Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Galuega 25:1-27

25  Ua mavae aso e tolu talu ona taunuu+ o Feso i lona itumalo, ona alu aʻe lea o ia i Ierusalema mai i Kaisareia;+  ua faailoa atu iā te ia e le ʻaufaitaulaga sili ma alii sili o Iutaia, faamatalaga+ e taʻusalaina ai Paulo. Ona latou ʻaiʻoi atu lea iā te ia,  ma faapele o ia ina ia auina atu lenei tagata e alu atu i Ierusalema, auā o loo lamalama+ i latou ina ia fasioti o ia i le auala.  A ua tali atu Feso e taofia pea Paulo i Kaisareia, ma ua toeitiiti ona ia alu atu lea i inā.  Ua ia faapea atu: “Ia ō ifo ni o outou tagata aloaʻia faatasi ma aʻu, ma molia o ia+ pe afai e iai se mea ua sala ai lenei tagata.”  Ua nofo o ia ma i latou pe na o le valu po o le sefulu aso, ona alu ifo lea i Kaisareia, ma ua nofo i le nofoa faamasino+ i le aso na sosoo ai, ma faatonu atu e aumai Paulo i ona luma.  Ina ua taunuu mai o ia, ona tutū faataamilo mai lea o tagata Iutaia na ō ifo mai i Ierusalema, ona latou tolaulau mai lea o le tele o moliaga matuiā+ ia e leʻi mafai ona latou faamaonia.  I lana tali atu, ua faapea atu ai Paulo: “Ou te leʻi agasala+ i le Tulafono a tagata Iutaia, po o le malumalu,+ po o Kaisara foʻi.”  A ua naunau Feso ina ia faafiafia+ tagata Iutaia, o lea ua ia tali mai ai iā Paulo: “Pe e te manaʻo e te alu aʻe i Ierusalema, e faamasinoina ai oe i oʻu luma, e faatatau i nei moliaga?”+ 10  A ua tali atu Paulo: “O loo ou tū nei i luma o le nofoa faamasino o Kaisara,+ i le mea e tatau ona faamasinoina ai aʻu. E leai se mea leaga ua ou faia i tagata Iutaia,+ e pei foʻi ona e silafia lelei. 11  Afai o aʻu moni o sē e fai mea sesē,+ ma ua ou faia se mea ua tatau i ai le oti, ou te lotomalie e oti.+ Ae afai e lē moni tuuaʻiga ua faia e nei tagata iā te aʻu, e lē mafai e se tasi ona tuuina atu aʻu ina ia faamalie ai i latou. Ou te tagi atu iā Kaisara!”+ 12  Ona talanoa atu lea o Feso i alii o le fono, ma ua faapea mai o ia: “Ona ua e tagi atu iā Kaisara; e te alu lava iā Kaisara.” 13  Ina ua mavae ni nai aso, ona taunuu ane lea o le asiasiga faapitoa a le tupu o Akeripa ma Perenike i Kaisareia iā Feso. 14  A o la nonofo ai i inā mo ni aso, ona faailoa atu lea e Feso i le tupu, o mataupu e uiga iā Paulo e faapea: “E iai le tasi tagata na saisaitia e Filiki, 15  ma a o oʻu iai i Ierusalema, na faamatala mai ai e le ʻaufaitaulaga sili ma le ʻautoeaina o Iutaia o mea+ e faatatau iā te ia, ma talosaga mai e faasalaina o ia. 16  Ae na ou tali atu iā i latou e faapea, e lē o se tū a tagata Roma le tuuina atu o se tagata e faamalie ai nisi, a o leʻi fesagaʻi lē ua molia ma ē ua molia+ o ia, ma maua ai se avanoa e tali atu ai i moliaga faasaga iā te ia. 17  Ina ua latou oo mai i inei, ou te leʻi faatuai, ae i le aso na sosoo ai na ou nofo ai i le nofoa faamasino ma faatonuina ina ia aami atu le tamāloa. 18  Ina ua tutulaʻi mai o ē ua molia o ia, latou te leʻi faaalia mai+ ni mea leaga ia na ou manatu i ai e faatatau iā te ia. 19  A ua na ona latou fefinauaʻi ma ia e faatatau i la latou tapuaʻiga+ i le atua, ma e faatatau i le tasi tagata o Iesu o lē ua oti, a ua faapea mai Paulo ua ola o ia.+ 20  Ua ou lē mautonu pe e faapefea ona faafoe o lenei finauga, ona ou fesili atu lea iā te ia pe e manaʻo e alu i Ierusalema, ma faamasinoina ai o ia i inā i nei mataupu.+ 21  Ae ina ua tagi+ mai Paulo e taofia pea o ia mo se faaiʻuga e fai e Lē e Mamalu, ona ou faatonuina lea e taofia pea o ia, seʻia ou auina atu o ia iā Kaisara.” 22  Ona fai mai lea o Akeripa iā Feso: “Ou te fia faalogo foʻi aʻu i lenā tagata.”+ Ona fai atu lea o ia: “E te faafofoga atu iā te ia a taeao.” 23  I le aso e sosoo ai, ua ō mai ai Akeripa ma Perenike ma le faaalialia tele,+ ma ua ulufale atu i le potu tele o le maota, faatasi ma alii e pule i ʻau, faapea foʻi ma alii aloaʻia o le aai, ma ina ua avatu e Feso le faatonuga, ona aumaia lea i totonu o Paulo. 24  Ua faapea atu Feso: “Le tupu e Akeripa, ma alii uma ua potopoto mai i inei, o loo outou tagatagaʻi atu i le tagata lenei, o lē ua talosaga mai ai tagata uma o Iutaia i Ierusalema ma i inei, ma alalaga mai ua lē tatau ona toe ola o ia.+ 25  A ua ou iloa e leai se mea ua faia e ia e tatau ai ona oti.+ O lea, ona ua tagi+ lenei tagata e auina atu o ia i Lē e Mamalu, ua ou manatu ai e auina atu o ia. 26  Ou te lē iloa se mea e uiga iā te ia ou te tusi atu ai i loʻu Alii. O lea ua ou aumaia ai o ia i o outou luma, aemaise lava oe Akeripa le tupu, ina ia ou maua se mea e tusi atu ai, pe a uma ona faamasinoina o ia.+ 27  I loʻu manatu, e lē talafeagai ona auina atu se pagota ae e lē faailoa atu mea ua molia ai o ia.”

Faamatalaga Pito i Lalo