Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Galuega 26:1-32

26  Ona fai mai lea o Akeripa+ iā Paulo: “E tuu atu lava iā te oe e te tautala mai mo oe.” Ona faaloaloa+ atu lea o le lima o Paulo, ma tali atu:+  “Le Tupu e Akeripa, ua ou matuā fiafia ona o loo ou tali atu i ou luma i lenei aso, e tusa ma mea ua molia+ ai aʻu e tagata Iutaia,  aemaise lava ua e silafia lelei tū+ ma aganuu a tagata Iutaia, ma mataupu e fefinauaʻi ai. O le mea lea, ou te ʻaiʻoi atu ai ina ia e faafofoga mai iā te aʻu, ma ia e lava papale mai.  “O le mea moni, ua iloa e tagata Iutaia uma loʻu olaga+ mai lava a o oʻu talavou, ma laʻu amio na fai i loʻu nuu, ma Ierusalema mai i le amataga,  o i latou ua masani iā te aʻu i aso ua mavae, pe afai latou te fia molimau, sa avea aʻu o se Faresaio,+ o le lotu e sili ona faigatā.+  Peitaʻi ane, ua faamasinoina aʻu i le asō, ona o le faamoemoe+ i le folafolaga+ na faia e le Atua i o tatou augātamā;  o o tatou ituaiga e sefulu lua, o loo faamoemoe foʻi i latou i le faataunuuga o lenei folafolaga, i lo latou filigā i le auaunaga paia iā te ia i le ao ma le pō.+ Le tupu e, o le faamoemoe lea ua molia+ ai aʻu e tagata Iutaia.  “Aiseā ua faigatā ai ona outou talitonu ua faatūina e le Atua tagata mai i le oti?+  O aʻu foʻi, na ou manatu ifo e tatau ona ou faia le tele o mea e tetee atu ai i le igoa o Iesu le Nasareta; 10  o mea lava ia na ou faia i Ierusalema, na ou lokaina foʻi le toʻatele o le ʻaupaia i falepuipui,+ ina ua ou maua le pule mai i le ʻaufaitaulaga sili,+ ma sa ou lagolagoina foʻi le faasalaina o i latou i le oti. 11  Sa ou faasala soo foʻi i latou i sunako+ uma, ma ou taumafai e faamalosia i latou ia lafoaʻia lo latou faatuatua. Ae ona o loʻu ita tele iā i latou, na ou alu atu ai ma faasauā iā i latou e oo lava i isi aai. 12  “A o oʻu faia nei mea, na ou malaga atu ai i Tamaseko+ ma le pule ma le feʻau mai i le ʻaufaitaulaga sili, 13  ae le tupu e, o le tutonu o le lā, na ou iloa ai i le auala le susulu mai o le malamalama mai i le lagi, ua sili atu i le pupula o le lā, ma faataaliʻoliʻo iā te aʻu ma i latou na matou malaga faatasi.+ 14  Ina ua matou paʻuʻū i le eleele, ona ou faalogoina lea o se leo ua faapea mai iā te aʻu i le gagana Eperu, ‘Saulo, Saulo e, aiseā ua e faasauā mai ai iā te aʻu? O le mea e faigatā iā te oe ona e aa i tui.’+ 15  Ona ou fai atu lea, ‘Le Alii e, o ai ea oe?’ A ua fetalai mai le Alii, ‘O aʻu o Iesu, o lē ua e faasauā i ai.+ 16  Ae ia e tū ia i luga.+ O le mea lea ua ou faaali atu ai aʻu iā te oe, ina ia filifilia oe e fai ma auauna ma molimau+ i mea ua e vaai i ai, ma mea ou te faailoa atu iā te oe e uiga iā te aʻu; 17  a o oʻu laveaʻiina oe mai i nei tagata atoa foʻi ma nuu ese, ou te auina atu i ai oe+ 18  ina ia faapupula o latou mata,+ ia faaliliuina i latou mai i le pōuliuli+ i le malamalama,+ ma ia liliu mai foʻi i latou mai i le pule a Satani+ i le Atua, ina ia latou maua le faamagaloina o agasala,+ ma se tofi+ faatasi ma i latou ua faapaiaina,+ i lo latou faatuatua mai iā te aʻu.’ 19  “O lea la, le Tupu e, Akeripa, na ou usiusitaʻi i le faaaliga mai i le lagi,+ 20  ma na ou muaʻi talaʻi i tagata i Tamaseko,+ ma ē o i Ierusalema,+ ma le atunuu atoa o Iutaia, ma tagata o nuu ese,+ ma taʻu atu le feʻau e faapea, e tatau ona latou salamō ma liliu atu i le Atua, i le faia lea o galuega ua tatau mo le salamō.+ 21  Ona o nei mea, na puʻe ai aʻu e tagata Iutaia i le malumalu, ma taumafai e fasioti iā te aʻu.+ 22  Ae ona ua ou maua le fesoasoani+ mai i le Atua, ua faaauau ai ona ou molimau atu i lenei aso i tagata lautele ma tagata aloaʻia. Ae ou te talaʻia na o mea na fai mai ai le ʻau Perofeta+ ma Mose+ o le a taunuu, 23  e tigāina+ le Keriso, ma o ia foʻi o lē e muamua ona toetū+ mai i le oti, e folafola mai foʻi e ia le malamalama+ i lenei nuu faapea ma nuu ese.”+ 24  A o ia fai atu nei mea e tali atu ai, ona faapea mai ai lea o Feso ma le leotele: “Paulo, ua e valea!+ O le tele o lou suʻesuʻe ua e valea ai!” 25  Ae ua fai atu Paulo: “Lau Afioga e, Feso, ou te lē valea, ae ua ou tautala i le upu moni ma le mafaufau lelei. 26  O le mea moni, ua silafia lelei nei mea e le tupu, o lē o loo oʻu saʻoloto e tautala atu i ai; auā ua ou talitonu e leai se mea o nei mea na te leʻi silafia, auā e leʻi faia faalilolilo.+ 27  Le Tupu e, Akeripa, pe e te talitonu i le ʻau Perofeta? Ua ou iloa e te talitonu+ i ai.” 28  A ua faapea mai Akeripa iā Paulo: “Ua e manatu o se taimi puupuu e mafai ona e faaliliuina ai aʻu e avea ma Kerisiano.” 29  Ona faapea atu lea o Paulo: “Ou te ʻaiʻoi atu lava i le Atua, pe i se taimi puupuu po o se taimi umi, e lē na o oe, a o i latou uma o loo faalogologo mai iā te aʻu i le aso nei, ia avea foʻi i latou e pei o aʻu, ae ia lē saisaitia.” 30  Ua tulaʻi le tupu, faapea foʻi le kovana, ma Perenike, ma tagata na nonofo faatasi ma i latou. 31  A o latou savavali ese, ua faapea atu le tasi i le isi: “E leʻi faia e lenei tagata se mea e tatau i ai le oti+ po o le saisaitia.” 32  Ona fai atu lea o Akeripa iā Feso: “Ana lē tagi+ atu lenei tagata iā Kaisara, semanū ua faasaʻoloto o ia.”

Faamatalaga Pito i Lalo