Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 21:1-31

21  O le loto o le tupu ua pei o alāvai i le aao o Ieova.+ Na te liliuina i mea uma ua ia finagalo i ai.+  O ala uma o le tagata e saʻo i lona lava manatu,+ a o Ieova e na te fuatia loto.+  O le faia o le amiotonu ma le faamasinoga, e sili lea iā Ieova nai lo o le taulaga.+  O mata ua faualuga ma le loto faasausili,+ o le molī a ē e amioleaga, o le agasala lea.+  O fuafuaga a le tagata toʻaga e manuia ai o ia,+ a o i latou e faataalise ona faia mea e iʻu ai i le mativa.+  O le mauaina o oloa e ala i se laulaufaiva pepelo,+ o le mānava lea ua mou atu iā i latou o loo saʻili i le oti.+  O mea leaga a ē e amioleaga e tafiesea ai i latou,+ auā ua latou mumusu e faia le mea tonu.+  O le tagata ua liliuese ua faapiʻopiʻo i ona ala;+ a o le tagata mamā e tonu lana galuega.+  E sili le nofo i le tulimanu o le taualuga,+ nai lo o le nonofo faatasi ma se avā faamisa i le fale e tasi.+ 10  Ua manaʻo le loto o le tagata amioleaga i mea leaga;+ e lē fiafia o ia i lona tuaoi.+ 11  O le tuuina atu o le sala i le tagata tauemu, e atamai ai lē ua leai se poto masani;+ pe a iai foʻi le tofā mamao i le tagata atamai, ona maua ai lea e ia o le poto.+ 12  E uaʻi atu ma le poto Lē e amiotonu* i le fale o le tagata amioleaga,+ ma e na te lafotuina o ē e amioleaga ina ia oo ai mala iā i latou.+ 13  O se tasi na te punitia ona taliga mai i le alaga a le tagata lē taualoa,+ e valaau atu foʻi o ia ae e lē taliaina.+ 14  O se meaalofa na fai faalilolilo e fai ifo ai le ita;+ ma o se foaʻi e faia i se auala faaalatua mai i le fatafata,+ e fai ifo ai le lotoa. 15  O se mea fiafia i le tagata amiotonu le faia o le mea tonu,+ a o i latou e faia mea e tigā ai e oo i ai se mea mataʻutia.+ 16  O le tagata e lafoaʻia le ala o le tofā mamao,+ o le a mālōlō o ia faatasi ma le faapotopotoga o ē ua oti.+ 17  E lē tagolima o lē e matuā naunau i mea faafiafia;+ e lē tamaoaiga foʻi o lē e matuā naunau i le uaina ma le suāuu.+ 18  E fai le tagata amioleaga ma togiola mo lē e amiotonu;+ ma e suitulaga le tagata e lē faamaoni i ē ua saʻo a latou amio.+ 19  E sili le nofo i le toafa nai lo o le nonofo faatasi ma se avā faamisa ma faatigā ulu.+ 20  O le ʻoa tāua ma le suāuu ua iai i le fale o le tagata atamai,+ a o le tagata valea o le a ia faataugāina ia mea.+ 21  O lē e na te tuliloaina le amiotonu+ ma le alofa faamaoni, e maua e ia le ola, o le amiotonu ma le mamalu.+ 22  Ua aʻea e le tagata atamai le aai o tagata malolosi, ina ia faatoʻilaloina e ia le malosi o lo latou faatuatuaga.+ 23  O lē na te pulea lona gutu ma lona laulaufaiva, ua ia leoleoina lona ola mai i puapuaga.+ 24  O le faamaualuga ma le mimitavale, o le igoa lea o lē ua faaalia le faamaualuga i lona ita.+ 25  O le manaʻo o le paiē e oti ai o ia, auā ua lē fia galue ona lima.+ 26  O aso uma ua ia faaalia le naunau tele, a o lē e amiotonu e foaʻi atu e aunoa ma le taofia o se mea.+ 27  O le taulaga a ē e amioleaga o se mea lea e inosia.+ E sili atu la ona inosia pe a aumaia e se tasi e amio matagā.+ 28  O le a faaumatia le molimau pepelo,+ a o le tagata e iloa faalogo lelei o le a tautala pea o ia e faavavau.+ 29  O le tagata amioleaga e foliga lē mā,+ a o le tagata e saʻo lana amio e matuā faatumauina ona ala.+ 30  E leai se atamai, po o se faautaga loloto, po o se fautuaga e tetee atu iā Ieova.+ 31  Ua saunia le solofanua mo le aso o le taua,+ a o le faaolataga o loo iā Ieova lea.+

Faamatalaga Pito i Lalo

O loo faasino atu iā “Ieova.”