Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 27:1-27

27  Aua e te mimitavale e faatatau i le aso a taeao,+ auā e te lē iloa po o le ā le mea e tupu a taeao.+  Ia viia oe e se tagata e te lē masani ai ae e lē o lou lava gutu; ia faia faapea e se tagata ese ae e lē o ou lava laugutu.+  O le mamafa o le maa ma le uta oneone,+ o ia mea e lua, e sili ai le mamafa o le tigā o le loto ona o le tagata valea.+  Ua iai le sauā i le lotoa, e faapea foʻi le tafega o le ita,+ ae o ai e mafai ona tū i luma o le lotoleaga?+  E sili ona lelei le faailoa atu o le aʻoaʻiga+ nai lo le natia ona o le alofa.  O le manuʻa mai i lē e alofa, e faamaoni ia,+ a o sogi a lē e ʻinoʻino, o mea ia e tatau ona ʻaiʻoi atu i ai.+  O le tagata e maʻona e na te solia le meli, a o le tagata e fia ʻai e suamalie mea oona uma.+  E pei ona lele ese se manulele mai i lona ofaga,+ e faapena le tagata e sola ese mai i le mea e mau ai.+  O le suāuu ma le mea manogi+ e mū e faafiafia ai le loto, e faapena foʻi le suamalie o se uō a se tasi ona o fautuaga ua ia aumaia ma lona lotoatoa.+ 10  Aua e te tuua lau uō po o le uō a lou tamā, aua foʻi e te ulu atu i le fale o lou lava uso i le aso o lou puapuaga. E sili le tuaoi e lata mai, nai lo o le uso e nofo i se mea mamao.+ 11  Loʻu atalii e, ia atamai oe ma faafiafia ai loʻu loto,+ ona ou mautali ai lea i lē o loo taufaifai mai.+ 12  O lē ua iai le utaga mamao ua iloa atu le mala ma lafi ai;+ a o lē ua leai se poto masani ua alu atu pea o ia ma malaia ai i āuga leaga.+ 13  Ia talia se ofu pe afai ua faamaonia e se tasi le aitalafu a sē e lē masani ai;+ ma ia ave se mea e faamaonia ai le aitalafu a se tasi ona o lana faiā ma se fafine ese.+ 14  O lē e faamanuia i lona tuaoi i se leotele i le taeaopō, e manatu i ai o se fetuu mai i lē o loo faia le faamanuiaga.+ 15  O le taualuga tutulu i le aso timuga lea e tuliesea ai se tasi ma le avā faamisa, ua tutusa ia.+ 16  O so se tasi e nanā i le fafine, ua nanā e ia le matagi ma ua maua e ia le suāuu i lona lima taumatau. 17  E faamaʻai le uʻamea i le uʻamea. E faapena foʻi ona faamaʻai e le tasi tagata foliga o le isi tagata.+ 18  O lē e leoleoina le laau o le mati o le a ʻai o ia i lona fua,+ ma o lē e leoleoina lona matai o le a viia o ia.+ 19  E pei ona iloa atu le ata o foliga i le vai, e faapena ona faaatagia mai e le loto o le tasi tagata le loto o le isi tagata. 20  O le Tuugamau* ma le nofoaga o faaumatiaga+ e lē malie ia;+ e faapea foʻi ona lē faamalieina mata o tagata.+ 21  O le ulo e tunu ma faamamā ai le siliva,+ o le ogaumu foʻi mo le auro;+ e faapea foʻi le tagata i lona viiga.+ 22  E tusa lava pe e te tuʻininiia le tagata valea i se mea e tuʻi ai i se tamaʻi tanoa, faatasi ma fatu ua tuʻia, o le a lē teʻa ese lava lona faavalevalea mai iā te ia.+ 23  E ao ona e iloa lelei lau lafu. Ia e uaʻi atu i au lafu;+ 24  auā e lē tumau ʻoa e faavavau,+ po o se palealii i tupulaga uma. 25  Ua mou atu le mutia lanu meamata, a ua aliaʻe mai le mutia fou, ma ua aoaoina vao o mauga.+ 26  O tamaʻi mamoe poʻa e fai ai ou ofu,+ ma o ʻoti poʻa o le tau lea o le fanua. 27  Ua lava le suāsusu ʻoti e fai ai au meaʻai,+ ma le meaʻai a lou aiga ma mea e ola ai tamaʻitaʻi o lou aiga.

Faamatalaga Pito i Lalo

Po o “Seoli.” Tagaʻi i le Faaopoopoga e 6.