Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 25:1-28

25  O faataoto foʻi nei a Solomona+ na sii mai e tagata o Esekia le tupu o Iuta:+  O le mamalu o le Atua o le natia lea o se mataupu,+ a o le mamalu o tupu o le suʻesuʻeina lea o se mataupu.+  O le lagi e maualuga lea,+ o le eleele e loloto lea,+ a o le loto o tupu, e lē masuʻesuʻeina ia.+  Ia aveesea otaota mai i le siliva ona mamā uma ai lea.+  Ia aveesea le tagata amioleaga mai i luma o le tupu,+ ona matuā faatumauina ai lea o lona nofoālii i le amiotonu.+  Aua e te faamamaluina oe lava i luma o le tupu,+ ma aua foʻi le tū i tulaga o ē e taualoa.+  Auā e sili mo ia le faapea atu iā te oe: “Inā sau ia i luga nei,”+ nai lo o le faamaulaloina o oe i luma o se tamālii ua e vaai i ai.+    Aua neʻi e vave alu e fai se mataupu faaletulafono ina neʻi e fememeaʻi i le iʻuga pe a faamāina oe e lou tuaoi.+  Ia finau i lau mataupu ma lou tuaoi,+ aua e te faailoa mataupu faalilolilo a se tasi;+ 10  ina neʻi faamāina oe e lē o faalogo mai ma lē mafai ai ona e toe faafoʻi mai lau faamatalaga leaga na fai. 11  O le upu e fai atu i le taimi tatau, e pei o apu auro i totonu o mea siliva ua togitogiina.+ 12  O le tagata ua aʻoaʻi atu ma le atamai i taliga ua faalogo mai, ua pei o le tautaliga auro ma le teuteu o auro lelei.+ 13  E pei o le mālū o le kiona+ i le aso o le seleselega, e faapea foʻi le avefeʻau faamaoni i ē ua aauina atu o ia, auā ua ia faafouina ola o ona matai.+ 14  E pei o ao ma matagi e aunoa ma se timu le tagata ua gugutu i ana mea na foaʻi, ae e pepelo.+ 15  O le onosaʻi e faaōleōle ai se taʻitaʻiʻau, ma le laulaufaiva agamalu e gau ai se ivi.+ 16  Po ua e maua ea le meli?+ Ia ʻai mea e lava mo oe, neʻi e ʻai tele ma e puaʻi ai.+ 17  Aua e te alu soo i le fale o lou tuaoi, neʻi fiu o ia iā te oe ma ʻinoʻino ai iā te oe. 18  O le tagata e molimau faasaga i lona tuaoi ae e pepelo ua pei o se uatogi, o se pelu ma se aū maʻai.+ 19  E pei le faatuatuaina o le tagata e lē faamaoni i le aso o puapuaga, o le nifo ua gau ma le vae ua setusetu.+ 20  E pei lē ua toese lona ofu i le aso mālūlū, o le vineta ua sasaa i le neteri* ma le tagata pese ua usu pese i le loto ua mafatia.+ 21  Afai e fia ʻai o lē e ʻinoʻino iā te oe, ia avatu iā te ia se meaʻai e ʻai ai; afai e fia inu o ia, ia avatu i ai se vai e inu ai.+ 22  Auā ua e faaputu ai malala i luga o lona ulu,+ ma e tauia oe e Ieova.+ 23  E aumaia e le matagi mai i mātū o timuga e pei o le tigā o le a fanau;+ ma o le laulaufaiva e taʻua se mea lilo, e taʻusalaina lea.+ 24  E sili le nofo i le tulimanu o le taualuga nai lo o le nonofo faatasi ma se avā faamisa i le fale lava e tasi.+ 25  E pei o le vai mālū i le tagata ua matuā vaivai,+ e faapena foʻi se lipoti lelei mai i se nuu mamao.+ 26  O se vaipuna ua faagaepu ma se vaieli ua faaleagaina, o le tagata amiotonu lea pe a tautevateva i luma o sē e amioleaga.+ 27  E lē lelei le ʻaitele i le meli;+ ma pe a saʻili e tagata lo latou lava mamalu, po o le mamalu ea lea?+ 28  O le tagata e lē pulea o ia lava ua pei o se aai ua osofaʻia ma ua solofa le pā.+

Faamatalaga Pito i Lalo

O se ituaiga o pauta e faaaogā e faamamā ai mea.