Sole, o le ʻauuso oulua, aiseā ua lua feʻainaʻi ai?’+ 27  Ae na teena o ia e le tagata na faasauā i lona tuaoi ma faapea mai, ‘O ai na tofia oe e fai ma pule ma faamasino iā i maʻua?+ 28  Po ua e manaʻo ea e fasioti aʻu e pei ona e faia i le tagata Aikupito ananafi?’+ 29  O le tala lenā na sola ai loa Mose ma aumau i le nuu o Mitiana,+ o i inā na ia fanaua ai ni atalii se toʻalua.+ 30  “Ina ua atoa tausaga e fā sefulu, ona faaali mai lea o se agelu iā te ia i le toafa o le Mauga o Sinai i se laau tuitui na mū.+ 31  Ina ua vaaia e Mose lenei mea, ona matuā ofo ai lea o ia.+ Peitaʻi, a o faalatalata atu e fia vaai atili, ae ia faalogoina loa le siʻufofoga o Ieova o faapea mai, 32  ‘O aʻu o le Atua o o outou augātamā, o le Atua o Aperaamo, o Isaako ma Iakopo.’+ Na matuā gatete Mose, ma e leʻi toe manaʻo e fia iloa atili se mea. 33  Na fetalai mai Ieova iā te ia, ‘Ia aveese ou seevae mai i ou vae, auā e paia le eleele o loo e tū ai.+ 34  Ua ou iloa lelei le agaleagaina o loʻu nuu o loo i Aikupito,+ ma ua ou faalogo i lo latou ōi,+ ua ou alu ifo ai e laveaʻi iā i latou.+ O lea, inā sau ia, ou te auina atu oe i Aikupito.’+ 35  O Mose lenei na latou tuulafoaʻiina, ma faapea atu, ‘O ai na tofia oe e fai ma pule ma faamasino?’+ o le tagata lenei na auina mai+ e le Atua, e fai ma pule ma faaola, e ala i le agelu lea na faaali mai iā te ia i le laau tuitui. 36  O le tagata lenei na taʻitaʻia ese+ i latou ina ua uma ona faia o mea ofoofogia ma faailoga i Aikupito,+ ma le Sami Ulaula,+ ma le toafa i tausaga e fā sefulu.+ 37  “O Mose lenei na faapea atu i le fanauga a Isaraelu, ‘E tofia mo outou e le Atua se perofeta e pei o aʻu mai i o outou uso.’+ 38  O ia+ lenei na iai faatasi ma le faapotopotoga+ i le toafa, ma le agelu+ lea na tautala iā te ia i le Mauga o Sinai, faatasi ma o tatou augātamā, ma na ia maua afioga paia o loo ola+ e tuuina mai iā te outou. 39  Na mumusu o tatou augātamā e usiusitaʻi iā te ia, ma latou teena+ o ia, ma na toe liliu atu o latou loto i Aikupito.+ 40  Na latou faapea atu iā Arona, ‘Ia faia ni atua mo i tatou e taʻitaʻia i tatou. Auā o lenei Mose o lē na aumaia i tatou mai i le nuu o Aikupito, tatou te lē iloa po o le ā le mea ua tupu iā te ia.’+ 41  Ona latou faia lea o se tamaʻi povi i na aso,+ ma avatu i ai taulaga i le tupua, ma na fiafia foʻi i latou i galuega a o latou lima.+ 42  Ona liliuese lea o le Atua ma lafoaʻia+ i latou ina ia latou faia le auaunaga paia i ʻau o le lagi, e pei ona tusia i le tusi a perofeta,+ ‘Le aiga o Isaraelu e,+ po o aʻu ea na outou fasia ai manu ma osi atu i ai taulaga i tausaga e fā sefulu i le toafa? 43  A ua outou ave le faleʻie o Moloka+ ma le fetu+ o le atua o Refana, o faatusa na outou faia e tapuaʻi i ai. O lea ou te ave+ mamao ai outou i tala atu o Papelonia.’ 