Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Failauga 9:1-18

9  Na ou manatunatu i nei mea uma i loʻu loto, na ou suʻesuʻe foʻi i nei mea uma,+ ua i aao o le Atua moni o ē ua amiotonu ma ē ua atamamai atoa ma a latou galuega.+ Ua lē iloa foʻi e tagata le alofa po o le ʻinoʻino na iai a o leʻi iai i latou.+  E tutusa le mea e tupu iā i latou uma.+ E tasi le iʻuga+ e oo i le tagata amiotonu+ ma le tagata amioleaga,+ o le tagata lelei ma le tagata mamā ma le tagata e lē mamā, o lē na te faia taulaga ma lē na te lē faia taulaga. E tutusa le tagata lelei ma le tagata agasala;+ e tutusa foʻi le tagata e tautō e aunoa ma le mafaufau ma lē e fefe i se tautoga.+  O le mea lenei ua fai ma mala i mea uma ua faia i lalo o le lā, talu ai e tasi le iʻuga o i latou uma,+ ua tumu ai loto o le fanau a tagata i mea leaga;+ ua iai foʻi le valea+ i o latou loto i aso uma o o latou olaga, ae e mulimuli ane ua latou ō atu i ē ua feoti!+  Auā ua iai le faamoemoe i lē ua faatasi ma ē o loo ola, auā e sili le taʻifau+ ua ola nai lo o le leona ua mate.+  Auā o ē ua ola ua latou iloa e oti i latou; a o ē ua oti,+ latou te lē iloa se mea,+ ua lē toe maua foʻi e i latou se totogi, auā ua faagalogaloina mea uma e manatua ai i latou.+  Ua mavae atu lo latou alofa, o lo latou ita ma lo latou lotoleaga, e lē toe iai lava+ sa latou vaega i so o se mea e faia i lalo o le lā.+  Inā alu ia ma ʻai lau meaʻai ma le olioli ma inu lau uaina ma le lotofiafia,+ auā ua finagalo malie le Atua moni i au galuega.+  Ia papaʻe+ ou ofu i taimi uma, ma ia lē aunoa le uu i lou ulu.+  Ia e olioli i lou ola faatasi ma le avā ua e alofa+ i ai, i aso uma o lou olaga faatauvaa, ia ua tuuina mai e Ia iā te oe i lalo o le lā, o ou aso faatauvaa uma, auā o lou taui lea i le olaga,+ ma au galuega mamafa ua e galue mamafa ai i lalo o le lā. 10  O mea uma ua e iloa e faia e ou lima, inā faia ia ma lou malosi,+ auā e leai se galuega, po o ni fuafuaga, po o le poto,+ po o le atamai+ i le Tuugamau*+ o loo e alu atu i ai.+ 11  Na ou toe manatunatu foʻi i lalo o le lā, e lē manumalo pea i le tausinioga+ o ē e saosaoa, pe e manumalo ē e malolosi i le taua,+ pe e iai foʻi i ē e atamamai meaʻai,+ pe e maua e ē ua malamalama le tamaoaiga,+ pe e aloaʻia foʻi i latou ua popoto;+ auā e tutupu faafuaseʻi mea iā i latou uma i le taimi e leʻi faatalitalia.+ 12  Auā e lē iloa e le tagata+ lona taimi.+ E pei o iʻa ua maua i se upega e mate ai,+ e pei foʻi o manulele ua maileia i se mailei,+ e faapea foʻi ona maileia le fanau a tagata i se vaitaimi e malaia ai,+ pe a tupu faafuaseʻi iā i latou.+ 13  Na ou iloa foʻi i lalo o le lā ua iai le atamai e sili ona lelei i loʻu manatu: 14  Na iai se aai laʻitiiti, ma e toʻalaiti ni tane na iai; na alu atu i ai se tupu malosi ma siʻomia ma fausia ni puipui tetele e fai ai le taua.+ 15  Na iai foʻi i le aai se tamāloa e mativa ae e atamai, na ia saunia i lona atamai se auala e sao ai le aai.+ A ua leai se tasi e na te manatuaina lea tamāloa mativa.+ 16  Ua ou faapea ifo: “E sili ona lelei o le atamai nai lo o le malosi;+ peitaʻi e inosia le atamai o le tagata mativa, ma e lē faalogo se tasi i ana upu.”+ 17  E sili ona lagonaina upu filemu a tagata atamamai,+ nai lo o le alaga a lē o loo pule i tagata vālea.+ 18  E sili ona lelei le atamai nai lo o meafaigaluega e tau ai, ma e tele mea lelei e faaleagaina e le tagata agasala.+

Faamatalaga Pito i Lalo

Po o “Seoli,” e mai le upu Eperu sheʼohl′. Tagaʻi i le Faaopoopoga e 6.