Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Failauga 7:1-29

7  E sili le igoa lelei nai lo o le suāuu lelei,+ e sili foʻi le aso e oti ai nai lo o le aso e fanau mai ai.+  E sili le alu i le fale o iai le faavauvau nai lo o le alu i le fale o fai ai le faigaʻai,+ auā o le iʻuga lea o tagata uma; ma o lē o loo ola e ao ona manatunatu i ai lona loto.  E sili le lototigā nai lo o le ʻataʻata,+ auā o foliga lē fiafia e lelei ai le loto.+  O le loto o ē e atamamai ua i le fale o iai le faavauvau,+ a o le loto o ē e vālea ua i le fale o iai le fiafia.+  E sili ona faalogo i le aʻoaʻiga malosi a se tasi e atamai,+ nai lo o le tagata e faalogo i le pese a ē e valelea.+  Auā e pei o le gāpāpā o vaotuitui o loo mumū i lalo o le ulo, e faapena le ʻata a le tagata valea;+ ma o le mea faatauvaa foʻi lea.  Auā o sauāga e mafai ona amio ai e pei o se vale le tagata atamai,+ ma o se meaalofa+ e mafai ona ʻolegia ai le loto.+  E sili ona lelei le faaiʻuga o se mataupu nai lo o lona amataga.+ E sili le tagata e onosaʻi nai lo o le tagata e iai le agaga faualuga.+  Aua neʻi vave ona tigā lou loto,+ auā o ē e vālea o i latou ia e tigā o latou loto.+ 10  Aua le faapea ane: “Aiseā ua sili ai ona lelei aso ua mavae nai lo o nei aso?”+ auā e lē o le atamai+ ua e fesili ai i lenei mea. 11  E lelei le atamai faatasi ma le tofi, ma e aogā iā i latou o loo vāai i le lā.+ 12  Auā ua fai le atamai ma puipuiga,+ ua fai foʻi tupe ma puipuiga;+ a o le aogā o le poto atoa ai ma le atamai, e faaolaina ai i latou ua mauaina.+ 13  Ia vaai i le galuega+ a le Atua moni, auā o ai e mafai ona toe faasaʻoina mea ua faapiʻoina e ia?+ 14  Ia e olioli i le aso lelei,+ o le aso malaia foʻi, ia e iloa ua faia e le Atua moni lea aso e pei o le isi aso,+ ina ia lē mautinoa ai e tagata mea o le a tutupu pe a mavae atu i latou.+ 15  Na ou vaai i mea uma i oʻu aso faatauvaa.+ Ua iai le tagata amiotonu ua oti i lana amiotonu,+ ma ua iai le tagata amioleaga ua loa ona ola i lana amioga leaga.+ 16  Aua e te amiotonu naʻuā+ pe faaalialia le tele o lou atamai.+ Aiseā e te faapogaia ai le faafanoina o oe lava?+ 17  Aua e te amioleaga naʻuā+ pe valea foʻi.+ Aiseā o le a e oti ai a o leʻi taitai lou olaga?+ 18  E sili ona lelei ona e tausi i lenei faatonuga e aunoa ma le lafoaʻia o le isi;+ auā o lē e mataʻu i le Atua e sao o ia mai i ia mea uma.+ 19  O le atamai e atili ai ona malosi le tagata atamai, nai lo o taʻitaʻi malolosi e toʻasefulu ua iai i le aai.+ 20  Auā e leai se tagata e amiotonu i le lalolagi e na te faia pea le mea lelei ma e lē agasala.+ 21  Aua e te manatu mamafa i upu uma e tautatala ai tagata,+ neʻi e faalogo o loo faia e lau auauna ni tala leaga e faatatau iā te oe.+ 22  Auā ua iloa lelei e lou loto e oo foʻi iā te oe, e atulasi ona e faia ni tala leaga e faatatau i isi.+ 23  Ua ou tofotofo ma le atamai i ia mea uma. Ua ou faapea ane: “O le a ou atamai.” Ae ua mamao le atamai mai iā te aʻu.+ 24  Po o le ā lava le mea ua tupu e mamao lava ma matuā loloto. O ai se tasi na te mafai ona iloaina?+ 25  Na ou liliu ma faasaga loʻu loto+ ina ia iloa, ia suʻesuʻe ma saʻili i le atamai+ ma le uiga o mea,+ ma iloa e faatatau i le leaga o le valea ma le faavalevalea o amioga valea;+ 26  ma ua ou iloa ai: E sili ona tigā i lo o le oti,+ o le fafine ua fai ma upega tulimanu, o lona loto foʻi o ni upega toso ma o ona lima o noanoataga ia.+ Afai e sao se tasi mai iā te ia, o ia lea e lelei i luma o le Atua moni, ae afai e puʻea se tasi e le fafine e agasala o ia.+ 27  Ua faapea mai le failauga:+ “Vaai! Ua ou suʻesuʻeina lea mea ma lea mea, ina ia ou maua le faaiʻuga,+ 28  lea ou te saʻilia pea, ae ou te leʻi mauaina. Ua ou maua le tane amiotonu e toʻatasi mai i tane e toʻaafe,+ ae ou te leʻi maua se fafine amiotonu mai i fafine e toʻaafe.+ 29  Vaai! E na o le pau le mea ua ou iloaina, na faia e le Atua moni tagata ina ia amiotonu,+ ae o i latou lava ua latou faia le tele o fuafuaga eseese.”+

Faamatalaga Pito i Lalo