44  “Sa i o tatou augātamā le faleʻie* i le toafa, e pei ona ia poloaʻi mai ina ua fetalai mai iā Mose ia faia e tusa ma le ata na ia vaai i ai.+ 45  Na talia e o tatou augātamā ma Iosua+ le faleʻie, ma latou aumaia ai i le laueleele na nonofo ai tagata ese,+ o ē na tutuliesea e le Atua mai i luma o o tatou augātamā.+ Sa tumau pea e oo mai i aso o Tavita. 46  Na ia maua le finagalo malie+ o le Atua, ma talosaga atu mo le faaeaga o le saunia o se afioaga+ mo le Atua o Iakopo. 47  Ae peitaʻi, na fausia e Solomona se fale mo ia.+ 48  E ui i lea, e lē afio le Silisili Ese i ni fale e faia e lima,+ e pei ona fai mai ai le perofeta, 49  ‘Ua fetalai mai Ieova: O le lagi o loʻu nofoālii+ lea, a o le lalolagi o le mea lea e tū ai oʻu vae.+ O le ā le ituaiga o fale tou te faia mo aʻu? O fea foʻi se mea ou te mālōlō ai?+ 50  Pe e leʻi faia ea e oʻu lima nei mea uma?’+ 51  “O outou o tagata ua maaa ma ua lē peritomeina o outou loto+ ma taliga, ua outou teena pea le agaga paia, e pei ona faia e o outou augātamā, ua faapea foʻi ona outou faia.+ 52  O ai ea se perofeta e leʻi faasauā+ i ai o outou augātamā? Ioe, na latou fasiotia+ i latou na muaʻi folafolaina mai e uiga i le afio mai o Lē amiotonu,+ o lē na outou faalataina ma fasiotia,+ 53  ua outou maua foʻi le Tulafono na tuuina mai e ala i agelu,+ ae tou te leʻi tausia lava.” 54  O lea, ina ua faalogo i nei mea, ona matuā tigā ai lea o o latou loto+ ma lilivau+ o latou nifo iā te ia. 55  A ua tumu o ia i le agaga paia, ua tepa aʻe i le lagi, ma iloa atu ai le mamalu o le Atua, ma Iesu o loo tū i le itu taumatau+ o le Atua, 56  ma faapea atu: “Faauta! ua ou iloa atu ua avanoa+ le lagi ma le Atalii o le tagata+ o loo tū i le itu taumatau+ o le Atua.” 57  Ona latou feʻei lea ma leotetele, ua pupuni foʻi o latou taliga+ i o latou lima, ma taufetuli atu ma le lotogatasi iā te ia. 58  Ua latou lafo o ia i tua o le aai,+ ona fetogi lea iā te ia+ i maa. Ua tuu e ē na molimau+ o latou ofu tele i vae o se tauleʻaleʻa e igoa iā Saulo.+ 59  Ua latou fetogi atu pea maa iā Setefano a o ōle atu o ia ma faapea atu: “Le Alii e, Iesu, ia e talia mai loʻu agaga.”*+ 60  Ona ia tootuli lea ma alaga i se leo malosi: “Ieova e, aua e te tuuaʻia i latou+ i lenei agasala.” Ina ua mavae ona fai atu o nei upu, ona oti* ai lea o ia.

Faamatalaga Pito i Lalo

E faasino atu i le fanua aupito itiiti a se tagata.
O le peritome, o lona uiga e tipiese paʻu o totogasā o tama.
I le Tusi Paia Eleni e taʻua o le Septuagint, ua faaopoopo isi igoa e lima. Atonu o le māfuaaga lea ua taʻua ai e Setefano tagata e 75 ae lē o le 70.
I le gagana Eleni, “o le faleʻie e fai ma molimau.”
Tagaʻi i le Faaopoopoga e 5.
I le gagana Eleni, “ua moe o ia (i le oti).”