Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 8:1-36

8  Pe e lē o alaga ea le atamai,+ ma leotele mai pea le faautaga loloto?+  Ua tū ai i le tumutumu o mea maualuluga,+ i tafatafa ane o le ala, i fetaulaʻiga o auala.  I autafa o faitotoʻa, i le gutu o le aai, i le mea e ui atu i le faitotoʻa o le aai,+ o loo alaga leotele atu pea le atamai:+  “Tagata e, ua ou valaau atu iā te outou, ma ua ou tautala atu i le fanau a tagata.+  O outou ua leai se poto masani, ia malamalama i le utaga mamao;+ o outou foʻi ua vālea, ia loto matala.+  Ia faalogo, auā ua ou tautala atu i mea e sili ona tāua,+ ma e tautala oʻu laugutu i le mea ua tonu.+  Auā e tautala loʻu gutu i le upu moni i se leo lemū;+ ma o le amioleaga o se mea lea e inosia e oʻu laugutu.+  O upu a loʻu gutu e amiotonu ia.+ E lē o iai se upu e faaʻoleʻole pe e faapiʻopiʻo.+  E saʻo uma ia upu i lē ua iai le faautaga loloto, ma e tonu foʻi i ē ua maua le poto.+ 10  Ia outou talia laʻu aʻoaʻo atu ae e lē o le siliva, ma le poto nai lo o le auro e sili ona lelei.+ 11  Auā e sili le atamai nai lo o maa tāua,*+ o isi mea uma foʻi e faafiafia ai e lē mafai ona tutusa ma lea mea.+ 12  “O aʻu o le atamai, ua ou mau faatasi ma le utaga mamao,+ ma ua iā te aʻu foʻi le poto e mafaufau lelei ai.+ 13  O le mataʻu iā Ieova o le ʻinoʻino lea i le leaga.+ O le fia sili, ma le faamaualuga,+ ma le ala leaga, ma le gutu faapiʻopiʻo,+ ou te ʻinoʻino i ai. 14  Ua iā te aʻu le fautuaga+ ma le atamai aogā.+ Ua ou maua le malamalama;+ ua iā te aʻu foʻi le mana.+ 15  Ona o aʻu, e pule ai pea tupu, ma o loo faia ai pea e alii sili o tuutuuga amiotonu.+ 16  Ona o aʻu, ua pule ai pea perenise o ni perenise,+ ma o loo faamasino ai tamālii ma le amiotonu.+ 17  Ou te alofa atu iā i latou o ē e alolofa mai iā te aʻu,+ o ē e saʻili mai foʻi iā te aʻu, e latou te mauaina aʻu.+ 18  Ua iā te aʻu ʻoa ma le mamalu,+ o tofi tāua e tumau atoa ma le amiotonu.+ 19  E sili atu laʻu fua i le auro, e sili foʻi i le auro ua faamamāina, o meaalofa foʻi e maua mai iā te aʻu e sili atu i le siliva e aupito lelei.+ 20  Ou te savali i ala o le amiotonu,+ i le ogatotonu o auala o le faamasinoga,+ 21  ina ia maua ai mea e tāua e i latou o ē e alolofa mai iā te aʻu;+ ma ua ou faatumuina pea o latou fale teuoloa.+ 22  “O Ieova lava na faia aʻu, o le amataga o lona ala,+ o lana galuega muamua mai i aso anamuā.+ 23  Na faatūina aʻu mai i le vavau,+ mai i le amataga, a o leʻi faia le lalolagi.+ 24  Na fanaua aʻu e pei o le tigā o le a fanau a o leʻi iai ni vai loloto,+ a o leʻi iai foʻi ni vaipuna e puna tele mai ai vai. 25  Na fanaua aʻu e pei o le tigā o le a fanau a o leʻi faavaeina mauga,+ a o leʻi iai foʻi ni aʻega, 26  a o leʻi faia e ia le laueleele+ ma laufanua taalaelae ma uluaʻi potopotoi o palapala o le fanua lea e fua mai.+ 27  Na ou iai ina ua ia saunia le lagi;+ ina ua ia tuu foʻi se liʻo i luga o vai loloto,+ 28  ina ua ia faamausalīina o ao i lugā,+ ua ia faapogaia foʻi o vaipuna o vai loloto ina ia malolosi,+ 29  ina ua ia faia le tulafono o le sami ina ia aua neʻi sopoʻia e le suāsami lana poloaʻiga,+ ina ua ia faia foʻi faavae o le lalolagi,+ 30  na ou faatasi ma ia o se tufuga poto,+ na avea foʻi aʻu ma lē na ia matuā fiafia+ i ai i lea aso ma lea aso, na ou fiafia foʻi i ona luma i taimi uma,+ 31  ma fiafia foʻi i le laueleele lea e fua mai o lana lalolagi,+ ma sa ou matuā fiafia i le fanau a tagata.+ 32  “O lenei, le fanau e, inā faalogo mai ia iā te aʻu; ioe, e fiafia i latou e tausia oʻu ala.+ 33  Ia faalogo i mea e aʻoaʻo atu ona atamai ai lea,+ aua foʻi le teena.+ 34  E fiafia le tagata e faalogo mai iā te aʻu, e ala i le mataala i oʻu faitotoʻa i lea aso ma lea aso, e ala foʻi i le tū ma leoleo pou o oʻu faitotoʻa.+ 35  Auā o lē e na te maua aʻu e na te maua foʻi le ola,+ ma maua le finagalo malie o Ieova.+ 36  A o lē ua lē mauaina aʻu ua faasauā o ia i lona lava ola;+ o i latou uma e matuā ʻinoʻino iā te aʻu ua latou naunau i le oti.”+

Faamatalaga Pito i Lalo

Po o “ ʻamu.” I le taimi na tusia ai le Tusi Paia, sa iai ni ituaiga o ʻamu e tautele.