Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Failauga 8:1-17

8  O ai se tasi e pei o le tagata atamai?+ O ai sē ua iloa le faamatalaga o se mataupu?+ O le atamai o le tagata e māfua ai ona malamalama ona mata, e oo foʻi i ona mata paū ua suia i le lelei.+  Ua ou faapea atu: “Ia tausia le faatonuga a le tupu,+ ma ia faia faapea ona o le tautoga i le Atua.+  Aua e te faavave ona e alu ese mai i ona luma.+ Aua neʻi e aafia i ni mea leaga.+ Auā o mea uma e finagalo i ai o ia o le a ia faia,+  auā ua iai le pule i le malelega a le tupu;+ ma o ai sē e mafai ona fai atu iā te ia: ‘O le ā le mea o loo e faia?’ ”  O lē e tausi i le poloaʻiga o le a lē iloa e ia se mala,+ ma e iloa e le loto ua atamai le taimi talafeagai ma le faamasinoga.+  Ua iai le taimi talafeagai ma le faamasinoga mo mea fai uma lava+ auā ua anoanoaʻi mala ua i le fanau a tagata.+  E leai se tasi e iloa le mea o le a tupu,+ auā o ai sē e mafai ona ia taʻu atu iā te ia pe faapefea ona tupu lea mea?  E leai se tagata e iai le pule i le malosi o le ola* e taofia ai le malosi o le ola;+ e leai foʻi se pule i le aso e oti ai;+ pe e saʻoloto mai i le taua.+ E lē sao mai ai ē o loo faia le amioleaga.+  Ua ou vaaia ia mea uma ma ua faasaga loʻu loto i galuega uma ua faia i lalo o le lā, o le taimi foʻi lea ua pule ai le tagata i le isi tagata ma ua matuā afāina ai o ia.+ 10  Ae e ui i ia mea, na ou vaai i le tanuina o tagata leaga,+ na ou vaai foʻi i lo latou ō mai ma lo latou ō ese atu i le mea paia,+ ma ua faagaloina i latou i le aai lea na latou amio faapea ai.+ O le mea faatauvaa foʻi lea. 11  Talu ai e lē vave ona faaoo le faasalaga i le galuega leaga, o le mea lea ua matuā maumauaʻi+ ai loto o le fanau a tagata e faia mea leaga.+ 12  E ui ina faaselau ona fai o le mea leaga e le tagata agasala,+ ma umi lona ola ma fai le mea e loto i ai, ae ua ou iloa lava e iʻu ina manuia i latou e matataʻu i le Atua moni,+ auā ua latou matataʻu iā te ia.+ 13  Ae e lē iʻu i se manuia le tagata amioleaga,+ e lē umi foʻi ona aso ia ua pei o se ata lafoia,+ auā ua lē mataʻu o ia i le Atua.+ 14  Ua iai le mea faatauvaa ua tupu i le lalolagi, ua iai tagata amiotonu ua oo i ai mea e ao ona oo i tagata amioleaga ona o a latou galuega,+ ua iai foʻi tagata amioleaga ua oo i ai mea e ao ona oo i tagata amiotonu ona o a latou galuega.+ Ua ou faapea ane, o le mea faatauvaa foʻi lea. 15  Ua ou viia le olioli+ auā e leai se isi mea e sili atu i lalo o le lā mo tagata ona fai, nai lo o le aai ma feinu ma olioli, ma e ao ona iai pea lea mea i a latou galuega mamafa i aso uma o o latou olaga,+ ia ua tuuina mai e le Atua moni iā i latou i lalo o le lā.+ 16  E tusa ai ma lea mea na faasaga atu loʻu loto+ ina ia iloa le atamai ma iloa galuega o loo faia i le lalolagi,+ auā ua iai se tasi e lē iloa sina moe i ona mata i le ao ma le pō.+ 17  Na ou vaai i galuega uma a le Atua moni,+ ma iloa ai e lē mafai e tagata ona iloa galuega ua faia i lalo o le lā;+ e tusa lava pe galulue mamafa tagata ina ia suʻesuʻe i ai, ae e latou te lē iloaina.+ E tusa foʻi pe latou te fai mai ua lava lo latou atamai e iloa ai ia mea,+ e lē mafai lava ona latou iloa.+

Faamatalaga Pito i Lalo

I le gagana Eperu, “o le agaga.”