Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Galuega 22:1-30

22  “Alii e, uso+ ma tamā, ia outou faafofoga mai i laʻu tali+ atu iā te outou.”  (Ina ua latou faalogo o loo talanoa atu o ia i le gagana+ Eperu, ona atili fifilemu ai lea o i latou, ae ua ia faapea atu:)  “O aʻu o le Iutaia,+ na ou fanau i Taso i Kilikia,+ ae na aʻoaʻoina aʻu e Kamalielu+ i le aai lenei, ina ia matuā tausi+ i le Tulafono a o tatou tamā, ma ua ou maelega+ foʻi i galuega a le Atua e pei lava o outou i lenei aso.  Na ou faasauā i lenei Ala e oo i le oti,+ na ou saisaia tane ma fafine ma tuuina atu i le falepuipui,+  e molimau foʻi i ai le ositaulaga sili ma toeaina+ uma o le fono. Na ou maua mai foʻi iā i latou tusi+ i uso i Tamaseko, ma na ou alu atu foʻi e aumai i latou o loo saisaia i Ierusalema ina ia faasalaina.  “Peitaʻi, a o oʻu malaga atu e latalata i Tamaseko pe tusa o le tutonu o le lā, ona faafuaseʻi lea ona susulu mai o se malamalama tele mai i le lagi iā te aʻu,+  ona ou paʻū lea i le eleele ma faalogoina se leo ua faapea mai iā te aʻu, ‘Saulo, Saulo e, aiseā ua e faasauā mai ai iā te aʻu?’+  Ona ou tali atu lea, ‘O ai ea oe le Alii e?’ Ua ia faapea mai iā te aʻu, ‘O aʻu o Iesu le Nasareta, o lē ua e faasauā i ai.’+  Ae e leʻi lagona* e tamāloloa ua matou faatasi+ le leo o lē ua tautala mai iā te aʻu,+ ae e na o le malamalama ua latou vaaia. 10  Ona ou faapea atu lea: ‘O le ā se mea ou te faia+ le Alii e?’ Ua fetalai mai le Alii iā te aʻu, ‘Tū ia i luga ma alu atu i Tamaseko, e faailoa atu iā te oe i inā mea uma e tatau ona e faia.’+ 11  Talu ai ua ou lē iloa se mea ona o le susulu malosi o le malamalama, ua ou taunuu ai i Tamaseko, e ala i le taʻitaʻiina o aʻu e i latou o ē sa matou faatasi.+ 12  “Ua iai se tasi tagata e igoa iā Anania, e mataʻu i le Atua ma tausi i le Tulafono, ua taʻuleleia+ o ia e tagata Iutaia uma o loo nonofo ai i inā, 13  ua sau o ia iā te aʻu ma tū i oʻu tafatafa, ua faapea mai, ‘Loʻu uso e, Saulo, ia e toe vaai!’+ I lenā lava taimi, ua ou tepa aʻe ai iā te ia. 14  A ua ia faapea mai, ‘Ua filifilia oe+ e le Atua o o tatou augātamā,+ ina ia e iloa lona finagalo ma vaai+ i Lē e amiotonu,+ ma faalogo i lona siʻufofoga,+ 15  auā e fai oe ma molimau iā te ia i tagata uma lava, e faatatau i mea ua e vaai ma faalogo i ai.+ 16  O lenei, aiseā e te faatuai ai? Inā tū ia i luga, ma ia papatisoina+ oe, ma ia faamamā+ ese au agasala i lou valaau i lona suafa.’+ 17  “Ina ua ou toe foʻi i Ierusalema+ ma tatalo i le malumalu, ua ou vaaia ai se faaaliga+ 18  ma iloa atu le Alii o loo fetalai mai iā te aʻu, ‘Ia e alu ese faatopetope mai i Ierusalema, auā latou te lē ioe+ i lau molimau iā te aʻu.’ 19  Ona ou fai atu lea, ‘Le Alii e, ua latou iloa lelei lava, sa ou tuuina atu o ē ua talitonu iā te oe+ i falepuipui,+ ma sasa i latou i lea sunako ma lea sunako; 20  ma ina ua faamasaaina le toto o Setefano+ lau molimau, na ou tū ai foʻi i inā ma sa ou lotomalie+ i ai. Na ou leoleoina ofu o i latou na fasiotia o ia.’ 21  A ua fetalai mai o ia iā te aʻu, ‘Inā alu ia, auā ou te auina atu oe i nuu mamao.’ ”+ 22  Ua latou faalogo atu pea iā te ia i lenei upu, ona latou alalaga lea ma faapea mai: “Inā fasioti ia lenei tagata, auā e lē tatau ona ola o ia!”+ 23  Talu ai ua latou feʻei ma lafo solo o latou ofu, ma asu aʻe i luga le pefu,+ 24  ona faatonu atu lea e le alii e pule i ʻau, e aumai o ia i nofoaga o fitafita, ma faapea atu ia sasaina i le taimi e suʻesuʻe ai o ia, ina ia iloa lelei ai le māfuaaga ua feʻei+ ai faapenei tagata iā te ia. 25  Ae ina ua latou saisaia o ia o le a sasa, ona fai atu lea o Paulo i le taʻitaʻiʻau o loo tū ai i inā: “Pe tusa ma le tulafono, lo outou sasaina o se tagata Roma+ ae e leai sana sala?” 26  Ina ua faalogo i ai le taʻitaʻiʻau, ona alu atu lea o ia i le alii e pule i ʻau ma faapea atu: “O le ā le mea o e manaʻo e fai? Vaai foʻi oe, o lenei tagata o se tagata Roma.” 27  Ona sau lea o le alii e pule i ʻau ma faapea mai iā te ia: “Seʻi e taʻu mai iā te aʻu po o oe o se tagata Roma?”+ Ua tali atu o ia: “O lea lava.” 28  Ona fai mai lea o le alii e pule i ʻau: “E tele aʻu tupe na alu e faatau mai ai loʻu sitiseni.” A ua fai atu Paulo: “Ae o aʻu, na ou fanau ai.”+ 29  Ona ō ese loa lea o tagata na tuu e suʻesuʻeina ma le sauā o ia; ma ua fefe foʻi le alii e pule i ʻau ina ua iloa o ia o se tagata Roma,+ ae ua ia saisaia o ia. 30  O lea, i le aso na sosoo ai, na ia tatalaina ai o ia ma faatonuina le ʻaufaitaulaga sili ma le Faamasinoga Sili e faapotopoto faatasi, ona o lona fia iloa o le māfuaaga tonu ua molia ai o ia e tagata Iutaia. Ona ia ave ifo lea o Paulo ma faatū o ia i o latou luma.+

Faamatalaga Pito i Lalo

Na latou faalogo ae e leʻi malamalama i le leo.