Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Failauga 1:1-18

1  O upu a le failauga*+ o le atalii o Tavita, o le tupu o Ierusalema.+  Ua faapea mai le failauga, “E matuā faatauvaa lava!+ e matuā faatauvaa lava! E faatauvaa mea uma!”+  O le ā le aogā o galuega uma a se tagata e galue+ malosi ai i lalo o le lā?+  E mavae atu le tasi tupulaga+ ae e sau le isi tupulaga;+ a o le lalolagi e tumau lea e faavavau.+  Ua oso aʻe foʻi le lā ma toe goto atu,+ ma faataalise atu i le mea e oso aʻe ai.+  Ua alu atu le matagi i saute ma toe taamilo mai i le itu i mātū.+ Ua faataamilo ma faataamilo pea,+ ma ua toe foʻi le matagi i lona faataamilosaga.+  E tatafe vaitafe*+ uma agaʻi i le sami,+ ae e lē tumu ai le sami.+ O le mea e tafe atu ai vaitafe, e toe foʻi mai i ai ina ia toe tafe atu ai.+  Ua fai mea uma ma avega mamafa;+ e leai se tasi e mafai ona faamatalaina. Ua lē faamalieina mata e vaai,+ e lē tutumu foʻi taliga i le faalogo.+  O le mea ua uma ona tupu, o le mea foʻi lea e toe tupu;+ o le mea ua uma ona faia, o le mea foʻi lea e toe faia; o lea la, e leai se mea fou i lalo o le lā.+ 10  Pe e iai ea se mea e mafai ai ona faapea ane se tasi: “Vaai i lenei mea; o se mea fou”? Ua leva ona iai;+ o le mea ua iai e mai i aso ua mavae a o leʻi iai i tatou.+ 11  E lē manatuaina i latou na soifua i taimi ua mavae, e lē manatua foʻi ē o le a mulimuli mai.+ E lē manatuaina i latou e i latou o le a feola i se isi taimi i le lumanaʻi.+ 12  O aʻu, o le failauga* ua fai aʻu ma tupu iā Isaraelu i Ierusalema.+ 13  Ua faasaga loʻu loto e saʻili ma suʻesuʻe le atamai+ e faatatau i mea uma lava ua faia i lalo o le lagi, o le galuega ua māfua ai tigā ua tuuina mai e le Atua i le fanau a tagata ina ia tele ai a latou mea e fai.+ 14  Ua ou vaai i galuega uma ua faia i lalo o le lā,+ faauta foʻi! e faatauvaa mea uma ma le ʻai a le matagi.+ 15  O le mea ua faapiʻoina e lē mafai ona faasaʻoina,+ e lē mafai ona faitauina mea e lē o iai. 16  O aʻu, na ou faapea ifo i loʻu loto:+ “Faauta! ua matuā tele loʻu atamai ua sili atu i so o se tasi na muamua iā te aʻu i Ierusalema,+ ua maua foʻi e loʻu loto le tele o le atamai atoa ma le poto.”+ 17  Ua ou tuuina atu foʻi loʻu loto ina ia iloa le atamai ma iloa le faalialiavale,+ ma ua ou iloa amioga faavalevalea,+ o ia mea foʻi o le ʻai a le matagi.+ 18  Auā o le tele o le atamai o le tele foʻi lenā o le lototigā,+ o lea o lē e na te faateleina lona poto, e na te faateleina ai foʻi le tigā.+

Faamatalaga Pito i Lalo

Po o “lē faapotopotoina.”
I le gagana Eperu, “O vai e tatafe malolosi i le tau mālūlū.”
Po o “lē faapotopotoina.”