Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 28:1-28

28  E sosola o ē e amioleaga ae e leai se tasi o tuliloaina i latou,+ a o ē e amiotonu e lototetele i latou e pei o le leona taanoa.+  O le solia e le nuu o tulafono ua faapea ai ona fesuisuiaʻi perenise,+ a o le tagata e iai le faautaga mamao e na te iloa le mea saʻo, o le a umi ai le pulega a le perenise.+  O le tagata ua itiiti ana mea ma ua ia ave faagaoi mea a ē e faatauvaa,+ ua pei o timuga ua tafiesea ai mea ma ua lē toe iai ni meaʻai.  O i latou ua tuua le tulafono e latou te viia o lē e amioleaga,+ a o i latou ua tausia le tulafono e latou te feita iā i latou na.+  O tagata e faia mea leaga e lē malamalama i le faamasinotonu, a o i latou ua saʻili iā Ieova ua latou malamalama i mea uma.+  E sili o lē e itiiti ana mea ae e savali ma le faamaoni, nai lo o lē e faapiʻopiʻo i ona ala e ui e mauʻoa o ia.+  O loo tausia e le atalii malamalama le tulafono,+ a o lē e faifaimea faatasi ma ē e soona ʻai tetele e faamāina ai lona tamā.+  O lē e faateleina ana mea tāua e ala i tupe faasili+ ma polofiti mai i nonogatupe, e na te faaputuina ia mea mo lē e na te faaalia le agalelei i ē e faatauvaa.+  O lē e liliuese ona taliga ae e lē faalogo i le tulafono,+ e inosia lana lava tatalo.+ 10  O lē e faasesē i ē e amio saʻo ina ia ō i le ala leaga,+ o le a paʻū o ia i lona lava lua,+ ae e tauia i mea lelei o ē e lē ponā.+ 11  O le tagata mauʻoa e atamai o ia i ona lava manatu,+ a o lē e faatauvaa ua iai le faautaga loloto e na te iloa uiga moni o lea tagata.+ 12  Pe a olioli o ē e amiotonu,+ o se mea matagofie lea; ae pe a tulaʻi mai tagata amioleaga, e suia e tagata o latou foliga vaaia.+ 13  O lē ua ufiufi i ana solitulafono e lē taulau manuia o ia,+ a o lē e taʻutino atu ma lafoaʻi ia mea, o le a faaalia i ai le alofa mutimutivale.+ 14  E fiafia le tagata ua mataʻu e lē aunoa,+ a o lē e faamaaa i lona loto e paʻū o ia i le malaia.+ 15  E pei o le leona o loo gu ma le pea o loo osofaʻi vave mai, o le pule amioleaga lea i ē e faatauvaa.+ 16  O le taʻitaʻi ua leai se faautaga poto ua tele foʻi ana gaoioiga faapiʻopiʻo,+ ae o le a faaumiumi aso o lē e ʻinoʻino i polofiti+ e maua i faiga lē saʻo. 17  O le tagata ua nofosala i le fasiotia o se tagata, o le a sola lava e oo i le lua.+ Ia aua neʻi latou taofia o ia. 18  E faaolaina o lē e savali ma le lē ponā,+ ae o lē e faapiʻopiʻo i ona ala e vave paʻū.+ 19  O lē e galueaʻiina lona lava fanua o le a tele ana meaʻai,+ ma o lē e saʻilia mea e lē aogā, e tele lona mativa.+ 20  O le tagata e faamaoni e tele ona faamanuiaga,+ a o lē e faataalise ona saʻili i ʻoa e lē tumau ona mamā o ia.+ 21  E lē lelei le faaalia o le faaʻauʻau,+ po o le solitulafono foʻi a se tamāloa ona o se fasi falaoa. 22  O le tagata e matauʻa e tauivi malosi i le saʻilia o oloa tāua,+ ae e na te lē iloa o le a iʻu ina mativa lava o ia. 23  O lē e na te aʻoaʻia se tagata,+ e mulimuli ane e sili atu ona alofagia o ia nai lo o lē e tautala lona laulaufaiva i upu taufaasee. 24  O lē e gaoia mea a lona tamā ma lona tinā+ ma faapea ane: “E lē o se solitulafono lea mea,”+ o loo galulue faatasi o ia ma le tagata e na te faaleagaina mea. 25  O lē e faasausili i lona loto e na te faatupuina misa,+ a o lē e faalagolago iā Ieova o le a tino lelei o ia.+ 26  E valea o lē e na te faatuatuaina lona lava loto,+ ae e sao o lē e savali ma le atamai.+ 27  O lē e foaʻi atu i le tagata e itiiti ana mea e lē mativa ai o ia,+ a o lē e ʻalo ona mata, o le a tele ona malaia.+ 28  Pe a tutulaʻi o ē e amioleaga e pule, e lalafi ai tagata;+ ae pe a faaumatia i latou, ona faatoʻateleina ai lea o tagata amiotonu.+

Faamatalaga Pito i Lalo