Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Failauga 4:1-16

4  Ua ou toe manatunatu ina ia ou iloa gaoioiga sauā+ uma o loo faia i lalo o le lā, faauta foʻi! o loimata o ē o loo sauāina+ ae ua leai se tasi e faamāfanafana+ iā i latou; ma ua iai le pule i lima o ē e sauā iā i latou, ua leai ai se tasi e faamāfanafana iā i latou.  Ua ou iloa e sili atu ona manuia ē ua oti nai lo o ē o loo ola.+  E sili atu iā i latou na o lē e leʻi fanau mai,+ o lē e leʻi vaai i galuega tigā ua faia i lalo o le lā.+  O aʻu, ua ou vaai lava i galuega mamafa ma galuega uma ua faia i le tomai,+ ma e aofia ai le faatavā o le tasi i le isi;+ o le mea faatauvaa foʻi lea, ma le ʻai a le matagi.  O le tagata valea, ua piilima+ ma ʻai e ia lona lava tino.+  E sili le luuga e tasi o le mālōlō, nai lo o luuga e lua o galuega mamafa ma le ʻai a le matagi.+  Ona ou toe manatunatu ai lea i mea faatauvaa i lalo o le lā:  E iai le tasi a ua leai le isi e la te toʻalua;+ e leai foʻi sona atalii po o sona uso,+ ae e lē uma lana galuega mamafa. E lē faamalieina ona mata i le tamaoaiga,+ ona ia fesili ane lea: “Ou te galue mamafa ea mo ai ma faapogaia ai aʻu e lē maua ni mea lelei?”+ O le mea faatauvaa foʻi lea, ma o le galuega e māfua ai le tigā.+  E sili ona lelei o le toʻalua nai lo o le toʻatasi,+ auā ua iā te i laʻua le taui lelei o la laʻua galuega mamafa.+ 10  Auā afai e paʻū le tasi, e toe faatūina o ia e lē la te toʻalua.+ Ae faapefea la pe afai e paʻū le tasi ae e leai se isi e toe faatūina o ia?+ 11  E lē gata i lea, afai e taooto faatasi le toʻalua, o le a māfanafana i laʻua; ae e faapefea ona māfanafana pe afai e na o le toʻatasi?+ 12  Afai e manumalo se tasi i le tagata e toʻatasi, e mafai e le toʻalua ona tetee atu iā te ia.+ O le maea sautuatolu e lē vave motusia. 13  E sili ona lelei o se tamaitiiti mativa ae e atamai,+ nai lo o le tupu e toeaina ae e valea,+ e lē lava lona poto e amanaʻia ai lapataʻiga.+ 14  Auā ua alu ese o ia mai i le falepuipui ina ia fai ma tupu,+ e ui lava na mativa o ia ina ua fanau mai i lea malo.+ 15  Na ou vaai iā i latou uma o ē o loo fesavaliaʻi i lalo o le lā, ma le tamaitiiti, o lē e sosoo ma e sui o ia i le tupu.+ 16  E lē masino le vao o tagata uma, ma e ui ina pulea e ia i latou uma,+ ae e mulimuli ane o le a lē toe olioli i latou iā te ia,+ o le mea faatauvaa foʻi lea, ma le ʻai a le matagi.+

Faamatalaga Pito i Lalo