Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Faataoto 6:1-35

6  Loʻu atalii e, afai e te lotomalie e faamaonia le aitalafu a lou tuaoi,+ pe afai foʻi ua e lūlū lima mo le tagata ese,+  afai e maileia oe i upu a lou gutu,+ afai foʻi e maua oe i upu a lou gutu,  o lenei loʻu atalii e, ia faia lenei gaoioiga, ia faasaoina oe, ona ua maua oe i le alofilima o lou tuaoi:+ Ia e faamaulalo iā te oe ma ia e talosaga atu pea i lou tuaoi.+  Aua neʻi moe ou mata, pe tautulemoe ou mata mananaia.+  Ia laveaʻiina oe e oe e pei o le manu o le sevi* mai i le lima o le tulimanu ma e pei foʻi o se manulele mai i le lima o lē e puʻe manulele.+  O oe le tagata paiē,+ inā alu ia i le loi;+ ia vaavaai i ona ala ina ia e atamai ai.  E ui e leai sona taʻitaʻiʻau, o se leoleo, po o se pule,  ae e na te sauniunia ana meaʻai i le tau māfanafana;+ e na te faaputuina foʻi ana meaʻai i le taimi o le seleselega.  Le paiē e, o le ā le umi o le a e taoto ai pea?+ O afea e te tulaʻi ai mai i lau moe?+ 10  Seʻi toe fai sina moe, seʻi toe fai foʻi sina matamoe, seʻi toe fai foʻi sina piilima a o taoto,+ 11  ona oo mai ai lea o lou mativa e pei o le tagata faomea+ i le auala, ma lou lē tagolima, ua pei o le tagata ua uu ana auupega.+ 12  O le tagata ulavale,+ o le tagata e fai mea faatigā, o loo savali ma tautala i mea faapiʻopiʻo,+ 13  ua faaʻivi lona mata,+ ua faia ni faailoga i lona vae, ma faasino mea i ona tamatamaʻilima.+ 14  Ua i lona loto le pepelo.+ Ua ia fafau mea leaga i taimi uma.+ Ua ia faatupuina pea maseiga.+ 15  O le mea lea e oo faafuaseʻi mai ai lona malaia;+ e vave lava ona gausia o ia, ae e leai se fofō.+ 16  E ono mea e ʻinoʻino i ai Ieova;+ ioe, e fitu mea e matuā inosia lava e ia:+ 17  o mata faamaualuga,+ o le laulaufaiva pepelo,+ o lima e sasaa le toto o ē e lē sala,+ 18  o le loto e fafau faufauga leaga,+ o vae e vave ona tamoʻe e fai le mea leaga,+ 19  o le molimau pepelo e na te faia tala sesē,+ ma so o se tasi e faatupuina maseiga i le va o uso.+ 20  Loʻu atalii e, ia tausi i le poloaʻiga a lou tamā,+ ma aua neʻi tuulafoaʻiina le tulafono a lou tinā.+ 21  Ia fusi e lē aunoa ia mea i lou loto;+ ia fusi foʻi i lou ua.+ 22  Pe a e savali, e taʻitaʻiina ai oe;+ pe a e taoto, e puipui ai oe;+ ma pe a e ala aʻe, o le a naunau tele ai iā te oe. 23  Auā o le poloaʻiga o le molī lea,+ o le tulafono o le malamalama lea,+ ma o aʻoaʻiga e aʻoaʻoina ai, o le ala lea o le ola,+ 24  ina ia leoleoina ai oe mai i le fafine leaga,+ mai i le laulaufaiva taufaasee foʻi o le fafine ese.+ 25  Aua le tuʻinanau lou loto i lona lalelei,+ ma aua neʻi maileia oe i ona mata aulelei,+ 26  auā e iʻu ai ina tasi le falaoa lapotopoto a se tasi ona o le fafine talitane;+ ae e tusa ai ma se avā a se tasi tane, e tulituliloa e ia le ola aogā o se tasi.+ 27  Pe e mafai ea e se tagata ona tuu le afi i lona fatafata ae e lē mū ai ona ofu?+ 28  Pe e mafai e se tagata ona savali i malala ola ae e lē mū ai ona vae? 29  E faapena foʻi o so o se tasi e feusuaʻi ma le avā a lona tuaoi,+ e leai se tasi e tago i lea fafine e sao mai i le faasalaga.+ 30  E lē inosia e tagata se gaoi pe a ia gaoi ni mea ina ia maʻona ai o ia ona ua fia ʻai. 31  Ae a maua o ia, ona ia toe totogi faafitu lea o ia mea; o le a ia avatu oloa uma o lona fale.+ 32  O so o se tasi e mulilua ma se fafine, ua leai sona mafaufau;*+ o lē na te faia lea mea, ua faaumatia e ia lona lava ola.+ 33  O le a maua e ia le malaia ma le māsiasi,+ o le a lē soloiesea foʻi lona faalumaina.+ 34  Auā o le fuā o le tane e ita ai o ia,+ ma e na te lē faaalia le alofa i le aso o le tauimasui.+ 35  O le a lē manatunatu foʻi o ia i se togiola,* pe e lotomalie e faafilemuina ai o ia, e tusa lava po o le ā le taugatā o lau meaalofa e avatu.

Faamatalaga Pito i Lalo

O le ʻaila saosaoa.
Po “ua leai se uunaʻiga lelei o le loto.”
Po o le tau e totogi atu.