Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 3:1-35

3  Loʻu atalii e, aua neʻi galo iā te oe laʻu tulafono,+ ma ia tausia aʻu poloaʻiga i lou loto,+  auā e faaopoopo ai iā te oe o aso e tele, ma tausaga o lou olaga,+ e faaopoopo atu ai foʻi iā te oe le filemu.+  Tau ina ia aua neʻi teʻa ma oe le alofa faamaoni ma le mea moni.+ Ia asoa i lou ua.+ Ia tusia i luga o le papamaa o lou loto,+  ona e maua ai lea o le alofa ma le tofā mamao i luma o le Atua atoa ma tagata.+  Ia e faatuatua iā Ieova ma lou lotoatoa,+ ae aua le faalagolago i lou lava malamalama.+  Ia e manatua o ia i ou ala uma,+ ona ia faasaʻoina lea o ou ala.+  Aua e te faafiapoto.+ Ia e mataʻu iā Ieova ma ia e liliuese mai i ala leaga.+  Ia fai lea ma mea e malosi+ ai lou pute, ma toe faafouina ai ou ivi.+  Ia e āva iā Ieova i au ʻoa+ ma uluaʻi fua uma o au faaeleeleaga.+ 10  Ona tutumu ai lea o ou fale teu oloa;+ ma taumasuasua ai le mea e tali ai suāvine o le uaina fou.+ 11  Loʻu atalii e, aua e te teena le aʻoaʻoga a Ieova;+ ma aua e te ʻinoʻino i lana aʻoaʻiga,+ 12  auā e aʻoaʻia e Ieova o lē e alofa i ai,+ e pei foʻi ona faia e le tamā i lona atalii o lē ua ia alofa i ai.+ 13  E fiafia le tagata ua maua le atamai,+ ma le tagata ua iai le faautaga loloto,+ 14  auā e sili atu le mauaina o le poto i lo o le mauaina o oloa e pei o le siliva ma le auro.+ 15  E sili lona tautele nai lo o maa tāua,*+ e lē mafai foʻi ona faatusaina i isi mea uma e te fiafia i ai. 16  O loo i lona lima taumatau le tele o aso e ola ai;+ a o lona lima tauagavale, ua iai ʻoa ma le mamalu.+ 17  O ona ala o ala e matagofie, ma e filemu ona auala uma.+ 18  O le laau foʻi o le ola+ iā i latou o ē e fetagofi atu i ai, ma e fiafia+ i latou o ē e pipii atu i ai.+ 19  O le poto na faataatia ai e Ieova le faavae o le lalolagi.+ Na ia faatumauina le lagi i le faautaga loloto.+ 20  O lona poto ua vaeluaina ai vai loloto,+ ma ua māʻuluʻulu mai ai le timu mai i le lagi puaoa.+ 21  Loʻu atalii e, aua neʻi teʻa ma oe ia mea.+ Ia e taofimau i le atamai aogā ma le mafaufau lelei,+ 22  ona fai lea o ia mea ma mea e te ola ai,+ ma se asoa matagofie foʻi i lou ua.+ 23  Ona mafai ai lea ona e savali ma le saogalemu+ i lou ala, ma e lē tuʻia foʻi lou vae i se mea.+ 24  A e taoto e te lē fefe ai;+ ma e te taoto ai lava, ma manaia ai lau moe.+ 25  E te lē fefe pe a tupu faafuaseʻi se mea mataʻutia,+ po o le malaia e oo i ē e amioleaga, auā o loo fotuaʻi mai.+ 26  E avea Ieova ma ou faatuatuaga,+ ma e na te leoleo foʻi i lou vae neʻi puʻea.+ 27  Aua e te taofia se mea lelei mai i ē ua tatau i ai,+ pe a mafai ona e faia.+ 28  Aua e te fai atu i lou tuaoi: “Ia e alu ona e toe sau ai lea a taeao, ma ou te foaʻi atu ai iā te oe,” a o loo iai se mea ua iā te oe.+ 29  Aua e te faufau e fai se mea leaga i lou tuaoi,+ a o nofo o ia ma lona manatu ua saogalemu ona o oe.+ 30  Aua e te finau fua ma se tagata,+ pe afai e na te leʻi faia se mea leaga iā te oe.+ 31  Aua e te matauʻa i se tagata e sauā,+ pe e mulimuli i se tasi o ona ala.+ 32  Auā e inosia+ e Ieova le tagata fai mea piʻopiʻo,+ ae e mafuta vavalalata atu o Ia i ē ua amio saʻo.+ 33  E faamalaia e Ieova le fale o lē e amioleaga,+ ae e na te faamanuia le mea e nonofo ai o ē e amiotonu.+ 34  E aamu+ o ia e tusa ai ma ē e tauemu;+ ae e finagalo malie o ia iā i latou e lotomaulalo.+ 35  O ē e atamamai e fai ma o latou tofi le mamalu,+ a o ē e vālea e latou te mimita i mea e faamāina ai.+

Faamatalaga Pito i Lalo

Po o “ ʻamu.” I le taimi na tusia ai le Tusi Paia, sa iai ni ituaiga o ʻamu e tautele.