Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Faataoto 20:1-30

20  O le uaina o le faatauemu lea,+ o le ʻava malosi o le pisapisaō lea,+ ma e lē atamamai i latou o ē e faasesēina ai.+  O le mataʻutia o se tupu e pei o le tagi a le leona poʻa taanoa.+ O lē e māfua ai ona toʻasā le tupu iā te ia, ua agasala o ia iā te ia lava.+  O se mea mamalu i se tagata le taumamao mai i le misa,+ a o ē e vālea e vave ona aafia ai.+  O le tagata paiē e na te lē suatia le fanua ona o le tau mālūlū;+ e ʻaisi o ia i le taimi o le seleselega, ae e lē maua se mea.+  O manatunatuga i le loto o le tagata, o vai loloto ia,+ a o le tagata e iai le faautaga loloto, e na te utufia mai ai.+  O le toʻatele o tagata e taʻitoʻatasi ma talaʻi lona lava alofa faamaoni,+ a o ai sē e na te iloa se tagata faamaoni?+  E savali ma le faamaoni le tagata amiotonu.+ E fiafia lana fanau pe a mavae atu o ia.+  E afio le tupu i lona nofoālii e faia faamasinoga,+ e na te faataapeapeina mea leaga uma i ona fofoga.+  O ai e mafai ona faapea ane: “Ua ou faamamāina loʻu loto;+ ua ou mamā mai i laʻu agasala”?+ 10  E lua fua eseese e fua ai mea ma fua eseese e lua o le efa,+ o nei mea e lua o mea ia e inosia e Ieova.+ 11  E mafai ona iloa le tama i lana amio pe e lelei ma tonu ana mea e fai.+ 12  O taliga e faalogo ai ma mata e vaai ai, o Ieova lava ia na faia ia mea uma e lua.+ 13  Aua e te naunau tele i le moe, neʻi e mativa ai.+ Ia pupula ou mata; ma ia e maʻona i le meaʻai.+ 14  Ua faapea mai le tagata faatau, “E leaga, e leaga lenei mea!”+ ma alu ese ai o ia. Ona ia mitamita ai lea e uiga iā te ia lava.+ 15  Ua iai auro, ua iai foʻi le tele o maa tāua;* a o laugutu e iai le poto, o ipu tāua ia.+ 16  Ia talia se ofu pe afai ua faamaonia e se tasi le aitalafu o sē e lē masani ai;+ ma ia ave se mea e faamau ai le aitalafu a se tasi ona o lana faiā ma se fafine ese.+ 17  E manaia i le tagata le tofo o le meaʻai e maua i se ala pepelo,+ ae e mulimuli ane o le a tumu lona gutu i ʻiliʻili.+ 18  Ua matuā faatumauina fuafuaga ona o fautuaga lelei,+ ma ia faia pea lau taua e ala i taʻitaʻiga atamai.+ 19  O lē e fealualuaʻi solo ma fai tala taufaaleaga e na te faaalia mataupu faalilolilo;+ o lē foʻi e tautala soo ona laugutu aua e te faifaimea faatasi ma ia.+ 20  O se tasi e faamalaia i lona tamā ma lona tinā,+ e tineia lona molī pe a oo mai le pogisa.+ 21  Ua maua le tofi e ala i le matapeʻapeʻa i le amataga,+ a o lona lumanaʻi o le a lē faamanuiaina.+ 22  Aua e te faapea ane: “Ou te taui atu le leaga!”+ Ia faamoemoe iā Ieova,+ ona ia faaolaina ai lea o oe.+ 23  E lua fua eseese e fua ai mea e inosia e Ieova,+ ma e lē lelei le fua faatautau faaaimamago.+ 24  E mai iā Ieova laasaga o se tamāloa.+ Ae e faapefea ona iloa e le tagata lona lava ala?+ 25  O se mailei pe a valaau vave atu le tagata e faapea, “Ua paia!”+ ma pe a uma ona faia tautoga+ ona ia suʻesuʻeina ai lea.+ 26  O se tupu atamai e na te faataapeapeina tagata amioleaga,+ ma e na te faataavili se uili i o latou luga.+ 27  O le mānava+ o le tagata o le molī lea a Ieova, o loo matuā suʻesuʻe i vaega pito i totonu o le manava.+ 28  Ua puipuia le tupu e le alofa faamaoni ma le mea moni;+ ua ia faatumauina lona nofoālii ona o le alofa faamaoni.+ 29  O le matagofie o tauleleʻa o lo latou malosi lea,+ ma o le mamalu o toeaiina o lo latou ulusinā lea.+ 30  O manuʻa ua totoulia ua aveesea ai le leaga;+ ma o tā foʻi e oo atu i le vaega pito i totonu o le manava.+

Faamatalaga Pito i Lalo

Po o “ ʻamu.” I le taimi na tusia ai le Tusi Paia, sa iai ni ituaiga o ʻamu e tautele.