Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Faataoto 29:1-27

29  O le tagata e aʻoaʻia+ soo ae e faauamaaa,+ e faafuaseʻi ona gausia, ma e lē toe iai se vaifofō.+  Pe a faatoʻateleina o ē e amiotonu, e olioli ai le nuu;+ ae pe a pule le tagata amioleaga, e mapuitigā ai le nuu.+  O le tagata e naunau i le atamai e faafiafia ai lona tamā,+ a o lē e faifaimea ma ē e talitane, e faaumatia e ia mea tāua.+  E faatumauina se atunuu pe a fai mea tonu se tupu,+ a o le tagata e na te fia maua mea i se auala faaalatua, e na te lepetia ai le atunuu.+  O le tagata e taufaasee i lana uō,+ ua folasia e ia se upega i le mea e ui ai o ia.+  E iai le mailei i le solitulafono a le tagata leaga,+ a o lē e amiotonu e alaga o ia i le olioli ma e fiafia foʻi o ia.+  E iloa e lē e amiotonu aiā tatau a ē e faatauvaa.+ A o lē e amioleaga ua lē manatunatu o ia i le poto.+  O tagata mimita e latou te faamūina le aai,+ a o i latou o ē e atamamai e liliueseina ai le ita.+  O le tagata atamai ua faia la laʻua faamasinoga ma se tagata valea, e pisapisaō ma ata le tagata valea, ma e leai se filemu.+ 10  E ʻinoʻino tagata faamasaatoto i lē e lē ponā;+ ma o ē e amio saʻo e latou te saʻili pea mo le lelei o tagata taʻitoʻatasi.+ 11  O le tagata valea e na te sasaa uma mai lona ita,* a o lē e atamai, e taofiofi i lona ita seʻia mavae le faafitauli.+ 12  Pe a faalogo se pule i se faamatalaga sesē, e amioleaga foʻi i latou uma o ē e tautua iā te ia.+ 13  E iai le mea e tutusa ai le tagata e itiiti ana mea ma le tagata sauā;+ a o Ieova e na te faamalamalamaina mata o i laʻua uma.+ 14  Pe afai e faamasinoina e le tupu o ē e faatauvaa i le faamaoni,+ o le a matuā faatumauina pea lona nofoālii.+ 15  O le laau* ma le aʻoaʻiga e tupu ai le atamai;+ a o le tama e tuufau e tupu ai le mā o lona tinā.+ 16  Pe a faatoʻateleina o ē e amioleaga, e faateleina ai solitulafono; ae o le a vāai o ē e amiotonu i lo latou paʻuʻū.+ 17  Ia e aʻoaʻi i lou atalii ona e maua ai lea o le mapusaga ma e faafiafiaina ai foʻi oe.+ 18  Pe a leai se faaaliga e ulavavale ai le nuu,+ ae e fiafia o ē e tausia le tulafono.+ 19  E lē manaʻo le auauna e faasaʻoina o ia i upu,+ auā e ui lava ina malamalama o ia ae e na te lē utagia.+ 20  Pe na e iloa se tagata e vave ona tautala ae e lē mafaufau muamua?+ E tele atu le faamoemoe mo le tagata valea nai lo o ia.+ 21  Afai e faapelepele se tasi i lana auauna mai lava a o talavou, a oo ina matua o ia e lē loto faafetai. 22  O le tagata e itaitagofie e faatupuina misa,+ ma o se tasi e vave ona ita e tele ana solitulafono.+ 23  O le faualuga o le tagata e faamaulaloina ai o ia,+ a o lē e lotomaulalo e na te mauaina le mamalu.+ 24  O lē e faifaimea faatasi ma lē e gaoi ua ʻinoʻino o ia i lona lava ola.+ E faalogo o ia i se tautoga e iai se fetuu, ae e na te lē taʻuina.+ 25  O le fefe i tagata o le mailei lea,+ a o lē e faatuatua iā Ieova e puipuia o ia.+ 26  E toʻatele i latou e saʻili i le finagalo malie o se pule,+ ae o le faamasinoga o le tagata e mai iā Ieova lea.+ 27  O le tagata e faia mea lē tonu, o se mea inosia lea i le tagata amiotonu,+ a o lē e saʻo lona ala o se mea inosia lea i le tagata amioleaga.+

Faamatalaga Pito i Lalo

I le gagana Eperu, “o lona agaga.”
E faaataina mai e le “laau” faasaʻoga ma le faia foʻi o faasalaga.