Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 31:1-31

31  O upu a Lemueli le tupu, o le feʻau+ tāua na avatu e lona tinā iā te ia ina ia aʻoaʻo ai:+  O le ā laʻu tala iā te oe laʻu tama e, o le ā saʻu upu laʻu tama e, o lē na fanau mai i loʻu manava,+ ma o le ā saʻu upu laʻu tama e, o lē na ou tautō ai?+  Aua e te avatu lou malosi i fafine,+ aua foʻi e te ui i ala e iʻu i le aveesea o tupu.+  Lemueli e, e lē fetaui i tupu, e lē fetaui lava i tupu le inuina o le uaina po o le faapea mai o alii sili: “O fea o iai le ʻava malosi?”+  ina neʻi inu ai se tasi ma galo ai le tulafono, ma mimilo sesē ai se mataupu a se tasi ua puapuagatia.+  Ia outou avatu le ʻava malosi i lē o le a faaumatia+ ma le uaina iā i latou o ē ua matuā mafatia loto.+  Ia inu ai se tasi ma galo ai lona mativa, ma ia lē toe manatua foʻi e ia ona lava faafitauli.  Ia e tautala mo lē e lē mafai ona tautala mo ia lava,+ ma ia finau mo ē uma ua toetoe lava a feoti.+  Ia e tautala, ia faamasino ma le tonu ma finau mo lē ua puapuagatia ma lē ua mativa.+ א [Alefa] 10  O se avā lelei o ai sē na te maua?+ E sili lona tau i maa tāua.* ב [Peta] 11  Ua faatuatuaina o ia e lana tane* ma e leai se mea e mativa ai.+ ג [Gimela] 12  Ua ia tauia lana tane i le lelei ae e lē o le leaga i aso uma o lona olaga.+ ד [Taleta] 13  Ua ia saunia fulufulu mamoe ma ʻie lino, ma e fiafia o ia i galuega a ona lima.+ ה [He] 14  Ua pei o ia o vaa a se tagata faatauʻoa.+ E na te aumai ana meaʻai mai i se mea mamao. ו [Vau] 15  E ala o ia a o pogisa pea,+ ma avatu meaʻai i lona aiga ma saunia mea mo ana auauna teine.+ ז [Saina] 16  Ua manatunatu o ia i se fanua ona maua ai lea;+ o galuega a ona lava lima ua ia totō ai se togāvine.+ ח [Heta] 17  Ua ia fusi ona puimanava i le malosi, ma ua ia faamalosia ona lima.+ ט [Teta] 18  Ua ia iloa ua lelei ana fefaatauaʻiga; e lē mate lava lana molī i le pō.+ י [Iota] 19  Ua tago atu lona lima i le laau ua tāʻai ai le filo, ma uu i le isi ona lima le laau e faataamilo ai le filo.+ כ [Kafa] 20  Ua faamafola atu lona alofilima i lē ua puapuagatia, e na te tuu atu foʻi lona lima i le tagata mativa.+ ל [Lameta] 21  E lē popole o ia i lona aiga ona o le kiona, auā e taʻilua ofu e oofu ai tagata uma o lona aiga.+ מ [Mema] 22  Ua ia faia ʻie afu+ mo ia lava. O lona ofu o le ʻie lino ma le fulufulu mamoe ua vali lanu mūmū violē.+ נ [Nuna] 23  E lauiloa lana tane*+ i faitotoʻa o le aai,+ pe a saofafaʻi ma toeaina o le nuu. ס [Sameka] 24  Ua ia faia ofu pito i totonu+ ma faatau atu, ua faia e ia fusipaʻu ma avatu i ē e faipisinisi. ע [Oina] 25  O ona ofu o le malosi ma le mamalu,+ ma ua ʻataʻata o ia i aso o i luma.+ פ [Pe] 26  Ua tautala o ia ma le atamai,+ ua i lona laulaufaiva foʻi le tulafono o le alofa faamaoni.+ צ [Sati] 27  E vaavaai o ia i mea fai a lona aiga, ma e lē ʻai o ia i meaʻai a le paiē.+ ק [Kofa] 28  E tulaʻi lana fanau tama ma taʻua o ia e fiafia;+ e tulaʻi foʻi lana tane* ma viviia o ia.+ ר [Resa] 29  E toʻatele afafine+ e fai mea lelei, a o oe ua sili lava oe iā i latou uma.+ ש [Sini] 30  O le amio tauagafau e pepelo,+ e lē aogā foʻi le aulelei;+ a o le fafine e mataʻu iā Ieova, e viia lava o ia.+ ת [Tau] 31  Ia avatu iā te ia e tusa ma le fua o ona lima,+ ma ia viiviia o ia e ana galuega i faitotoʻa o le aai.+

Faamatalaga Pito i Lalo

Po o “ ʻamu.” I le taimi na tusia ai le Tusi Paia, sa iai ni ituaiga o ʻamu e tautele.
 I le gagana Eperu, “o lē e ona o ia.”
Tagaʻi i le faamatalaga pito i lalo o le Fat 31:11.
Tagaʻi i le faamatalaga pito i lalo o le Fat 31:11.