Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Faataoto 7:1-27

7  Loʻu atalii e, ia e tausi i aʻu upu+ ma ia teu aʻu poloaʻiga e pei o se oloa tāua iā te oe.+  Ia e tausi i aʻu poloaʻiga e faaauau ai ona e ola,+ ma laʻu tulafono ia pei o le ʻiʻoimata+ o ou mata.  Ia nonoa ia mea i ou tamatamaʻilima+ ma tusia ai i luga o le papamaa o lou loto.+  Ia e fai atu i le atamai:+ “O oe o loʻu tuafafine”; ma ia e taʻua le malamalama “o le Fafine o loʻu aiga,”  ina ia leoleoina ai oe mai i se isi fafine,+ mai i le fafine ese o lē ua fai ana tala taufaasee.+  Na ou tū i le faamalama o loʻu fale, ma vaai ifo ai mai i le faamalama,*+  ina ia ou tilotilo atu i ē e leai se poto masani.+ Na ou iloa atu ma sa ou fia vaai pea i se tasi tauleʻaleʻa mai i isi tauleleʻa ua leai sona mafaufau,+  na ia ui ane i le ala e latalata i le tulimanu e nofo ai le fafine, ma agaʻi atu i le fale o le fafine,+  i le tau pogipogi, i le afiafi,+ a o lata ina pō ma pogisa. 10  Faauta foʻi! ua fetaui se fafine iā te ia, ua ofu le fafine i ofu talitane+ ma e faitogafiti lona loto. 11  Ua malomaloā ma loto malosi le fafine.+ E leʻi tumau ona vae i lona fale.+ 12  Ua i fafo o lona fale, ua iai i nofoaga faitele,+ ua lamalama foʻi o ia i tulimanu uma.+ 13  Ua tago atu le fafine iā te ia ma sogi iā te ia.+ Ua lē ma o ia, ma ua faapea atu i le tauleʻaleʻa: 14  “Sa tatau ona ou faia taulaga faifaatasi.+ Na ou avatu i le asō mea na ou tautō ai.+ 15  O le mea lea ua ou sau ai e faafeiloaʻi iā te oe, i loʻu fia vaai iā te oe, ina ia ou maua oe. 16  Ua ou teuteu faamanaia loʻu moega i ʻie lino lanu eseese mai i Aikupito.+ 17  Ua ou sausau loʻu moega i le muro, o le aloe, ma le kinamoni.+ 18  Sau ia, seʻi faamalie i taʻua i le alofa seʻia oo i le taeao; seʻi ta fiafia o le tasi i le isi i fefaaaliaʻiga o le alofa.+ 19  Auā e lē o i le fale laʻu tane; o loo malaga o ia i se mea mamao.+ 20  Ua alu o ia ma ave i lona lima le ato tupe. O le a toe foʻi mai i le fale pe a vaaia le masina ua atoa.” 21  Ua taʻitaʻisesēina e le fafine o ia i le tele o ana upu faatauanau.+ Ua ia faatosina iā te ia i ana tala taufaasee.+ 22  Ona faafuaseʻi lea ona mulimuli atu o le tauleʻaleʻa iā te ia,+ e pei o se povi poʻa ua alu atu ia fasia, e pei foʻi ua noanoatia o ia mo le aʻoaʻiga o se tane valea, 23  seʻia isilua e se aū lona ate,+ e pei ona faavave atu o se manulele i se mailei,+ ma e na te leʻi iloa ua lamatia ai lona lava ola.+ 24  O lenei, le fanau e, inā faalogo mai ia iā te aʻu ma uaʻi mai i upu a loʻu gutu.+ 25  Aua neʻi liliu atu lou loto i ala o lea fafine. Aua foʻi neʻi e sesē ma ui atu i ona ala.+ 26  Auā e toʻatele ua ia faapogaia le paʻuʻū i lalo ma fasiotia ai,+ ma e anoanoaʻi i latou ua fasiotia e ia.+ 27  O lona fale o ala lea i le Tuugamau;*+ ua latou ō ifo i potu pogisa o le oti.+

Faamatalaga Pito i Lalo

E lē o se faamalama tioata ae e faia i fasi laupapa felavasaʻi.
Tagaʻi i le Faaopoopoga e 6.