Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 9:1-18

9  Ua fausia e le atamai+ moni lona fale;+ ua ia tā foʻi ona poutū e fitu.  Ua faatulagaina foʻi le fasia o ana manu; ua sui le uaina; e lē gata i lea, ua teu foʻi lona laulau.+  Ua aauina atu foʻi ana auauna teine, ina ia valaau atu mai i mea maualuluga o le aai:  “O se tasi e leai se poto masani, ia afe mai i inei.”+ O lē ua leai sona mafaufau,+ ua faapea atu le fafine iā te ia:  “Ō mai ia e aai i laʻu falaoa ma feinu i le uaina na ou suia.+  Ia tuu ai pea ē ua leai se poto masani ma ia ola pea,+ ia savavali saʻo i le ala o le malamalama.”+  O lē e faasaʻo i le tagata tauemu, e oo iā te ia le faalumaina,+ ma o lē e aʻoaʻi i lē e amioleaga, e oo iā te ia le mā.+  Aua e te faasaʻo i le tagata tauemu, ina neʻi ʻinoʻino o ia iā te oe.+ Ia aʻoaʻi i le tagata atamai ona alofa lea o ia iā te oe.+  Ia avatu faatonuga i le tagata atamai, e atili atamai ai o ia.+ Ia avatu le poto i lē e amiotonu, e tupu ai pea lona poto. 10  O le mataʻu iā Ieova, o le amataga lea o le atamai,+ ma o le poto i Lē e Sili Ona Paia, o le malamalama lea.+ 11  O le a faateleina ou aso ona o aʻu,+ ma e faaopoopoina foʻi tausaga i lou olaga.+ 12  Afai ua e atamai, ua e atamai mo oe lava;+ afai foʻi ua e tauemu, e na o oe lava e tigā ai.+ 13  O le fafine valea e malomaloā.+ Ua faavalevalea lava o ia ma ua matuā lē iloa lava se mea.+ 14  Ua nofo o ia i luma o le faitotoʻa o lona fale, i se nofoa, i mea maualuluga o le aai,+ 15  ina ia valaau atu iā i latou e ui ane i le ala, o i latou o ē e savavali saʻo i o latou ala:+ 16  “O se tasi e leai se poto masani, ia afe mai i inei.”+ O lē ua leai sona mafaufau,+ ua faapea atu le fafine iā te ia: 17  “E suamalie vai ua gaoia,+ ma e manaia le tofo o se falaoa e ʻai faalilolilo.”+ 18  A ua lē iloa e ia o loo i na mea i latou ua oti, o i latou ua ia valaau e ō atu, ua iai i mea maualalalo o le Tuugamau.*+

Faamatalaga Pito i Lalo

Tagaʻi i le Faaopoopoga e 6.