Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Filipi 1:1-30

1  O i maʻua o Paulo ma Timoteo, o pologa+ a Keriso Iesu, o le tusi lenei i le ʻaupaia uma o loo autasi ma Keriso Iesu o ē o i Filipi,+ atoa ma ovasia ma auauna o le faiva:*+  Tau ina ia iā te outou le agalelei faifua ma le filemu mai i le Atua lo tatou Tamā, ma le Alii o Iesu Keriso.+   Ou te faafetai pea i loʻu Atua ona o mea uma ua ou manatua iā te outou+  i aʻu talosaga uma mo outou uma,+ a o oʻu ofo atu ma le olioli aʻu talosaga,  ona o le fesoasoani+ ua outou faia i le tala lelei mai lava i le uluaʻi aso seʻia oo mai i le asō.  Auā ua ou mautinoa i lenei mea, o lē na amataina le galuega lelei iā te outou, e na te faaiʻuina+ foʻi seʻia aulia le aso+ o Iesu Keriso.  Ua tatau foʻi iā te aʻu ona manatu i lenei mea e faatatau iā te outou uma, ona o le manatua pea o outou i loʻu loto,+ o outou uma o ē na tofusia faatasi+ ma aʻu i le agalelei faifua e lē gata i oʻu noanoataga,+ ae i loʻu tū*+ atu foʻi mo le tala lelei ma faamautū ai faaletulafono.+  Auā ua silafia e le Atua loʻu matuā naunau iā te outou ma le alofa faapelepele,+ e pei ona iā Keriso Iesu.  O le mea lenei ua faaauau ai ona ou tatalo, ina ia faatuputeleina+ lo outou alofa i le poto saʻo+ ma le faautaga loloto;+ 10  ina ia outou faamautinoa o mea e sili ona tāua,+ ina ia outou lē ponā+ ma ia lē tausuai+ ai isi e oo i le aso o Keriso, 11  ia faatumuina outou i fua o le amiotonu+ e ala iā Iesu Keriso, ina ia faamamaluina ma viia ai le Atua.+ 12  O lenei le ʻauuso e, ou te manaʻo ina ia outou iloa, o mea na tutupu iā te aʻu ua agaʻigaʻi ai i luma le tala lelei,+ ae e leʻi faalavelavea ai, 13  o le mea lea, ua iloa+ ai e Leoleo uma o le Emeperoa o Roma ma isi tagata uma oʻu noanoataga+ ona o Keriso;+ 14  ma ua lototetele ai foʻi le toʻatele o le ʻauuso ua auauna i le Alii ona o oʻu noanoataga, ua atili faamalolosi ai e tautatala atu ma le lē fefefe i le afioga a le Atua.+ 15  E moni, o nisi tagata ua latou talaʻia le Keriso ona o le matauʻa ma le faatautavā,+ a ua talaʻia e isi ona o le lelei o o latou loto.+ 16  O ē ua lelei o latou loto, ua latou folafola atu le Keriso ona o le alofa, auā ua latou iloa ua ou iai i nei, ina ia ou tū+ atu mo le tala lelei; 17  o ē o talaʻi ona o le matauʻa ma le faatautavā,+ ua latou faia ma le finauvale, ae e lē i se uunaʻiga lelei, auā ua latou manatu e faatupu puapuaga+ iā te aʻu i oʻu noanoataga. 18  O le ā le mea e tupu? E leai se mea, seʻi vaganā ai ua folafolaina+ atu le Keriso i auala uma, e tusa lava pe e faatagāfai+ pe e faia i le auala saʻo, ae o le mea lenei ou te olioli ai. O le mea moni, e faaauau pea ona ou olioli, 19  auā ua ou iloa o lenei mea e iʻu i loʻu faaolataga, ona o a outou talosaga+ ma le mauaina o le agaga o Iesu Keriso,+ 20  e tusa ma loʻu faatalitali ma le naunautaʻi,+ ma ou faamoemoe+ ina ia ou lē mā+ lava i se mea e tasi, ae ia ou saʻoloto e tautala atu,+ ina ia viia Keriso i le taimi nei e pei o le taimi ua teʻa e ala i loʻu nei tino,+ e tusa lava po o le ola po o le oti.+ 21  Auā o loʻu ola ua iā Keriso lea,+ a o loʻu oti+ o loʻu manuia lea. 22  Afai e faaauau ona ou ola i le tino, o le fua lenei o laʻu galuega,+ ae ou te lē faailoa atu po o lē fea mea ou te filifilia. 23  Ua ou faalētonu i nei mea e lua;+ ae ua ou naunau lava ina ia faasaʻoloto aʻu ma ia ma faatasi ma Keriso,+ auā e sili atu ona lelei o lenei mea.+ 24  Peitaʻi, e tatau lava ona ou tumau i le tino ona o outou.+ 25  O lea, i le mautinoa o lenei mea, ua ou iloa ai ou te tumau+ ma nonofo faatasi ai ma outou uma, mo lo outou agaʻigaʻi i luma+ ma le olioli ona o lo outou faatuatua, 26  ina ia faatuputeleina ai lo outou olioli iā Keriso Iesu ona o aʻu, e ala i loʻu toe faatasi ma outou. 27  Ia tusa a outou gaoioiga+ ma le tala lelei i le Keriso, ma pe a ou alu atu e feiloaʻi ma outou po ou te lē alu atu foʻi, ae ia ou faalogo i mea e faatatau iā te outou, ua outou tutū mausalī i le mafaufau e tasi ma le tino e tasi,+ a o galulue soosootauʻau mo le faatuatua i le tala lelei, 28  ma ia lē fefefe i ē o loo tetee mai iā te outou.+ O le mea tonu lenei e faamaonia ai lo latou faaumatiaga, ae o lo outou faaolataga;+ ma o le faailoga lenei mai le Atua, 29  auā ua tuuina atu iā te outou le faaeaga ona o Keriso, e lē gata ina ia outou faatuatua ai iā te ia,+ ae ia puapuagatia+ foʻi ona o ia. 30  Auā ua outou tauivi e pei o aʻu,+ lea na outou vāai mai i ai ma faalogo i ai.+

Faamatalaga Pito i Lalo

Fili 1:1 * Po o “tiakono.” E mai le upu Eleni di·a′ko·nos.
Fili 1:7 * Na tū atu o ia i le faamasinoga.