Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Failauga 11:1-10

11  Inā lafo atu ia lau falaoa*+ i luga o vai,+ auā e toe maua mai pe a mavae aso e tele.+  Ia avatu mea i le toʻafitu e oo foʻi i le toʻavalu,+ auā e te lē iloa po o ā mala o le a tutupu i le lalolagi.+  Afai e tumu ao i le vai, e matuā maligi timuga i luga o le eleele;+ afai e paʻū se laau+ i le itu i saute po o le itu i mātū, o le mea e paʻū i ai le laau o i inā e taatia ai.  O lē e matamata i le matagi e lē lūlū fatu o ia; o lē foʻi e vaavaai i ao e lē selesele lava o ia.+  E pei ona e lē iloa le auala e gaoioi ai le agaga i ponaivi i le manava o lē ua maʻitō,+ e faapena foʻi ona e lē iloa galuega a le Atua moni, o lē na te faia mea uma lava.+  Ia e lūlū fatu i le taeao ma aua neʻi mālōlō lou lima seʻia oo i le afiafi;+ auā e te lē iloa po o lē fea e taulau manuia,+ a lē o i inei po o i inā, pe tutusa ona lelei o ia mea e lua.  E lelei foʻi le malamalama ma e fiafia mata e vaai i le lā;+  auā afai e soifua le tagata mo le tele o tausaga, ia olioli o ia i ia tausaga uma.+ Ia manatua e ia aso o le pōuliuli,+ e ui ina tele; o aso uma foʻi e oo mai e faatauvaa ia.+  Le tauleʻaleʻa e, inā olioli+ ia i lou talavou, ma ia fiafia lou loto i aso uma o lou tauleʻaleʻa, ia e savali i le ala o lou loto ma mea ua vaai i ai ou mata.+ Ae ia e iloa o le a faamasinoina oe e le Atua moni ona o ia mea uma.+ 10  Inā faateʻa ese ia mai i lou loto o mea e te tigā ai, ma puipuia lou tino mai i mala;+ auā o lou talavou ma lou tauleʻaleʻa e faatauvaa ia.+

Faamatalaga Pito i Lalo

I le gagana Eperu, “o le falaoa manifinifi lapotopoto e mafai ona opeopea mo se taimi.”