Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Filipi 2:1-30

2  O lenei, afai e iai se faalaeiauga mai iā Keriso,+ afai e iai se faamāfanafanaga ona o le alofa, afai e manatu mamafa le tasi i le isi,+ pe afai foʻi e iai le alofa faapelepele+ ma le alofa mutimutivale,  ia faaatoatoa loʻu olioli ona ua tutusa o outou mafaufauga,+ ma tutusa lo outou alofa, ma ia lotogatasi, ma ia manatunatu i le mea e tasi,+  ia aua lava neʻi faia se mea ma le finauvale+ ma le faasausili,+ ae ia faia ma le lotomaulalo, i le manatu ua sili isi+ iā te outou,  ia vaavaai ma le naunau e lē gata i au lava mea,+ ae i mea foʻi e lelei ai isi.+  Ia faaauau ona iā te outou le mafaufau o Keriso Iesu,+  o lē e ui ina sa foliga e pei o le Atua,+ ae e leʻi manatu o ia e faoa le pule, ina ia tutusa ai o ia ma le Atua.+  E leai, ae na tuua e ia o mea uma lava ma fai o ia ma pologa,+ ma avea ai o ia e pei o se tagata.+  E lē gata i lea, ina ua ia iloa o ia lava ua foliga o se tagata,+ ua ia faamaulalo iā te ia lava, ma iʻu ai ina usiusitaʻi e oo i le oti,+ ioe, o le oti lea i le laau na faapuapuagatia*+ ai o ia.  O le mea lea ua faaeaina ai foʻi o ia e le Atua i se tulaga e sili ona maualuga,+ ma avatu ma le agalelei iā te ia le suafa e sili i isi igoa uma,+ 10  ina ia tootutuli tulivae uma lava i le suafa o Iesu, o i latou o i le lagi, ma i latou o i le lalolagi, ma i latou o i lalo ifo o le eleele,+ 11  ma ia taʻutaʻu+ atu e laulaufaiva uma o Iesu Keriso o le Alii,+ ina ia faamamaluina ai le Atua le Tamā.+ 12  O le mea lea, aʻu pele e, e pei ona sa masani ona outou usiusitaʻi,+ e lē na o taimi na ou faatasi ai ma outou, ae ua sili atu i le taimi ua ou lē iai, ia faaauau ona outou galulue mo lo outou faaolataga, i le mataʻu+ ma le gatete; 13  auā o le Atua, o lē o loo galue i totonu iā te outou, e tusa ma lona finagalo malie,+ ina ia outou lotomalilie ma galulue i ai.+ 14  Ia outou faia mea uma lava e aunoa ma le muimui+ ma fefinauaʻiga,+ 15  ina ia lē taʻuleagaina+ outou ma ia mamā, o fanau+ a le Atua e lē ponā i le tupulaga faapiʻopiʻo ma le taufaasesē,+ lea ua outou susulu atu ai e pei o molī e faamalamalama aʻi le lalolagi,+ 16  ia taofimau i le upu o le ola,+ ina ia iai se mea ou te olioli ai i le aso o Keriso,+ ina neʻi iʻuvale laʻu tamoʻe ma laʻu galuega mamafa.+ 17  Ae e ui lava ua liligiina aʻu e pei o se taulaga i meainu,+ i luga o la outou auaunaga*+ lea ua outou faia ona o lo outou faatuatua,+ ua ou fiafia+ ma ou olioli faatasi ma outou uma. 18  O lea la, ia faapena foʻi ona outou fiafia ma olioli faatasi ma aʻu.+ 19  O aʻu foʻi, ua ou faamoemoe i le Alii o Iesu e vave auina atu Timoteo iā te outou, ina ia fiafia+ loʻu loto pe a ou iloa se tala e faatatau iā te outou. 20  Auā e lē o iā te aʻu se tasi e mafaufau lelei e pei o ia o lē e manatu mamafa+ iā te outou. 21  Ua saʻili e isi uma o latou lava lelei,+ ae lē o mea e faatatau iā Keriso Iesu. 22  A ua outou iloa le faamaoniga ua ia tuuina mai e faatatau iā te ia lava,+ i le pei o se atalii ma lona tamā, na ma pologa faatasi i le talaʻia o le tala lelei. 23  O lea la, o le tagata lenei o loo oʻu faamoemoe e auina atu pe a ou iloa le mea e tupu iā te aʻu. 24  O le mea moni, ua ou mautinoa, e lē o toe umi ona ou alu atu lea pe afai e finagalo i ai le Alii.+ 25  Ae peitaʻi, ua ou manatu e tatau ona auina atu iā te outou o Epaferoti,+ o loʻu uso ma o lē na ma galulue faatasi,+ ma o le uso a fitafita,+ a o la outou avefeʻau, ma o laʻu lava auauna e fesoasoani mai i oʻu manaʻoga, 26  talu ai ua naunau o ia e fia vaai iā te outou uma, ma ua mafatia o ia ona ua outou faalogo ua maʻi o ia. 27  O le mea moni, sa maʻi o ia ma na toetoe lava a oti; ae ua alofa mutimutivale+ le Atua iā te ia, e lē gata iā te ia ae faapea foʻi ma aʻu, ina neʻi oʻu faanoanoa ai ma atili ai ona ou faanoanoa. 28  O le mea lea, ou te matuā faavave ai ona auina atu o ia iā te outou, ina ia outou toe olioli pe a toe vāai iā te ia, ina ia aveesea ai foʻi loʻu faanoanoa. 29  Ia talia o ia ma le olioli, e pei ona masani ai ona outou taliaina soo o le Alii,+ ma ia faaauau ona faapelepele i tane faapena,+ 30  auā na toetoe a oti o ia ona o le galuega a le Alii, na lamatia+ ai lona ola ina ia fesoasoani mai iā te aʻu, auā e leʻi mafai ona outou fesoasoani mai.+

Faamatalaga Pito i Lalo

Fili 2:8 * Tagaʻi i le Faaopoopoga e 10.
Fili 2:17 *  Po o le “auaunaga i le lautele.”